ಪ.ಬಂಗಾಳ: ಬಿಜೆಪಿ ಸಂಸದ ಅರ್ಜುನ್ ಸಿಂಗ್​ ನಿವಾಸದ ಮೇಲೆ ಕಚ್ಚಾ ಬಾಂಬ್ ದಾಳಿ

ಪಶ್ಚಿಮ ಬಂಗಾಳದಲ್ಲಿ ಮೂರು ಕ್ಷೇತ್ರಗಳ ಉಪಚುನಾವಣೆ ಘೋಷಣೆಯಾಗುತ್ತಿದ್ದಂತೆ ರಾಜಕೀಯ ಹಿಂಸಾಚಾರ ಆರಂಭಗೊಂಡಿದೆ. ಕೆಲವು ದುಷ್ಕರ್ಮಿಗಳು ಬಿಜೆಪಿ ಸಂಸದರ ನಿವಾಸದ ಮೇಲೆ ಕಚ್ಚಾ ಬಾಂಬ್ ಎಸೆದಿರುವ ಘಟನೆ ನಡೆದಿದೆ.

ಕೋಲ್ಕತ್ತಾ(ಪಶ್ಚಿಮ ಬಂಗಾಳ): ಭಾರತೀಯ ಜನತಾ ಪಾರ್ಟಿಯ(ಬಿಜೆಪಿ) ಸಂಸದ ಅರ್ಜುನ್ ಸಿಂಗ್ ನಿವಾಸದ ಮೇಲೆ ದುಷ್ಕರ್ಮಿಗಳು ಮೂರು ಕಚ್ಚಾ ಬಾಂಬ್​ ಎಸೆದಿದ್ದಾರೆ. ಈ ಘಟನೆಯಲ್ಲಿ ಯಾವುದೇ ರೀತಿಯ ಪ್ರಾಣಹಾನಿ ಸಂಭವಿಸಿಲ್ಲ. ಆದರೆ ಸಂಸದರ ಮನೆಯ ಗೇಟ್ ಸಂಪೂರ್ಣ​​​ ಹಾನಿಗೊಳಗಾಗಿದೆ ಎಂದು ತಿಳಿದು ಬಂದಿದೆ.

ಪಶ್ಚಿಮ ಬಂಗಾಳದಲ್ಲಿ ಮಮತಾ ಬ್ಯಾನರ್ಜಿ ನೇತೃತ್ವದ ತೃಣಮೂಲ ಕಾಂಗ್ರೆಸ್ ಮತ್ತೊಮ್ಮೆ​ ಅಧಿಕಾರಕ್ಕೆ ಬರುತ್ತಿದ್ದಂತೆ ಬಿಜೆಪಿ ಕಾರ್ಯಕರ್ತರ ಮೇಲೆ ಹಲ್ಲೆಯಂತಹ ಘಟನೆಗಳು ನಡೆಯುತ್ತಿದ್ದು, ಕೆಲ ಕಾರ್ಯಕರ್ತರ ನಿವಾಸದ ಮೇಲೆ ಬಾಂಬ್ ದಾಳಿ ಸಹ ನಡೆದಿರುವುದಾಗಿ ವರದಿಯಾಗಿವೆ. ಇದರ ಬೆನ್ನಲ್ಲೇ ಇದೀಗ ಸಂಸದರ ಮನೆ ಮೇಲೂ ಇಂತಹ ದಾಳಿಯಾಗಿದೆ.

ಭಟ್ಟಪರಾದಲ್ಲಿರುವ ಸಂಸದರ ನಿವಾಸದ ಮೇಲೆ ಇಂದು ಬೆಳಗ್ಗೆ 6:30ರ ವೇಳೆ ಮೂರು ಕಚ್ಚಾ ಬಾಂಬ್ ಎಸೆಯಲಾಗಿದೆ. ಲಭ್ಯವಾಗಿರುವ ಮಾಹಿತಿ ಪ್ರಕಾರ, ಸಂಸದ ಅರ್ಜುನ್ ಸಿಂಗ್​ ಸದ್ಯ ದೆಹಲಿಯಲ್ಲಿದ್ದು, ಘಟನೆ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ ಎನ್ನಲಾಗಿದೆ. ಬಾಂಬ್​ ಸ್ಪೋಟಗೊಳ್ಳುತ್ತಿದ್ದಂತೆ ಮನೆಯ ಸುತ್ತಮುತ್ತ ಪೊಲೀಸರು ಭದ್ರತೆ ಒದಗಿಸಿದ್ದಾರೆ ಎಂದು ವರದಿಯಾಗಿದೆ.

ಸಂಸದರ ನಿವಾಸದ ಮುಂದೆ ಪೊಲೀಸ್ ನಿಯೋಜನೆ

ಘಟನೆ ಖಂಡಿಸಿದ ರಾಜ್ಯಪಾಲ ಜಗದೀಪ್​ ಧನಕರ್​

ಘಟನೆ ಬಗ್ಗೆ ತೀವ್ರ ಆಘಾತ ವ್ಯಕ್ತಪಡಿಸಿರುವ ರಾಜ್ಯಪಾಲ ಜಗದೀಪ್​ ಧನಕರ್​, ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಸಂಪೂರ್ಣವಾಗಿ ಹದಗೆಟ್ಟಿದ್ದು, ಉದ್ದೇಶಪೂರ್ವಕವಾಗಿ ಹಿಂಸಾಚಾರ ಘಟನೆಗಳು ನಡೆಯುತ್ತಿವೆ ಎಂದಿದ್ದಾರೆ. ಸಂಸದರ ನಿವಾಸದ ಎದುರು ಬಾಂಬ್ ಸ್ಪೋಟಗೊಂಡಿರುವುದು ನಿಜಕ್ಕೂ ಕಳವಳಕಾರಿ ವಿಚಾರ ಎಂದಿದ್ದಾರೆ. ಜತೆಗೆ ಬಾಂಬ್ ಸ್ಪೋಟ ಪ್ರಕರಣವನ್ನ ಗಂಭೀರವಾಗಿ ಪರಿಗಣಿಸುವಂತೆ ಪೊಲೀಸರಿಗೆ ಸೂಚನೆ ನೀಡಿದ್ದಾರೆ.

• Wanton violence in WB shows no sign of abating.
  
  Bomb explosions as this morning outside residence of Member Parliament @ArjunsinghWB is worrisome on law and order.
  
  Expect prompt action @WBPolice. As regards his security the issue has been earlier been flagged @MamataOfficial.

  — Governor West Bengal Jagdeep Dhankhar (@jdhankhar1) September 8, 2021 " class="align-text-top noRightClick twitterSection" data="

  Wanton violence in WB shows no sign of abating.
  
  Bomb explosions as this morning outside residence of Member Parliament @ArjunsinghWB is worrisome on law and order.
  
  Expect prompt action @WBPolice. As regards his security the issue has been earlier been flagged @MamataOfficial.

  — Governor West Bengal Jagdeep Dhankhar (@jdhankhar1) September 8, 2021

  ">

  Wanton violence in WB shows no sign of abating.
  
  Bomb explosions as this morning outside residence of Member Parliament @ArjunsinghWB is worrisome on law and order.
  
  Expect prompt action @WBPolice. As regards his security the issue has been earlier been flagged @MamataOfficial.

  — Governor West Bengal Jagdeep Dhankhar (@jdhankhar1) September 8, 2021

ಪಶ್ಚಿಮ ಬಂಗಾಳದಲ್ಲಿ ಸೆಪ್ಟೆಂಬರ್​ 30ರಂದು ಮೂರು ಕ್ಷೇತ್ರಗಳಿಗೆ ಉಪಚುನಾವಣೆ ಘೋಷಣೆಯಾಗಿದ್ದು, ಇದರ ಬೆನ್ನಲ್ಲೇ ಈ ರೀತಿಯ ಹಿಂಸಾಚಾರ ಕಂಡು ಬರುತ್ತಿವೆ.