ದುರ್ಯೋಧನನಂತೆ ಸರೋವರದಲ್ಲಿ ಅವಿತುಕೊಂಡ ರೌಡಿ.. ಭೀಮನಂತೆ ಹೊರ ಕರೆತಂದ ‘ಡ್ರೋನ್​’

ದುರ್ಯೋಧನನಂತೆ ಕೆರೆಯಂತ ಪ್ರದೇಶದಲ್ಲಿ ಅವಿತುಕೊಂಡ ರೌಡಿಯನ್ನು ಭೀಮನಂತೆ ಡ್ರೋನ್​ ಆರೋಪಿಯನ್ನು ಹೊರ ತಂದಿರುವ ಘಟನೆ ತಮಿಳುನಾಡಿನ ತೆಂಕಶಿ ಜಿಲ್ಲೆಯಲ್ಲಿ ನಡೆದಿದೆ. ಆದರೆ ಈ ಘಟನೆ ಸ್ವಲ್ಪ ಭಿನ್ನವಾಗಿದೆ. ಖಾಕಿ ಪಡೆಗೆ ಹೆದರಿ ಕೆರೆಯಲ್ಲಿ ಅಡಗಿ ಕುಳಿತಿದ್ದ ರೌಡಿಯನ್ನು ಡ್ರೋನ್ ಕ್ಯಾಮರಾದ ಸಹಾಯದಿಂದ ಪೊಲೀಸರು ಪತ್ತೆ ಹಚ್ಚಿ ಬಂಧಿಸಿದ್ದಾರೆ.

ತೆಂಕಶಿ (ತಮಿಳುನಾಡು) : ವಿವಿಧ ಪ್ರಕರಣಗಳಲ್ಲಿ ಬೇಕಾಗಿದ್ದ ಕೊಲೆ ಯತ್ನದ ಆರೋಪಿಯೊಬ್ಬ ಪೊಲೀಸರಿಗೆ ಹೆದರಲಿ ನದಿಯಂತೆ ಇರುವ ಪ್ರದೇಶದಲ್ಲಿ ಅವಿತಿದ್ದ. ಆರೋಪಿಯ ಅವಿತಿದ್ದ ತಾಣದ ಬಗ್ಗೆ ಪೊಲೀಸರು ತಿಳಿದಿದ್ದರು. ವಿಶಾಲವಾಗಿರುವ ಸರೋವರದಲ್ಲಿ ಆರೋಪಿಯನ್ನು ಹಿಡಿಯುವುದು ಕಷ್ಟಕರವಾಗಿತ್ತು. ಆದರೆ ಈ ಕೆಲಸವನ್ನು ಡ್ರೋನ್​ ಸಹಾಯದಿಂದ ಸುಲಭವಾಗಿಯೇ ಮಾಡಿದ್ದಾರೆ.

ಏನಿದು ಘಟನೆ: ರೌಡಿ ಶೀಟರ್​ ಜಕುಲ್ ಹಮೀದ್ ತೆಂಕಶಿ ಜಿಲ್ಲೆಯವನು. ಈತನ ವಿರುದ್ಧ ಪೊಲೀಸ್ ಠಾಣೆಗಳಲ್ಲಿ ವಿವಿಧ ಅಪರಾಧ ಪ್ರಕರಣಗಳು ಬಾಕಿ ಇವೆ. ಅಲ್ಲದೇ ಕೊಲೆ ಯತ್ನ ಪ್ರಕರಣದಲ್ಲಿ ಜಕುಲ್ ಹಮೀದ್​ಗಾಗಿ ಪೊಲೀಸರು ತೀವ್ರ ಶೋಧ ನಡೆಸಿದ್ದರು. ಹೀಗಾಗಿ ಕೆಲ ದಿನಗಳ ಹಿಂದೆ ತೆಂಕಶಿಯ ಪಾಚನಾಯಕನಪೊಟ್ಟೈ ಪ್ರದೇಶಕ್ಕೆ ಜಾಕುಲ್​ ತೆರಳಿ ವಾಸ್ತವ್ಯ ಹೂಡಿದ್ದ.

ಓದಿ: ಕೆಜಿಎಫ್ ಸಿನಿಮಾ ದಾಖಲೆಯನ್ನ ಮುರಿದ ಜೇಮ್ಸ್ ಸಿನಿಮಾ!

ಜಕುಲ್​ ಪಾಚನಾಯಕನಪೊಟ್ಟೈ ಪ್ರದೇಶದ ಸುತ್ತ - ಮುತ್ತ ವಾಸಿಸುವ ಜನರಿಗೆ ಇಲ್ಲಿಗೆ ಬರಬೇಡಿ ಎಂದು ಬೆದರಿಕೆ ಹಾಕಿದ್ದಾನೆ. ಆದರೆ, ಇಲ್ಲಿನ ನಿವಾಸಿ ಪೀರ್ ಮೊಹಮ್ಮದ್ ಕುರಿ ಕಾಯುತ್ತಿದ್ದ ವೇಳೆ ಜಕುಲ್​ ಇರುವ ಸ್ಥಳದ ಕಡೆ ತೆರಳಿದ್ದಾರೆ. ಇದರಿಂದ ಕೋಪಗೊಂಡ ಜಾಕುಲ್,​ ಮೊಹಮ್ಮದ್​ ಮೇಲೆ ಮಾರಾಕಾಸ್ತ್ರಗಳಿಂದ ಹಲ್ಲೆ ಮಾಡಿದ್ದಾನೆ. ಪರಿಣಾಮ ಮೊಹಮ್ಮದ್​ ಗಂಭೀರವಾಗಿ ಗಾಯಗೊಂಡಿದ್ದ. ಬಳಿಕ ಆತನನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಈ ಘಟನೆ ಬಗ್ಗೆ ತೆಂಕಶಿ ಪೊಲೀಸರಿಗೆ ಮಾಹಿತಿ ಸಿಕ್ಕಿತ್ತು.

ಪಕ್ಕಾ ಮಾಹಿತಿ ಆಧಾರ ಮೆರೆಗೆ ಪೊಲೀಸರು ಜಾಕುಲ್​ಗಾಗಿ ಪಾಚನಾಯಕನಪೊಟ್ಟೈ ಪ್ರದೇಶಕ್ಕೆ ತೆರಳಿ ಪರಿಶೀಲನೆ ಕೈಗೊಂಡಿದ್ದರು. ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದ ಬಗ್ಗೆ ತಿಳಿದು ​ ಸರೋವರದಂತೆ ಇರುವ ಪ್ರದೇಶದಲ್ಲಿ ಅವಿತು ಕುಳಿತ್ತಿದ್ದನು. ಪೊಲೀಸರು ಜಾಕುಲ್ ಹಮೀದ್‌ಗಾಗಿ ಹುಡುಕಾಟ ನಡೆಸುತ್ತಿದ್ದರು, ಈ ವೇಳೆ ಕೆಲ ಮಹಿಳೆಯರು ಜಾಕುಲ್​​​​​​​​ ಹಮೀದ್​​​​​ ಬಗ್ಗೆ ಮಾಹಿತಿ ನೀಡಿದ್ದರು.

ಓದಿ: ಶೀಘ್ರದಲ್ಲೇ ಗುಲಾಂ ನಬೀ ಆಜಾದ್ ಸೇರಿ ಜಿ-23 ನಾಯಕರಿಂದ ಸೋನಿಯಾ, ರಾಹುಲ್ ಭೇಟಿ

ಮಾಹಿತಿ ತಿಳಿದಾಕ್ಷಣ ಪೊಲೀಸರು ನೀರಿರುವ ಪ್ರದೇಶಕ್ಕೆ ತೆರಳಿದ್ದಾರೆ. ಆದ್ರೆ ನೀರಿನಲ್ಲಿ ಇಳಿದು ಆರೋಪಿಯನ್ನು ಹುಡುಕುವುದು ಪೊಲೀಸರಿಗೆ ಕಷ್ಟಕರವಾಗಿತ್ತು. ಈ ಹಿನ್ನೆಲೆ ಹಿರಿಯ ಅಧಿಕಾರಿಗಳೊಂದಿಗೆ ಸಮಾಲೋಚನೆ ನಡೆಸಿದ ಪೊಲೀಸರು, ಅಂತಿಮವಾಗಿ ಡ್ರೋನ್​ ಬಳಕೆ ಮಾಡಲು ನಿರ್ಧರಿಸಿದರು.

ಡ್ರೋನ್​ ಕ್ಯಾಮೆರಾದಿಂದ ಜಾಕುಲ್​ ಅವಿತಿದ್ದ ಸ್ಥಳವನ್ನು ಪೊಲೀಸರು ಕ್ಷಣಾರ್ಧದಲ್ಲಿ ಪತ್ತೆ ಹಚ್ಚಿದ್ದರು. ಈ ವೇಳೆ, ಡ್ರೋನ್​ ಕಂಡು ಆರೋಪಿ ಜಾಕುಲ್​ ಪರಾರಿಯಾಗಲು ಯತ್ನಿಸಿದ್ದಾನೆ. ಆದರೆ ಆರೋಪಿಯನ್ನು ಪೊಲೀಸರು ಸುತ್ತುವರಿದು ಬಂಧಿಸಿದ್ದಾರೆ. ನೀರಿನಲ್ಲಿಳಿದು ಹುಡುಕಾಟ ನಡೆಸಲು ಸಾಧ್ಯವಾಗದ ಪರಿಸ್ಥಿತಿಯಲ್ಲಿ ಪೊಲೀಸರು ತಮ್ಮ ಜಾಣ್ಮೆಯಿಂದ ಆರೋಪಿಯನ್ನು ಬಂಧಿಸಿದ್ದಕ್ಕೆ ಸ್ಥಳೀಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.