ನವದೆಹಲಿ: ಈಸ್ಟರ್ ಭಾನುವಾರದ ಐಸಿಸ್ ಉಗ್ರದಾಳಿಯ ಭಯಾನಕತೆ ಇನ್ನೂ ಹಸಿರಾಗಿಯೇ ಇದ್ದು ಈ ನಡುವೆ ಮತ್ತೊಂದು ಅಂತಹುದೇ ದಾಳಿಗೆ ಈ ಉಗ್ರ ಸಂಘಟನೆ ಸಜ್ಜಾಗಿದೆಯೇ ಎನ್ನುವ ಅನುಮಾನ ಮೂಡಿದೆ.
ಶಿಗ್ರೋಯ್ ಆಶ್ಚೆ, ಇದು ಬೆಂಗಾಲಿಯಲ್ಲಿ ಶೀಘ್ರದಲ್ಲಿ ಬರಲಿದ್ದೇವೆ ಎನ್ನುವ ಅರ್ಥವನ್ನು ನೀಡುತ್ತದೆ. ಹೀಗೆ ಬೆಂಗಾಲಿಯ ಭಾಷೆಯಲ್ಲಿರುವ ಪೋಸ್ಟರ್ ಒಂದನ್ನು ಐಸಿಸ್ ತನ್ನ ಟೆಲಿಗ್ರಾಮ್ ಚಾನೆಲ್ನಲ್ಲಿ ಗುರುವಾರ ರಾತ್ರಿ ಪೋಸ್ಟ್ ಮಾಡಲಾಗಿದೆ.
ಐಸಿಸ್ನ ಈ ಹೊಸ ಪೋಸ್ಟ್ ಸದ್ಯ ಭಾರತ ಹಾಗೂ ನೆರೆಯ ರಾಷ್ಟ್ರದಲ್ಲಿ ಆತಂಕ ಮೂಡುವಂತೆ ಮಾಡಿದೆ. ಬರಹ ಬೆಂಗಾಲಿ ಭಾಷೆಯಲ್ಲಿರುವ ಕಾರಣ ಐಸಿಸ್ ಪಶ್ಚಿಮ ಬಂಗಾಳ ಇಲ್ಲವೇ ಬಾಂಗ್ಲಾದೇಶದಲ್ಲಿ ವಿಧ್ವಂಸಕ ಕೃತ್ಯ ನಡೆಸುವ ಸಾಧ್ಯತೆ ಇದೆ ಎನ್ನಲಾಗಿದೆ. ಶ್ರೀಲಂಕಾ ಸರಣಿ ಬಾಂಬ್ ಸ್ಫೋಟದಂತಹ ದಾಳಿಯ ಸಾಧ್ಯತೆಯನ್ನು ಗುಪ್ತಚರ ಇಲಾಖೆ ವ್ಯಕ್ತಪಡಿಸಿದೆ.
ಐಸಿಸ್ನ ಈ ಪೋಸ್ಟ್ ಕುರಿತಾಗಿ ತನಿಖೆ ಆರಂಭವಾಗಿದ್ದು, ಈ ಪೋಸ್ಟರ್ನಲ್ಲಿ ಅಲ್-ಮುರ್ಸಾಲತ್ ಎನ್ನುವ ಲೋಗೋ ಸಹ ಇದೆ. ಸದ್ಯ ವೈರಲ್ ಆಗಿರುವ ಪೋಸ್ಟರ್ ಅನ್ನು ಗಂಭೀರವಾಗಿ ಪರಿಗಣಿಸಲಾಗಿದೆ.
