ನವದೆಹಲಿ: ಗೂಗಲ್ ಪೇ (ಜಿಪಿ) ಮೊಬೈಲ್ ಅಪ್ಲಿಕೇಷನ್ ನಿರ್ವಹಣೆಯಲ್ಲಿ ಗೂಗಲ್ ಇಂಡಿಯಾ ಡಿಜಿಟಲ್ ಸರ್ವೀಸಸ್ ಪ್ರೈವೇಟ್ ಲಿಮಿಟೆಡ್ಗೆ ಆಧಾರ್ ಡೇಟಾಬೇಸ್ ಸೇರಿದಂತೆ ಇತರೆ ಯಾವುದೇ ಮಾಹಿತಿ ಅಗತ್ಯವಿಲ್ಲ ಎಂದು ಕಂಪನಿಯು ದೆಹಲಿ ಹೈಕೋರ್ಟ್ಗೆ ತಿಳಿಸಿದೆ.
ಸಾರ್ವಜನಿಕ ಹಿತಾಸಕ್ತಿ ಮೊಕದ್ದಮೆಯಲ್ಲಿ ಮುಖ್ಯ ನ್ಯಾಯಮೂರ್ತಿ ಡಿ.ಎನ್. ಪಟೇಲ್ ಮತ್ತು ನ್ಯಾಯಮೂರ್ತಿ ಪ್ರತೀಕ್ ಜಲನ್ ಅವರಿದ್ದ ನ್ಯಾಯಪೀಠದ ಮುಂದೆ ಸಲ್ಲಿಸಲಾದ ಹೆಚ್ಚುವರಿ ಅಫಿಡವಿಟ್ನಲ್ಲಿ ವಿಚಾರಣೆ ನಡೆಸಿತ್ತು. ನ್ಯಾಷನಲ್ ಪೇಮೆಂಟ್ ಕಾರ್ಪೊರೇಷನ್ ಆಫ್ ಇಂಡಿಯಾ (ಎನ್‌ಪಿಸಿಐ) ಜಿಪೆಗೆ ಪ್ರವೇಶಕ್ಕೆ ಭಾರತದ ವಿಶಿಷ್ಟ ಗುರುತಿಸುವಿಕೆ ಪ್ರಾಧಿಕಾರದ (ಯುಐಡಿಎಐ) ಭೀಮ್ ಆಧಾರ್ ಪ್ಲಾಟ್ಫಾರ್ಮ್ಗೆ ಅನುಮತಿಸಿದೆ.
ಪ್ರತಿವಾದಿ 2 (ಜಿಪಿ) ಸಂಪೂರ್ಣವಾಗಿ ಪ್ರತ್ಯೇಕ ಪ್ರೊಡಕ್ಟ್ ಆದ ಭೀಮ್ ಆಧಾರ್‌ಗೆ ಸಂಪರ್ಕ ಹೊಂದಿಲ್ಲ ಎಂದು ಹೇಳಿದೆ.
ಗೂಗಲ್ ಪೇಗೆ ಯಾವುದೇ ರೀತಿಯಲ್ಲಿ ಬಳಕೆದಾರರ ಆಧಾರ್ ವಿವರಗಳು ಅಗತ್ಯವಿಲ್ಲ. ಹೀಗಾಗಿ, ಆಧಾರ್ ಡೇಟಾಬೇಸ್ ಪ್ರವೇಶಿಸುವ ಪ್ರಶ್ನೆಯೆಯಿಲ್ಲ. ಇದು ಆಧಾರ್ ಡೇಟಾಬೇಟ್ಗೆ ಪ್ರವೇಶ ಹೊಂದಿಲ್ಲ ಎಂದು ಗೂಗಲ್ ತನ್ನ ಅಫಿಡವಿಟ್ನಲ್ಲಿ ತಿಳಿಸಿದೆ.
ಆರ್ಥಿಕತಜ್ಞ ಅಭಿಜಿತ್ ಮಿಶ್ರಾ ಅವರು ಆರ್‌ಪಿಐನಿಂದ ಅಗತ್ಯವಾದ ಅನುಮತಿಯಿಲ್ಲದೆ ಜಿಪಿ ಹಣಕಾಸು ವ್ಯವಹಾರ ನಡೆಸುತ್ತಿದೆ ತಾವು ಸಲ್ಲಿಸಿದ್ದ ಪಿಐಎಲ್ನಲ್ಲಿ ಆರೋಪಿಸಿದ್ದರು.
ಆರ್‌ಪಿಐ ತನ್ನ ಅಫಿಡವಿಟ್ನಲ್ಲಿ ಜಿಪಿ ಮೂರನೇ ವ್ಯಕ್ತಿಯ ಅಪ್ಲಿಕೇಷನ್ ಪೂರೈಕೆದಾರ (ಟಿಪಿಎಪಿ) ಮತ್ತು ಯಾವುದೇ ಪಾವತಿ ವ್ಯವಸ್ಥೆ ನಿರ್ವಹಿಸುವುದಿಲ್ಲ ಎಂದು ವಾದಿಸಿತ್ತು. 2007ರ ಪಾವತಿ ಮತ್ತು ಠೇವಣಿ ವ್ಯವಸ್ಥೆಯ ಕಾಯ್ದೆ ಉಲ್ಲಂಘಿಸಿಲ್ಲ ಎಂದು ಆರ್‌ಬಿಐ ಹೇಳಿದೆ.
