ದೆಹಲಿ: ರಾಷ್ಟ್ರ ರಾಜಧಾನಿಯಲ್ಲಿ ನಿನ್ನೆ 24,235 ಮಂದಿಯಲ್ಲಿ ಕೊರೊನಾ ಪತ್ತೆಯಾಗಿದ್ದು, 395 ಸೋಂಕಿತರು ಒಂದೇ ದಿನ ಪ್ರಾಣ ಕಳೆದುಕೊಂಡಿದ್ದಾರೆ.
ಈ ಮೂಲಕ ಕೋವಿಡ್ನಿಂದಾಗಿ ಇಲ್ಲಿಯವರೆಗೆ ಮೃತಪಟ್ಟವರ ಸಂಖ್ಯೆ 15,772ಕ್ಕೆ ಏರಿಕೆಯಾಗಿದೆ. 25,615 ಜನ ವೈರಸ್‌ನಿಂದ ಗುಣಮುಖರಾಗಿದ್ದಾರೆ. ದೆಹಲಿಯಲ್ಲಿ ಸದ್ಯ 97,977 ಸಕ್ರಿಯ ಸೋಂಕು ಪ್ರಕರಣಗಳಿವೆ.
ಬೆಡ್, ಆಕ್ಸಿಜನ್ ಕೊರತೆ
ಕೋವಿಡ್ ರೋಗಿಗಳಿಗೆ ಬೆಡ್ ಜೊತೆ ಆಕ್ಸಿಜನ್ ಕೊರತೆಯೂ ಉಂಟಾಗುತ್ತಿದೆ. ರೋಗಿಗಳು ಸಕಾಲದಲ್ಲಿ ಆಮ್ಲಜನಕ ಸಿಗದೇ ಸಾವನ್ನಪ್ಪುತ್ತಿದ್ದಾರೆ.
ಸಿಎಂ ಅಭಯ
ಆಕ್ಸಿಜನ್ ಬಗ್ಗೆ ಯಾವುದೇ ರೀತಿಯಲ್ಲೂ ಭಯಪಡಬೇಡಿ. ಕೋವಿಡ್ ರೋಗಿಗಳಿಗೆ ಬೇಕಾದ ಆಕ್ಸಿಜನ್ ಈಗ ಲಭ್ಯವಿದೆ ಎಂದು ಸಿಎಂ ಕೇಜ್ರಿವಾಲ್ ಹೇಳಿದ್ದಾರೆ.
