ಜಮ್ಮುಕಾಶ್ಮೀರ: ಕಡಿಮೆ ಸಂಖ್ಯೆಯ ಕೊರೊನಾ ಪ್ರಕರಣ ಹೊಂದಿದ್ದರೂ ಸಹ ಇಡೀ ಕಾಶ್ಮೀರವನ್ನು ರೆಡ್ ಝೋನ್ ಎಂದು ಘೋಷಿಸಿ, ನಿರ್ಬಂಧ ಹೇರಲಾಗಿದೆ.
ಲಾಕ್ಡೌನ್ ಮತ್ತೆ ಎರಡು ವಾರ ವಿಸ್ತರಣೆಯಾದ ಹಿನ್ನೆಲೆ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಕಣಿವೆಯ ಎಲ್ಲಾ ಹತ್ತು ಜಿಲ್ಲೆಗಳನ್ನು ರೆಡ್ಝೋನ್ ಎಂದು ಪರಿಗಣಿಸಲಾಗಿದ್ದು, ಇಲ್ಲಿ ಹಲವು ನಿರ್ಬಂಧಗಳನ್ನು ಹೇರಲಾಗಿದೆ ಎಂದು ಕಾಶ್ಮೀರ ವಿಭಾಗೀಯ ಆಯುಕ್ತ ಪಿ.ಕೆ.ಪೊಲೆ ತಿಳಿಸಿದ್ದಾರೆ.
ಕೇಂದ್ರ ಆರೋಗ್ಯ ಸಚಿವಾಲಯವು ಕೇವಲ ನಾಲ್ಕು ಜಿಲ್ಲೆಗಳನ್ನ ಬಂಡಿಪೊರಾ, ಶ್ರೀನಗರ, ಶೋಪಿಯಾನ್ ಮತ್ತು ಅನಂತ್‌ನಾಗ್ ಜಿಲ್ಲೆಗಳನ್ನ ರೆಡ್ಝೋನ್,ಪುಲ್ವಾಮಾ ಜಿಲ್ಲೆಯನ್ನ ಗ್ರೀನ್ಝೋನ್ ಹಾಗೂ ಕುಲ್ಗಮ್,ಬುಡ್ಗಾಮ್, ಗಂಡರ್‌ಬಲ್ ಮತ್ತು ಬಾರಾಮುಲ್ಲಾವನ್ನ ಆರೆಂಜ್ ಝೋನ್ ಎಂದು ವರ್ಗೀಕರಿಸಿತ್ತು. ಆದ್ರೀಗ ಪುಲ್ವಾಮದಲ್ಲೂ ಹೊಸ ಪ್ರಕರಣಗಳು ಕಾಣಿಸಿಕೊಂಡಿದ್ದು,ಹೀಗಾಗಿ ಕಾಶ್ಮೀರವನ್ನ ರೆಡ್ಝೋನ್ ಎಂದು ಘೋಷಿಸಿಲಾಗಿದೆ.
