ಮುಂಬೈ: ಫೋರ್ಬ್ಸ್ ಹೊರಡಿಸಿದ 'ದಿ ರಿಯಲ್- ಟೈಮ್ ಬಿಲಿಯನೇರ್ ಲಿಸ್ಟ್'ನಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಮುಖ್ಯಸ್ಥ ಮುಖೇಶ್ ಅಂಬಾನಿಯು ವಿಶ್ವದ 9ನೇ ಶ್ರೀಮಂತ ಉದ್ಯಮಿ ಸ್ಥಾನ ಪಡೆದಿದ್ದಾರೆ.
ಈ ವರ್ಷದ ಕೆಲ ತಿಂಗಳ ಹಿಂದೆ ಬಿಡುಗಡೆ ಮಾಡಿದ ಫೋರ್ಬ್ಸ್-2019 ಶ್ರೀಮಂತ ಉದ್ಯಮಿಗಳ ಪಟ್ಟಿಯಲ್ಲಿ 12ನೇ ಸ್ಥಾನ ಪಡೆದಿದ್ದರು. ಆಯಿಲ್ನಿಂದ ಟೆಲಿಕಾಂವರೆಗೂ ಹರಡಿರುವ ಆರ್ಐಎಲ್, ಮುಂಬೈ ಬಿಎಸ್ಇನಲ್ಲಿ ಎಂ-ಕ್ಯಾಪ್ (ಮಾರುಕಟ್ಟೆ ಬಂಡವಾಳ) 10 ಲಕ್ಷ ಕೋಟಿ ರೂ.ಗೆ ಏರಿಕೆಯಾಗುವ ಮೂಲಕ ಇತಿಹಾಸ ಸೃಷ್ಟಿಸಿತ್ತು.
'ದಿ ರಿಯಲ್- ಟೈಮ್ ಬಿಲಿಯನೇರ್ ಲಿಸ್ಟ್'ನಲ್ಲಿ ಮುಖೇಶ್ ಅಂಬಾನಿ ₹ 4.36 ಲಕ್ಷ ಕೋಟಿ (60.8 ಬಿಲಿಯನ್ ಡಾಲರ್) ಸಂಪತ್ತಿನೊಂದಿಗೆ 9ನೇ ಸ್ಥಾನದಲ್ಲಿ ಇದ್ದಾರೆ. 113 ಬಿಲಿಯನ್ ಡಾಲರ್ ಮೂಲಕ ವಿಶ್ವದ ಅಗ್ರ ಶ್ರೀಮಂತ ಪಟ್ಟಿಯಲ್ಲಿ ಅಮೆಜಾನ್ ಸ್ಥಾಪಕ ಮತ್ತು ಸಿಇಒ ಜೆಫ್ ಬೆಜೊಸ್ ಇದ್ದಾರೆ.
ಚಂಡಿಘಡ, ತ್ರಿಪುರ, ಮೇಘಾಲಯ, ಪಾಂಡಿಚರಿ, ನಾಗಲ್ಯಾಂಡ್, ಮಣಿಪುರ, ಅರುಣಾಚಲ ಪ್ರದೇಶ, ಸಿಕ್ಕಿಂ, ಮಿಜೋರಾಂ, ಅಸ್ಸೊಂ, ಅಂಡಮಾನ್ ಮತ್ತು ನಿಕೋಬಾರ್ ನಂತಹ ರಾಜ್ಯಗಳ ಆಸ್ತಿಗೆ ಸಮನಾಗಿದೆ ಅಂಬಾನಿಯ ಸಂಪತ್ತು.
