ಪಾಕ್​ ಉಗ್ರರಿಗೆ ದಿಟ್ಟ ಪ್ರತೀಕಾರ, ಮೂವರು ಉಗ್ರರ ಸದೆಬಡಿದ ಭಾರತ ಸೇನೆ

ಪಾಕ್​ ಕದನ ವಿರಾಮ ಉಲ್ಲಂಘನೆಗೆ ಪ್ರತಿದಾಳಿ ನಡೆಸಿದ ಭಾರತ ಸೇನೆ ಉಗ್ರರನ್ನು ಗುರಿಯಾಗಿಸಿ ದಾಳಿ ನಡೆಸಿದೆ. ಗುಪ್ತಚರ ಮಾಹಿತಿ ಪ್ರಕಾರ ಭಾರತೀಯ ಸೇನೆ ಮೂವರು ಪಾಕ್​ ಉಗ್ರರನ್ನು ಸದೆಬಡಿಯುವಲ್ಲಿ ಯಶಸ್ವಿಯಾಗಿದೆ.

ಪೂಂಚ್​(ಜಮ್ಮು ಮತ್ತು ಕಾಶ್ಮೀರ): ಪಾಕ್​ ಗುಂಡಿನ ದಾಳಿಗೆ ದಿಟ್ಟ ಪ್ರತೀಕಾರ ತೋರಿದ ಭಾರತ ಸೇನೆ, ಮೂವರು ಉಗ್ರರನ್ನು ಹೊಡೆದುರುಳಿಸುವ ಮೂಲಕ ತಕ್ಕ ಎದಿರೇಟು ನೀಡಿದೆ.

ಜಮ್ಮು ಮತ್ತು ಕಾಶ್ಮೀರದ ಗಡಿ ನಿಯಂತ್ರಣ ಭಾಗದ ಮೆಂಧಾರ್​ ಪ್ರದೇಶದಲ್ಲಿ ಪಾಕ್​ ಸೇನೆ ಕಳೆದ ಕೆಲವು ದಿನಗಳಿಂದ ಕದನ ವಿರಾಮ ಉಲ್ಲಂಘಿಸುತ್ತಿದೆ. ಹೀಗಾಗಿ ಪ್ರತಿದಾಳಿ ನಡೆಸಿದ ಭಾರತ ಸೇನೆ ಉಗ್ರರನ್ನು ಗುರಿಯಾಗಿಸಿ ದಾಳಿ ನಡೆಸಿದೆ. ಗುಪ್ತಚರ ಮಾಹಿತಿ ಪ್ರಕಾರ ಭಾರತೀಯ ಸೇನೆ ಮೂವರು ಪಾಕ್​ ಉಗ್ರರನ್ನು ಸದೆಬಡಿಯುವಲ್ಲಿ ಯಶಸ್ವಿಯಾಗಿದೆ.

ಕಳೆದ ಭಾನುವಾರ ಬಾಲಾಕೋಟ್​ ಹಾಗೂ ಮೆಂಧಾರ್​ ಪ್ರದೇಶದಲ್ಲೂ ಪಾಕ್​ ಕದನ ವಿರಾಮ ಉಲ್ಲಂಘಿಸಿತ್ತು.