1. कारगिल विजय दिवस पर शहीदों थै करि याद: कारगिल विजय दिवस का मौका पर वीर सपूतों की शहादत थै किये ग्या याद, देहरादून का गांधी पार्क स्थित शहीद स्मारक पर सीएम धामी ना शहीदों थै दे श्रद्धांजलि, जैका बाद सीएम धामी ना शहीदों का परिजनों और वीरांगनाओं थै करि सम्मानित.
2. भारी संख्या मा भक्त पौंचणा छिन केदारनाथ: श्रावण मास मा केदारधाम मा बाबा केदार का दर्शनों खुण भारी संख्या मा पौंचणा छिन श्रद्धालु, बारिश का बावजदू भी प्रतिदिन 10 से 12 हजार की संख्या मा मंदिर पौंचणा छिन भक्त, जय केदार और बम बम भोले का उद्घोष से गुंजयामान हुई च केदारपुरी.
3. मंत्री रेखा आर्य ना करि जलाभिषेक: समान लिंगानुपात का संकल्प लेकि साधु संतों दगणि मंत्री रेखा आर्य ना करि गंगा पूजन, जैका बाद हरकी पैड़ी बटि कांवड़ मा जल लेकि ऋषिकेशा खुण रवाना ह्वेनि मंत्री रेखा आर्य, वखि ऋषिकेश पौंचि वीरभद्र मंदिर मंदिर मा करि जलाभिषेक.
4. सीएम ना ल्याई सिंचाई विभाग की समीक्षा बैठक: उत्तराखंड सचिवालय मा सीएम पुष्कर सिंह धामी ना सिंचाई विभाग की करि समीक्षा बैठक, ये दौरान सीएम धामी ना अधिकारियों थै किसानों का हितों थै ध्यान मा राखिकी योजना बनाणा का देनि निर्देश, साथ ही सीडीओ की अध्यक्षता मा समिति गठन कना का देनि आदेश.
5. केंद्र सरकार का खिलाफ कांग्रेसियों ना करि प्रदर्शन: नेशनल हेराल्ड अखबार से जुड़या कथित मनी लॉन्ड्रिंग मामला मा आज भि कांग्रेस अध्यक्ष सोनिया गांधी से ईडी कनि च पूछताछ, वखि ये पूछताछ का विरोध मा देहरादून मा कांग्रेसियों ना करि सत्याग्रह, प्रदेश कांग्रेस अध्यक्ष करन माहरा ना बोली जांच एजेंसियों कू दुरुपयोग कनि च मोदी सरकार.
6. नवोदय स्कूल मा आठ छात्र और एक शिक्षक कोरोना संक्रमित: उत्तराखंड मा एक बार फिर बढ़ना छिन कोरोना का मामला, टिहरी का राजीव गांधी नवोदय विद्यालय देवलधार मा आठ छात्र और एक शिक्षक कोरोना संक्रमित, स्वास्थ्य विभाग ना सभी संक्रमितों थै हॉस्टल मा करि आइसोलेट, प्रधानाचार्य थै कोविड प्रोटोकॉल फॉलो कना का देनि निर्देश.
7. केदारनाथ हाईवे पर भूस्खलन: बारिश का चलदा रुद्रप्रयाग जिला मा लगातार हुणु च भूस्खलन, जैका कारण केदारनाथ हाईवे पर यात्रा कन ह्वाई खतरनाक, भटवाड़ीसैंण का पास लगातार हुणु च भूस्खलन, पहाड़ी से बोल्डर गिना की वजह से सुरक्षा दीवार और हाईवे का किनरा लग्या क्रैश बैरियर भी क्षतिग्रस्त.
8. ग्रामीणों ना हत्याकांड का खुलासा की करि मांग: चंदन हत्याकांड कू खुलासा न हुण से आक्रोशित ग्रामीणों ना आज हल्द्वानी पौंचिकी पुलिस-प्रशासन का खिलाफ करि जोरदार प्रदर्शन, पुलिस की कार्यशैली पर प्रदर्शनकारियों ना खड़ा करिन सवाल, छह जून का दिन ससुराल का पास ही मिल छाई चंदन कू शव.
9. कोर्ट ना स्टोर क्रशर निर्माण पर लगै रोक: नैनीताल हाईकोर्ट ना आज रामनगर का उदयपुरी मा संचालित स्टोर क्रशर का खिलाफ दायर जनहित याचिका की करि सुनवै. जैका बाद कोर्ट की खंडपीठ ना राज्य सरकार, केंद्रीय प्रदूषण नियंत्रण बोर्ड, जिलाधिकारी नैनीताल, सचिव औद्योगिक विकास बोर्ड सहित स्टोन क्रशर स्वामी थै नोटिस जारी कर तीन सप्ताह मा जवाब पेश कना कू दे आदेश.
10. स्मैक तस्करों थै पुलिस ना करि गिरफ्तार: लालकुआं कोतवाली क्षेत्र मा पुलिस ना 600 ग्राम स्मैक का दगणि दो तस्करों थै करि गिरफ्तार, आरोपी बरेली बटि स्मैक लेकि पहाड़ों मा करदा छाई सप्लाई, पुलिस ना तस्करों का खिलाफ एनडीपीएस एक्ट मा करि मुकदमा दर्ज.
