ಹೈದರಾಬಾದ್, ತೆಲಂಗಾಣ: ಅನಂತಪುರ ಟೊಮೆಟೊ ಮಾರುಕಟ್ಟೆಯಲ್ಲಿ ರೈತರಿಗೆ ದಾಖಲೆ ಬೆಲೆ ಸಿಕ್ಕಿದೆ. 15 ಕೆಜಿ ತೂಕದ ಟೊಮೆಟೊ ಬಾಕ್ಸ್ ಬೆಲೆ 3200 ರೂಪಾಯಿಗಳಾಗಿದ್ದು, ಇದು ಅಭೂತಪೂರ್ವವಾಗಿದೆ. ಮಳೆಯ ಅಭಾವ ಅಥವಾ ಅಕಾಲಿಕ ಮಳೆ, ಮಾರುಕಟ್ಟೆಯಲ್ಲಿ ಬೆಲೆ ಕುಸಿತದಿಂದ ನಷ್ಟ ಅನುಭವಿಸುತ್ತಿರುವ ರೈತರು ಈ ಬಾರಿ ದಾಖಲೆ ಬೆಲೆಯಿಂದ ಖುಷಿ ಪಡುತ್ತಿದ್ದಾರೆ. ಕೆಲವು ರೈತರಿಗೆ ನಿರೀಕ್ಷಿತ ಬೆಲೆಗಿಂತ ಶೇ 40ರಷ್ಟು ಹೆಚ್ಚು ಸಿಗುತ್ತಿದೆ. ಮಂಡಿಯಲ್ಲಿ ಕಡಿಮೆ ಗುಣಮಟ್ಟದ ಟೊಮೆಟೊ ಬಾಕ್ಸ್‌ಗೆ ಕನಿಷ್ಠ 1600, ಗರಿಷ್ಠ 3200 ರೂಪಾಯಿಯೊಂದಿಗೆ ದಾಖಲೆ ಬರೆದಿದೆ.
ನಾಲಿಗೆ ಸುಡುತ್ತಿರುವ ಟೊಮೆಟೊ: ಟೊಮೆಟೊ ಇಲ್ಲದೇ ಯಾವುದೇ ಖಾದ್ಯಕ್ಕೆ ರುಚಿ ಇರುವುದಿಲ್ಲ ಎಂಬುದು ಗೊತ್ತಿರುವ ವಿಚಾರ. ಟೊಮೆಟೊ ಅತ್ಯಂತ ಪ್ರಮುಖ ತರಕಾರಿ. ಆದರೆ, ಈ ಬೆಳೆ ಬೆಳೆದ ರೈತರು ಪ್ರತಿ ವರ್ಷ ಒಂದಲ್ಲ ಒಂದು ರೀತಿಯಲ್ಲಿ ನಷ್ಟ ಅನುಭವಿಸುತ್ತಿದ್ದರು. ಕಟಾವು ಮಾಡುವ ಕೂಲಿಕಾರರು ಬಾರದೇ ಅರ್ಧ ರೂಪಾಯಿಗೆ, ಅರ್ಧ ಕಿಲೋಗೆ ಮಾರಿದ ರೈತನ ದಯನೀಯ ಸ್ಥಿತಿಯನ್ನು ಹಲವು ಸಂದರ್ಭಗಳಲ್ಲಿ ನೋಡಿದ್ದೇವೆ. ಈ ವರ್ಷ ದೇಶಾದ್ಯಂತ ಉಂಟಾಗಿರುವ ಅತಿವೃಷ್ಟಿಯಿಂದ ಬೆಳೆ ವಿಳಂಬವಾಗಿರುವುದರಿಂದ ಈಗಾಗಲೇ ಬೆಳೆದ ಟೊಮೆಟೊ ರೈತರಿಗೆ ಉತ್ತಮ ಬೆಲೆ ಸಿಕ್ಕಿದೆ.
ಇಲ್ಲಿ ಬೆಳೆಯುವ ಟೊಮೆಟೋ ದೇಶಾದ್ಯಂತ ಉತ್ತಮ ಮನ್ನಣೆ ಮತ್ತು ಖ್ಯಾತಿಯನ್ನು ಹೊಂದಿದೆ. ರಾಯಲಸೀಮೆಯ ಅನಂತಪುರ, ಕರ್ನೂಲು ಮತ್ತು ಚಿತ್ತೂರು ಜಿಲ್ಲೆಗಳಲ್ಲಿ ಟೊಮೆಟೊವನ್ನು ಹೆಚ್ಚಿನ ಪ್ರಮಾಣದಲ್ಲಿ ಬೆಳೆಯಲಾಗುತ್ತದೆ. ಈ ಬಾರಿ ಮೇ ತಿಂಗಳಿನಿಂದ ಟೊಮೆಟೊ ಉತ್ಪಾದನೆ ಕಡಿಮೆಯಾಗಿದ್ದರಿಂದ ಬೆಲೆ ಏರಿಕೆಯಾಗತೊಡಗಿತು. ಜೂನ್ ಮತ್ತು ಜುಲೈ ತಿಂಗಳಿನಲ್ಲಿ ತಲುಪಿದ ಬೆಲೆಯೇ ದಾಖಲೆಯ ಬೆಲೆ ಎಂದು ಮಾರುಕಟ್ಟೆಯ ಮೂಲಗಳು ಭಾವಿಸಿದಾಗ ಮಂಗಳವಾರ ಅನಂತಪುರ ಮಂಡಿಯಲ್ಲಿ 15 ಕೆಜಿ ಟೊಮೆಟೊ ಬಾಕ್ಸ್ ಬೆಲೆ 3200 ರೂ.ಗೆ ಮಾರಾಟವಾಗಿದೆ. ಇಷ್ಟೊಂದು ಬೆಲೆಯನ್ನು ನಿರೀಕ್ಷಿಸಿರಲಿಲ್ಲ ಎಂದು ರೈತ ಸಂತಸ ವ್ಯಕ್ತಪಡಿಸಿದ್ದಾರೆ.
ದೇಶದಲ್ಲಿನ ತರಕಾರಿ ಮಾರುಕಟ್ಟೆ, ಬೆಳೆ ಬೆಳೆಯುವ ಕಾಲ ಮತ್ತು ಇಳುವರಿ ಸಮಯವನ್ನು ಆಯಾ ರಾಜ್ಯಗಳಲ್ಲಿ ಅಂದಾಜಿಸಿ ರಾಜ್ಯದ ರೈತರೊಂದಿಗೆ ಕೃಷಿ ಮಾಡಿದರೆ ಪ್ರತಿ ವರ್ಷ ಉತ್ತಮ ಬೆಲೆ ಸಿಗಲು ಸಾಧ್ಯ. ಆದರೆ, ಸರಕಾರ ತೋಟಗಾರಿಕೆ ಇಲಾಖೆ ಮೂಲಕ ರೈತರಿಗೆ ಅಂತಹ ಯಾವುದೇ ಯೋಜನೆ ನೀಡುತ್ತಿಲ್ಲ. ಇದರಿಂದ ರೈತರಿಗೆ ನಷ್ಟವಾಗುತ್ತಿದ್ದು, ಗ್ರಾಹಕರಿಗೆ ಬೆಲೆ ಹೊರೆಯಾಗುತ್ತಿರುವುದನ್ನು ಕಾಣುತ್ತಿದ್ದೇವೆ. ರಾಯಲಸೀಮಾ ಜಿಲ್ಲೆಯಲ್ಲಿ ಮಳೆಯಾಶ್ರಿತವಾಗಿ ಹೆಚ್ಚಿನ ಪ್ರಮಾಣದಲ್ಲಿ ಟೊಮೆಟೊ ಬೆಳೆಯಲಾಗುತ್ತಿದೆ.
ಈ ಬಾರಿ ಮಳೆಗಾಲದ ಹಿನ್ನಲೆಯಲ್ಲಿ ಟೊಮೆಟೊ ನಾಟಿ ಮಾಡಲು ರೈತರು ಮುಂದಾಗಲಿಲ್ಲ. ಟೊಮೆಟೊ ಬೆಳೆಯ ಪ್ರಮಾಣ ಕಡಿಮೆಯಾದಂತೆ ಮಾರುಕಟ್ಟೆಯಲ್ಲಿ ಟೊಮೆಟೊ ದಾಸ್ತಾನು ಕಡಿಮೆಯಾಗಿ ಬೆಲೆ ಏರತೊಡಗಿತು. ಮೇ ತಿಂಗಳಿನಿಂದ ಹೆಚ್ಚುತ್ತಿರುವ ಟೊಮೆಟೊ ಬೆಲೆ ಗರಿಷ್ಠ ಮಟ್ಟಕ್ಕೆ ಹೋಗಿದೆ. ಇನ್ನು ಒಂದು ತಿಂಗಳು ಈ ಬೆಲೆ ಮುಂದುವರಿಯುವ ಸಾಧ್ಯತೆ ಇದೆ ಎಂದು ಮಾರುಕಟ್ಟೆಯ ವರ್ತಕರು ಭವಿಷ್ಯ ನುಡಿದಿದ್ದಾರೆ.
ಕೆಜಿ ಟೊಮೆಟೊ 224 ರೂಪಾಯಿ: ಕುರಬಳಕೋಟ ಜಿಲ್ಲೆಯ ಅನ್ನಮಯ್ಯ ಕ್ಷೇತ್ರದ ಮದನಪಲ್ಲಿಯ ಅಂಗಾಲು ಮಾರುಕಟ್ಟೆಯಲ್ಲಿ ಮಂಗಳವಾರ ಉತ್ತಮ ಗುಣಮಟ್ಟದ ಟೊಮೆಟೊ ಕೆಜಿಗೆ 224 ರೂ.ಗೆ ದಾಖಲೆಯ ಬೆಲೆ ಬಂದಿದೆ. ಒಂದು ಬಾಕ್ಸ್ ಬೆಲೆ 5,600 ರೂ.ಗಳಾಗಿದೆ ಎಂದು ಟಿವಿಎಸ್ ಮಂಡಿ ಮಾಲೀಕ ಬಾಬು ಮತ್ತು ಮ್ಯಾನೇಜರ್ ಶಮೀರ್ ತಿಳಿಸಿದ್ದಾರೆ. ಇಲ್ಲಿಗೆ ಬಂದ ಟೊಮೆಟೊ ಉತ್ತರದ ರಾಜ್ಯಗಳಿಗೆ ರಫ್ತಾಗುತ್ತಿದೆ ಎಂದು ವಿವರಿಸಿದರು
ಓದಿ: Tomato Price: 30 ಕೆಜಿ ಟೊಮೆಟೊ ಬಾಕ್ಸ್ ಮಾರಿದ್ರೆ 1 ಗ್ರಾಂ ಚಿನ್ನ ಖರೀದಿಸಬಹುದೆಂದ ರೈತರು!
