ನವದೆಹಲಿ: 2018-19ನೇ ಹಣಕಾಸು ವರ್ಷಕ್ಕೆ ಸಂಬಂಧಿಸಿದಂತೆ ಕಾರ್ಮಿಕರ ಭವಿಷ್ಯ ನಿಧಿ (ಇಪಿಎಫ್) ಬಡ್ಡಿ ದರವನ್ನು ಶೇ. 8.65ಕ್ಕೆ ಏರಿಸಲಾಗಿದೆ ಎಂದು ಕೇಂದ್ರ ಕಾರ್ಮಿಕ ಸಚಿವ ಸಂತೋಷ್ ಗಂಗಾವರ್ ತಿಳಿಸಿದ್ದಾರೆ.
ನೌಕರರ ಇಪಿಎಫ್ ಹಣಕ್ಕೆ ಬಡ್ಡಿ ದರ ಕಡಿಮೆಯಾಯಿತು ಎಂಬ ಕಳವಳಕ್ಕೆ ಕೊಂಚ ಪರಿಹಾರ ಸಿಕ್ಕಂತಾಗಿದೆ. ಕಾರ್ಮಿಕರ ಭವಿಷ್ಯ ನಿಧಿಯು ತನ್ನ 6.3 ಕೋಟಿ ಚಂದಾದಾರರ ಖಾತೆಗಳಿಗೆ ಶೀಘ್ರದಲ್ಲೇ 2018-19ನೇ ಸಾಲಿನ ಬಡ್ಡಿದರ ಪಾವತಿಸಲಿದೆ. 2018-19ರ ವರ್ಷಕ್ಕೆ ಸಂಬಂಧಿಸಿದಂತೆ ಇಪಿಎಫ್ ಬಡ್ಡಿ ದರ ಪರಿಷ್ಕರಿಸಲಾಗಿತ್ತು. 2015-16ರಲ್ಲಿ ಶೇ. 8.8ರಷ್ಟಿದದ್ದನ್ನು 2016-17ರಲ್ಲಿ ಶೇ. 8.65ಕ್ಕೆ ಇಳಿಸಿತ್ತು. 2017-18ರಲ್ಲಿ ಇದನ್ನು ಶೇ. 8.55ಕ್ಕೆ ತಗ್ಗಿಸಿತ್ತು.
ಪರಿಷ್ಕೃತ ನೂತನ ಬಡ್ಡಿ ದರವನ್ನು (ಶೇ.8.65) 2019ರ ಫೆಬ್ರವರಿ 22 ರಂದು ಇಪಿಎಫ್‌ನ ಉನ್ನತ ಮಂಡಳಿ ನಿರ್ಧಾರ ತೆಗೆದುಕೊಂಡಿತು. 2019ರ ಸೆಪ್ಟೆಂಬರ್ 19ರಂದು ಕಾರ್ಮಿಕ ಸಚಿವಾಲಯವು ಹಣಕಾಸು ಸಚಿವಾಲಯದ ಸಮ್ಮತಿ ಪಡೆಯಿತು. ಕಾರ್ಮಿಕ ಸಚಿವಾಲಯವು 2018-19ರ ಸಾಲಿಗೆ ಶೇ. 8.65ರಷ್ಟು ಬಡ್ಡಿ ದರವಿದೆಯೆಂದು ಸಚಿವಾಲಯ ಅಧಿಸೂಚನೆ ಹೊರಡಿಸಿದೆ ಎಂದರು.
