ಬೆಂಗಳೂರಿನಲ್ಲಿ ವಿಕ್ರಾಂತ್ ರೋಣ ಸಿನೆಮಾ ಪ್ರದರ್ಶನ ಇಂದು ಬೆಳಗ್ಗೆ 5.30 ರಿಂದಲೇ ಶುರುವಾಗಿದೆ. ಊರ್ವಶಿ ಥಿಯೇಟರ್ನಲ್ಲಿ ಎಲ್ಲಾ ಶೋಗಳು ಹೌಸ್‌ ಫುಲ್ ಆಗಿವೆ. ಊರ್ವಶಿ ಚಿತ್ರಮಂದಿರದಲ್ಲಿ 6 ಶೋಗಳು ಪ್ರದರ್ಶನ ಕಾಣುತ್ತಿದ್ದು, ಸುದೀಪ್ ಅಭಿಮಾನಿಗಳು ಚಿತ್ರ ಬಿಡುಗಡೆಯನ್ನು ಹಬ್ಬದಂತೆ ಆಚರಿಸುತ್ತಿದ್ದಾರೆ. ಊರ್ವಶಿಯಲ್ಲಿ ಮೊದಲ ಶೋ ನೋಡುವುದಕ್ಕೆ ಸುದೀಪ್ ತಮ್ಮ ಪತ್ನಿ ಪ್ರಿಯಾ ಮತ್ತು ಸ್ನೇಹಿತರ ಜೊತೆಗೂಡಿ ಬಂದಿದ್ದರು.
ಕಿಚ್ಚ ಸುದೀಪ್ ಪ್ರತಿಕ್ರಿಯಿಸಿ, "ಎಷ್ಟೋ ಊರುಗಳಲ್ಲಿ ನಡೆಯುತ್ತಿರುವ ಸಂಭ್ರಮದ ವಿಡಿಯೋಗಳನ್ನು ನೋಡಿದ್ದು, ಈ ಪ್ರೀತಿಗೆ ನಾನು ಸೋತಿದ್ದೇನೆ. ಪ್ರತಿಯೊಬ್ಬರಿಗೂ ಧನ್ಯವಾದಗಳು. ಈ ಧನ್ಯವಾದ ನನ್ನ ಚಿತ್ರದ ಸಂಭ್ರಮಕ್ಕಾಗಿ ಅಲ್ಲ, ನಿಮ್ಮ ಪ್ರೀತಿಗೆ" ಎಂದರು.
"ನಾನು ಸಣ್ಣ ಹೆಸರು ಮಾಡಲೆಂದು ಚಿತ್ರರಂಗಕ್ಕೆ ಬಂದಿದ್ದೆ. ಆದ್ರೆ ಈ ಮಟ್ಟಕ್ಕೆ ನಿಮ್ಮೆಲ್ಲರ ಪ್ರೀತಿ ಗಳಿಸಿರುವುದು ಸಂಭ್ರಮದ ವಿಡಿಯೋಗಳನ್ನು ನೋಡಿ ತಿಳಿಯಿತು. ನನ್ನ ಚಿತ್ರರಂಗದ ಮಿತ್ರರಿಗೂ ಅಭಿನಂದನೆಗಳು" ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ‘ವಿಕ್ರಾಂತ್ ರೋಣ’ ಪ್ರೀ ರಿಲೀಸ್ ಇವೆಂಟ್.. ಮಗಳಿಗೋಸ್ಕರ ಹಾಡು ಹಾಡಿದ ಕಿಚ್ಚ ಸುದೀಪ್! VIDEO
