ಕೊಯಿಮತ್ತೂರು(ತಮಿಳುನಾಡು): ಇಲ್ಲಿನ ಕಿನಾತುಕಾಡಾವುನ ಯುವಕನೊಬ್ಬ ಕೆಲವು ದಿನಗಳ ಹಿಂದೆ ಕಾಡು ಮೊಲಗಳನ್ನು ನಾಯಿಗಳಿಗೆ ಆಹಾರ ನೀಡುವಂತಹ ಟಿಕ್ಟಾಕ್ ವಿಡಿಯೋವನ್ನು ಪೋಸ್ಟ್ ಮಾಡಿದ್ದ. ಬಳಿಕ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇದಾದ ನಂತರ ಅರಣ್ಯ ಇಲಾಖೆ ಈ ವಿಷಯದ ಬಗ್ಗೆ ವಿಚಾರಣೆಯನ್ನು ಪ್ರಾರಂಭಿಸಿ ಇದೀಗ ಮೂವರು ಯುವಕರನ್ನು ಬಂಧಿಸಿದೆ.
ವಿಚಾರಣೆಯಲ್ಲಿ ಆತನ ಹೆಸರು ಕಾರ್ತಿ ಎಂದು ತಿಳಿದು ಬಂದಿದೆ. ಆತ ರಸ್ತೆಯಲ್ಲಿ ಸತ್ತು ಬಿದ್ದಿದ್ದ ಮೊಲವನ್ನು ನಾಯಿಗಳಿಗೆ ತಿನ್ನಿಸುವ ಮೂಲಕ ಟಿಕ್ಟಾಕ್ ವಿಡಿಯೋ ಮಾಡಿದ್ದ.
ಈ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದ ಕಾರ್ತಿಕ್ ಸ್ನೇಹಿತರಾದ ಕುಮಾರ್ ಮತ್ತು ತಮಿಲ್ವಾನ್ ಅವರನ್ನು ಅರಣ್ಯ ಅಧಿಕಾರಿಗಳು ಬಂಧಿಸಿದ್ದಾರೆ. ಅಲ್ಲದೆ ಮೂವರು ಯುವಕರಿಗೆ ಒಟ್ಟು 21 ಸಾವಿರ ರೂಪಾಯಿ ದಂಡ ಹಾಕಿದ್ದಾರೆ. ಅಲ್ಲದೆ ಎಲ್ಲರಿಗೂ ಎಚ್ಚರಿಕೆ ನೀಡಿ ಬಿಡುಗಡೆ ಮಾಡಲಾಗಿದೆ.
ಈ ಕುರಿತು ಕೊಯಿಮತ್ತೂರು ಜಿಲ್ಲಾ ಅರಣ್ಯ ಅಧಿಕಾರಿ ವೆಂಕಟೇಶ್ ಮಾತನಾಡಿ, ವನ್ಯಜೀವಿಗಳೊಂದಿಗೆ ಟಿಕ್ಟಾಕ್ ವಿಡಿಯೋ ಮಾಡುವುದು ಕಾನೂನು ಪ್ರಕಾರ ಅಪರಾಧವಾಗಿದೆ. ಯಾರಾದರೂ ಕಾಡು ಪ್ರಾಣಿ ಸತ್ತರೆ, ದಯವಿಟ್ಟು ಅರಣ್ಯ ಇಲಾಖೆಗೆ ತಿಳಿಸಿ. ಅಲ್ಲದೆ ಯುವಕರು ಇಂತಹ ಚಟುವಟಿಕೆಗಳಲ್ಲಿ ತೊಡಗುವುದನ್ನು ನಿಲ್ಲಿಸಬೇಕು ಎಂದು ಎಚ್ಚರಿಕೆ ನೀಡಿದ್ದಾರೆ.
