ಚಲಿಸುತ್ತಿದ್ದ ರೈಲು ಹತ್ತಲು ಹೋಗಿ ಕಾಲು ಜಾರಿ ಬಿದ್ದ ಮಹಿಳೆ ರಕ್ಷಿಸಿದ ರೈಲ್ವೆ ಪೊಲೀಸ್ : ಸಿಸಿಟಿವಿಯಲ್ಲಿ ದೃಶ್ಯ ಸೆರೆ

ಬಳ್ಳಾರಿ ಮಾರ್ಗವಾಗಿ ಹೈದರಾಬಾದ್ ಗೆ ತೆರಳುತ್ತಿತ್ತು, ಆ ಸಮಯದಲ್ಲಿ ರಶ್ಮಿ ಎನ್ನುವ ಪ್ರಯಾಣಿಕರು ಸಮಯದ ಅಭಾವದಿಂದ ಆತುರಾತುರದಿಂದ ಓಡೋಡಿ ಬಂದು, ಚಲಿಸುತ್ತಿದ್ದ ರೈಲುಗಾಡಿಯ ದ್ವಾರದ ಬಾಗಿಲು ಪ್ರವೇಶಿಸಲು ಮುಂದಾಗಿದ್ದಾರೆ, ಆದ್ರೆ ಪಾದರಕ್ಷೆಗಳು ಜಾರಿ ಮುಗ್ಗರಿಸಿ ಕೆಳಗೆ ಬಿದ್ದಿದ್ದಾರೆ. ತಕ್ಷಣವೆ ಕಾರ್ಯಪ್ರವೃತ್ತರಾದ ರೈಲ್ವೆ ಪೊಲೀಸ್ ಮಹಿಳೆಯನ್ನು ರಕ್ಷಿಸಿದ್ದಾರೆ.

ಬಳ್ಳಾರಿ : ನಗರದ ರೈಲ್ವೆ ನಿಲ್ದಾಣದಲ್ಲಿ ಚಲಿಸುತ್ತಿದ್ದ ರೈಲು ಹತ್ತಲು ಯತ್ನಿಸುತ್ತಿದ್ದ ವೇಳೆ ಮಹಿಳೆಯೊಬ್ಬರು ಕಾಲು ಜಾರಿ ಬಿದ್ದಿದ್ದು, ತಕ್ಷಣವೇ ಎಚ್ಚೆತ್ತುಗೊಂಡ ರೈಲ್ವೆ ಪೊಲೀಸ್ ಮಹಿಳೆಯನ್ನು ರಕ್ಷಿಸಲು ಯಶಸ್ವಿಯಾಗಿದ್ದಾರೆ.

ಶನಿವಾರ ರಾತ್ರಿ‌ 9 ರ ಸುಮಾರಿಗೆ ಮನುಗೂರ ಎಕ್ಸ್ ಪ್ರೆಸ್ ರೈಲು, ಬಳ್ಳಾರಿ ಮಾರ್ಗವಾಗಿ ಹೈದರಾಬಾದ್ ಗೆ ತೆರಳುತ್ತಿತ್ತು, ಆ ಸಮಯದಲ್ಲಿ ರಶ್ಮಿ ಎನ್ನುವ ಪ್ರಯಾಣಿಕರು ಸಮಯದ ಅಭಾವದಿಂದ ಆತುರಾತುರದಿಂದ ಓಡೋಡಿ ಬಂದು, ಚಲಿಸುತ್ತಿದ್ದ ರೈಲು ದ್ವಾರದ ಬಾಗಿಲು ಪ್ರವೇಶಿಸಲು ಮುಂದಾಗಿದ್ದಾರೆ, ಆದ್ರೆ ಪಾದರಕ್ಷೆಗಳು ಜಾರಿ ಮುಗ್ಗರಿಸಿ ಕೆಳಗೆ ಬಿದ್ದಿದ್ದಾರೆ.

ಕೂಗಳತೆ ದೂರದಲ್ಲೆ ನಿಂತಿದ್ದ ರೈಲ್ವೇ ಪೊಲೀಸ್ ಸಿಬ್ಬಂದಿ ಎಸ್​.ಎಂ.ರಫೀ ಎಂಬುವವರು ಅಪಾಯದ ಮೂನ್ಸೂಚನೆ ಅರಿತು ಕಾರ್ಯಪ್ರವೃತ್ತರಾಗಿ ಮಹಿಳೆಯನ್ನು ರಕ್ಷಿಸಿದ್ದಾರೆ. ಈ ದೃಶ್ಯ ರೈಲ್ವೆ ನಿಲ್ದಾಣ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.