ಬೆಂಗಳೂರು: ಮಳೆಯಿಂದ ನಿಂತು ಹೋದ ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ 5ನೇ ಹಾಗೂ ಕೊನೆಯ ಟಿ20 ಪಂದ್ಯದ ಟಿಕೆಟ್ನ ಅರ್ಧದಷ್ಟು ಹಣವನ್ನು ಹಿಂತಿರುಗಿಸಲಾಗುವುದು ಎಂದು ಘೋಷಿಸಿದ್ದ ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ(ಕೆಎಸ್ಸಿಎ), ಇದೀಗ ಜುಲೈ 1 ರಿಂದ 3 ರವರೆಗೆ ಹಣ ವಾಪಸ್ ನೀಡಲಾಗುವುದು ಎಂದು ತಿಳಿಸಿದೆ.
ಮಳೆಯಿಂದ ಪಂದ್ಯ ರದ್ದಾಗಿ ನಿರಾಶರಾದ ಅಭಿಮಾನಿಗಳಿಗೆ ಟಿಕೆಟ್ನ ಶೇ.50 ರಷ್ಟು ಹಣ ವಾಪಸ್ ನೀಡಲು ಸೂಚಿಸಿದ ದಿನಾಂಕಗಳಂದು ಬೆಳಿಗ್ಗೆ 10 ಗಂಟೆಯಿಂದ ಸಂಜೆ 7ರವರೆಗೂ ರೀಫಂಡ್ ಪ್ರಕ್ರಿಯೆ ನಡೆಯಲಿದೆ. ಆಯಾ ಕೌಂಟರ್ನಲ್ಲಿ ಹಣ ಹಿಂಪಡೆಯಬಹುದು ಎಂದು ಕೆಎಸ್ಸಿಎ ಮಾಧ್ಯಮ ಪ್ರಕಟಣೆ ಹೊರಡಿಸಿದೆ.
ನಿಮಗೆ ತಿಳಿದಿರಲಿ:
- ಟಿಕೆಟ್ ಪರಿಶೀಲಿಸಿದ ಬಳಿಕ ಹಣ ಸಂದಾಯ
- ತಿದ್ದಲಾದ, ವಿರೂಪಗಳಿಸಲಾದ ಟಿಕೆಟ್ ಅಮಾನ್ಯ
- ಒಬ್ಬ ವ್ಯಕ್ತಿ ಗರಿಷ್ಠ 5ಕ್ಕಿಂತ ಅಧಿಕ ಟಿಕೆಟ್ ತರುವಂತಿಲ್ಲ
- ಕಾಂಪ್ಲಿಮೆಂಟರಿ ಟಿಕೆಟ್‌ಗಳಿಗೆ ಹಣ ಹಿಂತಿರುಗಿಸಲಾಗುವುದಿಲ್ಲ
- ಟಿಕೆಟ್ ಹಣ ಹಿಂತಿರುಗಿಸುವ ಪ್ರಕ್ರಿಯೆಯಲ್ಲಿ ಕೆಎಸ್ಸಿಎ ನಿರ್ಧಾರವೇ ಅಂತಿಮ
- ಹೆಚ್ಚಿನ ವಿವರಗಳಿಗಾಗಿ ಕೆಎಸ್ಸಿಎ ವೆಬ್‌ಸೈಟ್ ಪರಿಶೀಲಿಸಬಹುದು
ಇದನ್ನೂ ಓದಿ: ಬೆಂಗಳೂರು ಟಿ20 ಪಂದ್ಯದ ಶೇ.50ರಷ್ಟು ಟಿಕೆಟ್ ಹಣ ಮರಳಿಸಲಿದೆ ಕೆಎಸ್ಸಿಎ
