ನವದೆಹಲಿ: ಕೇಂದ್ರ ಸರ್ಕಾರ ವಿವಿಧ ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಗೆ ಜಿಎಸ್ಟಿ ಹಣ ರಿಲೀಸ್ ಮಾಡಿದ್ದು, ಒಟ್ಟು 75 ಸಾವಿರ ಕೋಟಿ ರೂ. ರಿಲೀಸ್ ಮಾಡಿದೆ. ಬಿಡುಗಡೆಯಾಗಿರುವ ಹಣದಲ್ಲಿ ಕರ್ನಾಟಕಕ್ಕೆ 8,542 ಕೋಟಿ ರೂ, ಮಹಾರಾಷ್ಟ್ರ 6,501 ಕೋಟಿ ರೂ, ಗುಜರಾತ್ 6,151 ಕೋಟಿ ರೂ ಪಡೆದುಕೊಂಡಿದ್ದು, ಉಳಿದಂತೆ ಹರಿಯಾಣ, ಕೇರಳ ಹಾಗೂ ಪಂಜಾಬ್ಗಳಿಗೂ ಹೆಚ್ಚಿನ ಹಣ ನೀಡಲಾಗಿದೆ ಎಂದು ತಿಳಿದು ಬಂದಿದೆ.
ಆದಾಯದಲ್ಲಿನ ಕೊರತೆ ಸರಿದೂಗಿಸಲು ಜಿಎಸ್ಟಿ ಹಣ ರಿಲೀಸ್ ಮಾಡಲಾಗಿದ್ದು, ಕಳೆದ ಮೇ 28ರಂದು ನಡೆದಿದ್ದ ಜಿಎಸ್ಟಿ ಕೌನ್ಸಿಲ್ ಸಭೆಯಲ್ಲಿ 1.59 ಲಕ್ಷ ಕೋಟಿ ರೂ. ಸಾಲ ಪಡೆದ ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಗೆ ಜಿಎಸ್ಟಿ ಹಣ ನೀಡುವುದಾಗಿ ಹೇಳಿತ್ತು. ಇದೀಗ ಕೊರತೆಯ ಮೊತ್ತದ ಅರ್ಧದಷ್ಟು ಹಣ ಇದೀಗ ರಿಲೀಸ್ ಮಾಡಲಾಗಿದ್ದು, ಉಳಿದ ಮೊತ್ತ 2021-22ರ ದ್ವಿತೀಯಾರ್ಧದಲ್ಲಿ ರಿಲೀಸ್ ಆಗುವ ಸಾಧ್ಯತೆ ಇದೆ.
ಇದನ್ನೂ ಓದಿರಿ: ದೇವರಿಗೆ ಮಾತ್ರವಲ್ಲ, ಪೂಜಾರಿಗೋಸ್ಕರ ದೇವಾಲಯ ನಿರ್ಮಿಸಿದ ಗ್ರಾಮಸ್ಥರು!
ಈ ಹಿಂದೆ ನಡೆದಿದ್ದ ಸಭೆಯಲ್ಲಿ ಜಿಎಸ್ಟಿ ಪರಿಹಾರದ ಬದಲಾಗಿ ಸಾಲ ಸೌಲಭ್ಯದ ಅಡಿ ಪರಿಹಾರ ಮೊತ್ತ ಪಡೆದುಕೊಳ್ಳಲು ಸೂಚನೆ ನೀಡಲಾಗಿತ್ತು.
