ಹೈದರಾಬಾದ್: ಗ್ರೇಟರ್ ಹೈದರಾಬಾದ್ ಮಹಾನಗರ ಪಾಲಿಕೆ ಚುನಾವಣೆ ವೇಳೆ ಟಿಆರ್ಎಸ್ ಪ್ರಣಾಳಿಕೆಯಲ್ಲಿ ತಿಳಿಸಿದ ಹಾಗೇ ನಗರದ ಜನತೆಗೆ ಉಚಿತವಾಗಿ ಕುಡಿಯುವ ನೀರು ಪೂರೈಕೆ ಮಾಡಲು ಮುಂದಾಗಿದೆ.
ಪ್ರತಿ ತಿಂಗಳಿಗೆ ಉಚಿತವಾಗಿ 20 ಸಾವಿರ ಲೀಟರ್ ಕುಡಿಯುವ ನೀರು ಪೂರೈಕೆ ಮಾಡುವುದಾಗಿ ಟಿಆರ್ಎಸ್ ಭರವಸೆ ನೀಡಿತ್ತು. ಚುನಾವಣೆ ಪ್ರಣಾಳಿಕೆ ಪ್ರಕಾರ ಜನವರಿ 11ರಂದು ತೆಲಂಗಾಣ ಪುರಸಭೆ ಸಚಿವ ಕೆ.ಟಿ ರಾಮ್ರಾವ್ ಈ ಯೋಜನೆಗೆ ಯೂಸೂಫ್ಗೂಡಾದಲ್ಲಿ ಚಾಲನೆ ನೀಡಲಿದ್ದಾರೆ.
ಗ್ರೇಟರ್ ಹೈದರಾಬಾದ್ ಚುನಾವಣೆ ವೇಳೆ ಮಾತನಾಡಿದ್ದ ಕೆಸಿಆರ್, ನಗರದ ಜನರು ಡಿಸೆಂಬರ್ ತಿಂಗಳ ನೀರಿನ ಬಿಲ್ ಪಾವತಿ ಮಾಡುವ ಅವಶ್ಯಕತೆ ಇಲ್ಲ. ಅದು ಜನವರಿ ತಿಂಗಳ ಬಿಲ್ನಲ್ಲಿ ಸೇರಿಕೊಳ್ಳಲಿದೆ ಎಂದು ಹೇಳಿದ್ದರು. ಡಿಸೆಂಬರ್ 1ರಂದು ಹೈದರಾಬಾದ್ನ ಮಹಾನಗರ ಪಾಲಿಕೆ ಚುನಾವಣೆ ನಡೆದು, ಡಿಸೆಂಬರ್ 4ರಂದು ಫಲಿತಾಂಶ ಪ್ರಕಟಗೊಂಡಿತು. ಇದರಲ್ಲಿ ಟಿಆರ್ಎಸ್ ಅತಿ ಹೆಚ್ಚು ಸ್ಥಾನಗಳಲ್ಲಿ ಗೆಲುವು ದಾಖಲೆ ಮಾಡಿದೆ.
