ಸೇಡಂನಲ್ಲಿ ‘ಮಹಾ’ ಸ್ಫೋಟ, ಇಂದು 26 ಜನರಲ್ಲಿ ಸೋಂಕು ದೃಢ

ಮಂಗಳವಾರ ಒಂದೇ ದಿನ 26 ಜನರಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಳ್ಳುವ ಮೂಲಕ ಸೇಡಂ ಜನರನ್ನು ಬೆಚ್ಚಿಬೀಳಿಸಿದೆ. ಈ ಮೂಲಕ ತಾಲೂಕಿನಲ್ಲಿ ಸೋಂಕಿತರ ಸಂಖ್ಯೆ 40ಕ್ಕೆ ಏರಿಕೆ ಯಾಗಿದೆ.

ಸೇಡಂ: ತಾಲೂಕಿನಲ್ಲಿ ಇಂದು ಒಂದೇ ದಿನಕ್ಕೆ 26 ಜನರಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಳ್ಳುವುದರ ಮೂಲಕ ಸೇಡಂ ಜನರನ್ನು ಬೆಚ್ಚಿಬೀಳಿಸಿದೆ.

ಇದರಲ್ಲಿ 30 ವರ್ಷದ ನಾಲ್ಕು ಮಹಿಳೆಯರು, 6 ವರ್ಷ ಇಬ್ಬರು ಹೆಣ್ಣು ಮಕ್ಕಳು ಸೇರಿ, ಉಳಿದ 10 ಜನ ಮಹಿಳೆಯರಿಗೆ ಸೋಂಕು ದೃಢಪಟ್ಟಿದೆ. ಅಲ್ಲದೆ 3 ವರ್ಷ ಮತ್ತು 6 ವರ್ಷದ ಗಂಡು ಮಗು ಒಳಗೊಂಡಂತೆ ಎಂಟು ಜನ ಪುರುಷರಲ್ಲಿ ಕೊರೊನಾ ಸೋಂಕು ಕಂಡು ಬಂದಿದೆ. ಸೋಂಕಿತರೆಲ್ಲರೂ ಕ್ವಾರಂಟೈನ್ ಕೇಂದ್ರದಲ್ಲಿದ್ದರು. ಮಹಾರಾಷ್ಟ್ರದಿಂದ ಹಿಂದಿರುಗಿದವರಾಗಿದ್ದಾರೆ ಎಂದು ತಾಲೂಕು ಆರೋಗ್ಯಾಧಿಕಾರಿ ಸುರೇಶ್​ ಮೇಕಿನ್​ ತಿಳಿಸಿದ್ದಾರೆ.

ಕಂಟೈನ್ಮೆಂಟ್ ಝೋನ್ ಗಳಿಗೆ ಎಸ್ಪಿ ಭೇಟಿ:

ಸೇಡಂನಲ್ಲಿ ‘ಮಹಾ’ ಸ್ಫೋಟ, ಇಂದು 26 ಜನರಲ್ಲಿ ಸೋಂಕು ದೃಢ

ಪಟ್ಟಣದ ರೆಹಮತನಗರ ಮತ್ತು ಮಿಸ್ಕಿನಪುರಾ ಸತ್ತಾರಿಯಾ ಕಾಲೋನಿಯ ಕಂಟೈನ್ಮೆಂಟ್ ಝೋನ್​ಗಳಿಗೆ ಎಸ್ಪಿಯಡಾ ಮಾರ್ಟಿನ್ ಮಾರ್ಬನ್ಯಾಂಗ್ ಭೇಟಿ ನೀಡಿ ಪರಿಶೀಲಿಸಿದರು.

ಕಂಟೈನ್ಮೆಂಟ್​ ಝೋನ್​ನಲ್ಲಿ ಕೈಗೊಂಡಿರುವ ಕ್ರಮಗಳು, ಜನರ ಓಡಾಟ ನಿರ್ಬಂಧಿಸುವ ಸಂಬಂಧ ಮಾಡಿಕೊಂಡ ವ್ಯವಸ್ಥೆಗಳ ಬಗ್ಗೆ ಮಾಹಿತಿ ಪಡೆದರು.