ಚಮೋಲಿ: ಗಾಲ್ವಾನ ವ್ಯಾಲಿಯಲ್ಲಿ ನಡೆದ ರಕ್ತಸಿಕ್ತ ಸಂಘರ್ಷದ ನಂತರ ಭಾರತ - ಚೀನಾ ಗಡಿಯಲ್ಲಿ ಭಾರತೀಯ ಯೋಧರು ಹದ್ದಿನ ಕಣ್ಗಾವಲಿಟ್ಟಿದ್ದು, ಚೀನಾ ಗಡಿ ಸಂಧಿಸುವ ಎಲ್ಲ ಚೆಕ್ಪೋಸ್ಟ್ಗಳಲ್ಲಿ ಹೈ ಅಲರ್ಟ್ ಘೋಷಿಸಲಾಗಿದೆ.
ಭಾರತ - ಚೀನಾ ಗಡಿ ಬಳಿಯ ಕೊನೆಯ ಚೆಕ್ಪೋಸ್ಟ್ ನೀತಿ ಗ್ರಾಮದ ಹತ್ತಿರವಿದೆ. ಇಲ್ಲಿಗೆ ಖುದ್ದಾಗಿ ಭೇಟಿ ನೀಡಿದ ಈಟಿವಿ ಭಾರತ ತಂಡ ಪರಿಸ್ಥಿತಿಯ ಅವಲೋಕನ ನಡೆಸಿತು.
ಕಳೆದ ಕೆಲ ದಿನಗಳಿಂದ ಸೇನಾಪಡೆಗಳ ಓಡಾಟ ಭಾರಿ ಪ್ರಮಾಣದಲ್ಲಿ ಹೆಚ್ಚಾಗಿದೆ. ಎಲ್ಲ ಚೆಕ್ಪೋಸ್ಟ್ಗಳಲ್ಲಿ ಕಾವಲನ್ನು ಮತ್ತಷ್ಟು ಬಿಗಿಗೊಳಿಸಲಾಗಿದೆ. ಮಲಾರಿ, ಗಮಶಾಲಿ ಹಾಗೂ ನೀತಿ ಗ್ರಾಮಗಳ ಬಳಿ ಕ್ಯಾಂಪ್ಗಳಲ್ಲಿ ಬೀಡುಬಿಟ್ಟಿದ್ದ ಸೇನೆ ಹಾಗೂ ಐಟಿಬಿಪಿ ಯೋಧರನ್ನು ಈಗ ಇಲ್ಲಿಂದ 25 ಕಿಮೀ ದೂರದ ಗಯಾಲಡುಂಗ್ ಪ್ರದೇಶದಲ್ಲಿ ನಿಯೋಜಿಸಲಾಗಿದೆ. ವಿಮಲಾಸ ಚೆಕ್ಪೋಸ್ಟ್ನಲ್ಲಿ ಯಾವಾಗಲೂ ಕಾವಲಿರುತ್ತಿದ್ದ ಐಟಿಬಿಪಿ ಯೋಧರು ಸಹ ಗಯಾಲಡುಂಗ್ಗೆ ತೆರಳಿದ್ದಾರೆ ಎಂದು ನೀತಿ ಗ್ರಾಮಸ್ಥರು ಮಾಹಿತಿ ನೀಡಿದರು.
ಗಯಾಲಡುಂಗ್ ಚೆಕ್ಪೋಸ್ಟ್ ಈ ಭಾಗದ ಗಡಿಯಲ್ಲಿನ ಕೊನೆಯ ಚೆಕ್ಪೋಸ್ಟ್ ಆಗಿದ್ದು ಬಹುತೇಕ ಎಲ್ಲ ಯೋಧರನ್ನು ಅಲ್ಲಿಗೆ ಸ್ಥಳಾಂತರಿಸಲಾಗಿದೆ. ಚೀನಾ ಗಡಿಯಲ್ಲಿ ಭಾರತೀಯ ಯೋಧರು ನಿರಂತರವಾಗಿ ಕಾವಲು ಕಾಯುತ್ತಿದ್ದಾರೆ ಎಂದು ಗ್ರಾಮಸ್ಥರು ಹೇಳಿದರು.
