ದೇಶದ ಹಲವೆಡೆ ಜಿಯೋ ನೆಟ್​ವರ್ಕ್ ಸಮಸ್ಯೆ: ಕ್ಷಮೆಯಾಚಿಸಿದ ಜಿಯೋ

ಫೇಸ್​ಬುಕ್ , ವಾಟ್ಸ್​​ಆ್ಯಪ್, ಇನ್ಸ್​ಟಾಗ್ರಾಂ, ಮೆಸೆಂಜರ್ ಅಪ್ಲಿಕೇಶನ್​ಗಳು ಸ್ಥಗಿತವಾಗಿದ್ದ ಬೆನ್ನಲ್ಲೇ ಈ ರೀತಿ ಜಿಯೋ ನೆಟ್​ವರ್ಕ್ ಸಮಸ್ಯೆ ಉಂಟಾಗಿರುವುದು ಗ್ರಾಹಕರಲ್ಲಿ ಗೊಂದಲ ಮೂಡಿಸಿದೆ.

ನವದೆಹಲಿ: ದೇಶದ ಅತಿದೊಡ್ಡ ಟೆಲಿಕಾಂ ಕಂಪನಿ ಜಿಯೋ ಮೊಬೈಲ್ ನೆಟ್​​ವರ್ಕ್ ಡೌನ್ ಆಗಿದೆ ಎಂದು ಕೆಲವು ಗ್ರಾಹಕರು ದೂರು ನೀಡಿದ್ದು, ಈ ಸಮಸ್ಯೆ ಕೆಲವು ಬಳಕೆದಾರರಲ್ಲಿ ಮಾತ್ರ ಕಾಣಿಸಿಕೊಂಡಿದೆಯೇ ಅಥವಾ ದೇಶದ ಹಲವಡೆ ಕಾಣಿಸಿಕೊಂಡಿದೆಯೇ ಎಂಬುದು ಸ್ಪಷ್ಟವಾಗಿಲ್ಲ.

ಹಲವಾರು ಮಂದಿ ಜಿಯೋ ಬಳಕೆದಾರರು ಟ್ವಿಟರ್​ನಲ್ಲಿ ನೆಟ್​ವರ್ಕ್​ ಡೌನ್ ಆಗಿದೆ ಎಂದು ದೂರುಗಳನ್ನು ನೀಡಿದ್ದಾರೆ.#jioddown ಎಂಬುದು ಟ್ವಿಟರ್ ಟ್ರೆಂಡಿಂಗ್ ಕೂಡಾ ಆಗಿದ್ದು, ಡೌನ್ ಡಿಟೆಕ್ಟರ್​ (Downdetector)ನಲ್ಲಿ ಸುಮಾರು 4000 ಮಂದಿ ಬೆಳಗ್ಗೆಯಿಂದ ಜಿಯೋ ನೆಟ್​ವರ್ಕ್ ಸಮಸ್ಯೆ ಇದೆ ಎಂದು ದೂರು ನೀಡಿದ್ದಾರೆ.

• We understand your concern. You may face intermittent problem in using internet services and making or receiving calls/SMS. This is temporary & our teams are working on the same to resolve it as soon as possible. Thank you for your patience - Akshay

  — JioCare (@JioCare) October 6, 2021 " class="align-text-top noRightClick twitterSection" data="

  We understand your concern. You may face intermittent problem in using internet services and making or receiving calls/SMS. This is temporary & our teams are working on the same to resolve it as soon as possible. Thank you for your patience - Akshay

  — JioCare (@JioCare) October 6, 2021

  ">

  We understand your concern. You may face intermittent problem in using internet services and making or receiving calls/SMS. This is temporary & our teams are working on the same to resolve it as soon as possible. Thank you for your patience - Akshay

  — JioCare (@JioCare) October 6, 2021

ರಿಲಯನ್ಸ್ ಜಿಯೋದ ಅಧಿಕೃತ ಗ್ರಾಹಕ ಸೇವಾ ಟ್ವಿಟರ್ ಖಾತೆಯಾದ @JioCare ಖಾತೆಗೆ ಸಾಕಷ್ಟು ಮಂದಿ ದೂರುಗಳನ್ನು ನೀಡಿದ್ದಾರೆ. ದೇಶದ ವಿವಿಧ ಕಡೆಗಳಿಂದ ಈ ದೂರುಗಳು ಬಂದಿವೆ. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಜಿಯೋ ನಿಮಗೆ ಉಂಟಾದ ಅನಾನುಕೂಲತೆಗೆ ನಾವು ವಿಷಾದಿಸುತ್ತೇವೆ ಎಂದಿದೆ.

ಇದರ ಜೊತೆಗೆ ಇಂಟರ್ನೆಟ್ ಸೇವೆಗಳನ್ನು ಬಳಸುವಾಗ ಮತ್ತು ಕರೆ/ಎಸ್‌ಎಂಎಸ್ ಮಾಡುವಾಗ ಇಂತಹ ಸಮಸ್ಯೆ ಎದುರಾಗಬಹುದು. ಈ ಸಮಸ್ಯೆ ತಾತ್ಕಾಲಿಕವಾಗಿದ್ದು, ಆದಷ್ಟು ಬೇಗ ಸಮಸ್ಯೆ ಪರಿಹರಿಸಲಾಗುತ್ತದೆ ಎಂದು ಜಿಯೋ ಹೇಳಿದೆ.

ಮಾರ್ಕ್ ಜುಕರ್​​ ಬರ್ಗ್ ಒಡೆತನದ ಫೇಸ್​ಬುಕ್ , ವಾಟ್ಸ್​​ಆ್ಯಪ್, ಇನ್ಸ್​ಟಾಗ್ರಾಂ,ಮೆಸೆಂಜರ್ ಅಪ್ಲಿಕೇಶನ್​ಗಳು ಸ್ಥಗಿತವಾಗಿದ್ದ ಬೆನ್ನಲ್ಲೇ ಈ ರೀತಿ ಜಿಯೋ ನೆಟ್​ವರ್ಕ್ ಸಮಸ್ಯೆ ಉಂಟಾಗಿರುವುದು ಗ್ರಾಹಕರಲ್ಲಿ ಗೊಂದಲ ಮೂಡಿಸಿದೆ.

ಇದನ್ನೂ ಓದಿ: ಹಳೆಯ ಪರೀಕ್ಷಾ ಮಾದರಿಯಲ್ಲೇ ಈ ವರ್ಷದ NEET-SS ಪರೀಕ್ಷೆ: ಸುಪ್ರೀಂಗೆ ಕೇಂದ್ರ ಮಾಹಿತಿ