ಶ್ರೀನಗರದಲ್ಲಿ 190 ಶಾಲೆಗಳು ಪುನಾರಂಭ

ಆರ್ಟಿಕಲ್​ 370 ರದ್ದಾದ ಬಳಿಕ ಕೇಂದ್ರಾಡಳಿತ ಪ್ರದೇಶವಾಗಿರೋ ಜಮ್ಮು ಮತ್ತು ಕಾಶ್ಮೀರದಲ್ಲಿ ಬದಲಾವಣೆ ಕಂಡುಬರುತ್ತಿದೆ. ಈ ನಡುವೆ ಸೋಮವಾರದಿಂದ ಕಾಶ್ಮೀರ ಜಿಲ್ಲೆಯ ಸುಮಾರು 190 ಪ್ರಾಥಮಿಕ ಶಾಲೆಗಳನ್ನು ಪುನಾರಂಭಿಸುವುದಾಗಿ ಯೋಜನೆ ಮತ್ತು ಅಭಿವೃದ್ಧಿ ವಿಭಾಗದ ಪ್ರಧಾನ ಕಾರ್ಯದರ್ಶಿ ರೋಹಿತ್​ ಕನ್ಸಾಲ್​ ತಿಳಿಸಿದ್ದಾರೆ.

ಶ್ರಿನಗರ(ಜಮ್ಮು-ಕಾಶ್ಮೀರ): ಇಂದಿನಿಂದ ಕಾಶ್ಮೀರ ಜಿಲ್ಲೆಯ ಸುಮಾರು 190 ಪ್ರಾಥಮಿಕ ಶಾಲೆಗಳನ್ನು ಪುನಾರಂಭಿಸುವುದಾಗಿ ಯೋಜನೆ ಮತ್ತು ಅಭಿವೃದ್ಧಿ ವಿಭಾಗದ ಪ್ರಧಾನ ಕಾರ್ಯದರ್ಶಿ ರೋಹಿತ್​ ಕನ್ಸಾಲ್​ ಮಾಹಿತಿ ನೀಡಿದ್ದಾರೆ.

ಕಾಶ್ಮೀರ ಕಣಿವೆಯಾದ್ಯಂತ ಸರ್ಕಾರಿ ಕಚೇರಿಗಳ ಪೂರ್ಣ ಪ್ರಮಾಣದ ಕಾರ್ಯವನ್ನು ಮರುಸ್ಥಾಪಿಸುವುದರ ಜೊತೆಗೆ ಶ್ರೀನಗರ ಜಿಲ್ಲೆಯೊಂದರಲ್ಲೇ 190 ಶಾಲೆಗಳನ್ನು ಮತ್ತೆ ತೆರೆಯಲಾಗುತ್ತಿದೆ.

ಕಾಶ್ಮೀರದಾದ್ಯಂತ ಮೂಲಸೌಕರ್ಯ ಮತ್ತು ಅಭಿವೃದ್ಧಿ ಕಾರ್ಯಗಳ ಮರುಸ್ಥಾಪನೆಗೆ ಸರ್ಕಾರ ಮುಂದಡಿಯಿಟ್ಟಿದೆ ಎಂದು ರೋಹಿತ್​ ಕನ್ಸಾಲ್​ ತಿಳಿಸಿದ್ದಾರೆ.