नैनीताल मा नया साल कु जश्न: देशभर का दगड़ा ही उत्तराखंड मा भी जोर शोर से नया साल कु आगाज ह्वे गी. सरोवर नगरी नैनीताल मा नया साल कु जश्न (new year celebration in nainital) धूमधाम से मनये गी. देशभर बटी पर्यटक बड़ी संख्या मा नैनीताल पौंछिन. पर्यटकूं न 2022 थै अलविदा बोली नैनीताल मा झील किनारा 2023 कु भव्य स्वागत करी. नया साल का मौका पर नैनीताल थै सजये गी. नया साल का मौका पर नैनीताल का नैना देवी मंदिर मा भी भक्तूं की भीड़ लगी रै.
सीएम धामी न बच्चों दगड़ि काटी केक: मुख्यमंत्री पुष्कर सिंह धामी न रविवारौ बनियावाला प्रेमनगर मा नेताजी सुभाष चंद्र बोस छात्रावास कु लोकार्पण (Netaji Subhash Chandra Bose Hostel in Dehradun) करी. ये दौरान सीएम धामी न बालिकाऊं थै ड्रेस भी प्रदान करीन. मुख्यमंत्री न नया साल का मौका पर बालिकाऊं दगड़ि केक काटी ऊंकु उत्साहवर्धन करी. ये दौरान सीएम धामी न छात्रावासौ निरीक्षण भी करी. दगड़ा मा ही सीएम धामी न विभिन्न व्यवस्थाऊं कु अवलोकन भी करी.
सीएम धामी न ऋषभ पंत दगड़ि करी मुलाकात: मुख्यमंत्री पुष्कर धामी आज देहरादून का मैक्स हॉस्पिटल पौंछिन. यख सीएम धामी न सड़क हादा मा घायल भारतीय क्रिकेटर ऋषभ पंत से मुलाकात करी. ये दौरान सीएम धामी न ऋषभ पंतौ हालचाल जांणी. दगड़ा मा ही सीएम धामी न क्रिकेटर ऋषभ पंत का परिजनू से भी मुलाकात करी. ऋषभ पंत दगड़ि मुलाकात कन्ना बाद सीएम धामी न बथै फिलहाल, ऋषभ पंत कु इलाज मैक्स अस्पताल मा ही चललू.
बर्खास्त कर्मचारियूं न करी विरोध प्रदर्शन: उत्तराखंड विधानसभा बटी बर्खास्त कर्मचारियूं न आज नया साल का मौका पर भी अनिश्चितकालीन धरना जारी रखी. कर्मचारियूं न आज विधानसभा का भैर अनोखा ढंग से विरोध प्रदर्शन करी. बर्खास्त कर्मचारियूं न गौला मा फांसी कु फंदा डाली विरोध जतै. दगड़ा मा ही बर्खास्त कर्मचारियूं न सरकार का खिलाफ नारेबाजी भी करी. कर्मचारियूं न चेतावनी दिनी की अगर उंथै न्याय नी मिली त वु आत्मदाह कन्न पर मजबूर होला.
हल्द्वानी जेल मा बंद पूर्व DFO किशनचंदै तबीयत बिगड़ी: भ्रष्टाचार का आरोप मा जेल मा बंद पूर्व आईएफएस अधिकारी किशनचंदै तबीयत खराब ह्वे गी. किशनचंद थै हल्द्वानी जेल बटी ऋषिकेश एम्स भेजे गी. जख किशनचंदौ हृदय रोग कु ऑपरेशन होलू. बथै द्या किशनचंद कॉर्बेट नेशनल पार्क का पाखरो रेंज मा भ्रष्टाचार का आरोपूं मा हल्द्वानी जेल मा बंद छन. विजिलेंसै टीम न किशनचंद थै 23 तारीखौ गाजियाबाद वैशाली बटी गिरफ्तार करी छौ.
दिल्ली की तर्ज पर रानीपोखरी मा बणली भव्य एरोसिटी: डोईवाला का रानीपोखरी मा दिल्ली की एरोसिटी की तर्ज एरोसिटी बणये जाली. या की कवायद तेज ह्वे गी. जौलीग्रांट एयरपोर्ट का आसपास ई परियोजना थै जमीनै तलाशी किये जांणी च. रानीपोखरी ग्राम पंचायत मा स्थित रेशम विभागै खाली पड़ी 60 बीघा जमीन थै एरोसिटी का चयनै प्रक्रिया चन्नी च, अगर यां कु थै ई जमीनौ चयन ह्वे जांदू त जल्द ही यख एरोसिटी कु काम शूरू ह्वे जालू. एरोसिटी का तहत फाइव स्टार होटल, मॉल, कैफे, रेस्टोरेंट, सड़क से लेका सबी अत्याधुनिक सुविधा यख उपलब्ध करये जाली.
प्रदेशभर मा खुलेला 14 क्रिटिकल केयर ब्लॉक: सड़क दुर्घटनाऊं मा घायलूं और अन्य गंभीर बीमारियूं से ग्रसित मरीजूं का बेहतर इलाज थै प्रदेश भर मा 14 क्रिटिकल केयर ब्लॉक स्थापित किये जाला. यां का पैला चरण मा सात जिलों मा क्रिटिकल केयर ब्लाक बणौणै डीपीआर भी तैयार ह्ववे गी. यूं जिलों मा चमोली, चंपावत, बागेश्वर, पौड़ी, नैनीताल, रुद्रप्रयाग, उत्तरकाशी शामिल छन. स्वास्थ्य मंत्री डॉ. धन सिंह रावत न सबी अधिकारियूं थै क्रिटिकल केयर ब्लाक का काम मा तेजी लौणा निर्देश दिनीन.
Uttarakhand Board Exam 2023 परीक्षा : उत्तराखंड विद्यालयी शिक्षा परिषद द्वारा संचालित हाई स्कूल और इंटरमीडिएट बोर्ड परीक्षाऊं थै लेकी बोर्डे बैठक (Meeting regarding 2023 board exams) ह्वे. बैठकै अध्यक्षता परिषद निदेशक आरके कुंवर (Council Director RK Kunwar) न करी. ईं बैठक मा प्रदेश भर का मुख्य शिक्षा अधिकारियूं न प्रतिभाग करी. ये दौरान आरके कुंवर न बथै साल 2023 मा संपन्न होंण वाली बोर्डै प्रैक्टिकल परीक्षा फरवरी मा आयोजित होली, जबकि लिखित परीक्षाएं मार्च व अप्रैल मा होली.
जनवरी मा शुरू ह्ले सकदी जनगणना: उत्तराखंड मा जनगणना अगला साल जनवरी मा शुरू ह्ले सकदी. जनगणनै 2021 की शुरुआत अप्रैल 2020 से होंण छै, लेकिन कोरोना का कारण या जमगणना रुक गी छै. अब भारत का महा रजिस्ट्रार कार्यालय की ओर से या प्रक्रिया दोबारा शुरू होंण वाली च. अबरी जनगणना डिजिटल होली. यां का तहत मोबाइल एप का माध्यम से जनगणना मा हिस्सा लिये जै सकलू. पैली बार डिजिटल मोड मा जनगणना होंणी.
