ओंकारेश्वर मंदिर मा विराजमान ह्वेनि बाबा केदार: बाबा केदार की चल विग्रह डोली अपणा शीतकालीन गद्दीस्थल ओंकारेश्वर मंदिर मा ह्वाई विराजमान, आगामी छह महिनों तक यखि किये जाली बाबा केदार की पूजा अर्चना, वखि, ओंकारेश्वर मंदिर पौंचण पर सैकड़ों की संख्या मा भक्तों ना करिन बाबा केदार की चल विग्रह डोली का दर्शन.
केदारनाथ गर्भगृह फोटो वायरल विवाद: केदारनाथ मंदिर गर्भगृह की फोटो सोशल मीडिया पर वायरल हुण पर तीर्थपुरोहितों ना समिति का अध्यक्ष अजेंद्र अजय पर उठैन सवाल, जैका बाद तीर्थपुरोहितों ना मंदिर समिति का अध्यक्ष का खिलाफ एफआईआर दर्ज कना भी करि बात, वखि अब ये मामला मा बीकेटीसी अजेंद्र अजय ना दे सफै, बोली- गर्भगृह की फोटो वायरल कन वलों कू धन्यवाद.
सीएम पुष्कर सिंह धामी ना केजरीवाल थै बताई नॉन सीरियस: मुख्यमंत्री पुष्कर सिंह धामी ना बोली- उत्तराखंड मा भी गुलामी का प्रतीकों थै किये जालु समाप्त, लैंसडाउन कू जल्द बदली जालु नाम, वखि, दिल्ली सीएम केजरीवाल का नोटों पर लक्ष्मी गणेश की फोटु छपणा की मांग थे धामी ना बताई नॉन सीरियल, बोली- चुनौ का चल्दा सीएम केजरीवाल ना छोड़ी शिगुफा.
उत्तराखंड लोक सेवा आयोग ना पीसीएस मुख्य परीक्षा करि स्थगित: उत्तराखंड लोक सेवा आयोग ना आगामी 12 से 15 नवंबर के बीच आयोजित हुण वलि पीसीएस मुख्य परीक्षा थै करि स्थगित, कोर्ट का आदेश पर आयोग ना रिवाइज करि छाई प्री परीक्षा कू रिजल्ट, जैमा कई उम्मीदवारों ना करि छाई क्वालीफाई और मुख्य परीक्षा खुण समया दिणा की करि छाई मांग, यन मा अब अगली साल जनवरी मा करै जालि पीसीएस की मुख्य परीक्षा.
हरदा ना हिमाचल विधानसभा चुनौ थै लेकि बीजेपी पर कसी तंज: अपणा चिरपरिचित अंदाज मा हरदा ना हिमाचल विधानसभा चुनौ थै लेकि बीजेपी पर कसी तंज, बोली- हिमाचल की जनता उत्तराखंड जन नि लिखली अपणुं इतिहास, ये चुनौ मा हिमाचल का वोटर बीजेपी थै बोल्ला 'जयराम जी', उत्तराखंड जनि विकास की हत्या कना खुण बीजेपी थै हिमाचल की जनता नि सौंपली अपणि कमान.
UKSSSC पेपरलीक मामला मा विपक्ष ना सरकार की मंशा पर उठैन सवाल: उत्तराखंड अधीनस्थ सेवा चयन आयोग भर्ती परीक्षा पेपर लीक मामला मा विपक्ष ना सरकार की मंशा पर खड़ा करिन सवाल, कांग्रेस ना बोली- कमजोर पैरवी का चलदा एक-एक कैरकि आरोपियों थै मिलणि च जमानत, प्रदेश अध्यक्ष करण माहरा ना ये मामला की सीबीआई जांच समेत पूर्व आयोग अध्यक्ष एस राजू का खिलाफ कार्रवाई की करि मांग.
हरिद्वार से तीन बच्चों समेत बांग्लादेशी महिला गिरफ्तार: बिना पासपोर्ट और वीजा का तीन बच्चों दगणि हरिद्वार मा अवैध रूप से रैणी बांग्लादेशी महिला से पुलिस ना करि गिरफ्तार, बीता दिनों यूपी पुलिस द्वारा दादूपुर से गिरफ्तार बांग्लादेशी अली नूर की बीबी बतै जाणी च महिला, हालांकि, ये संबंध मा पुलिस अभी कंफर्मेशन की कनि च बात, वखि महिला का खिलाफ अग्रिम कार्रवाई मा जुटीं च हरिद्वार पुलिस.
एक करोड़ की स्मैक दगणि तस्कर गिरफ्तार: धर्मनगरी हरिद्वार मा स्मैक की खेप का दगणि श्यामपुर थाना पुलिस ना तस्कर थै करि गिरफ्तार, पुलिस टीम आरोपी का पास से करीब 200 ग्राम स्मैक करि बरामद, जैकि अंतरराष्ट्रीय बाजार मा एक करोड़ रुपये बतै जाणि की कीमत, सहारनपुर से स्मैक लेकि देहरादून और हरिद्वार मा आरोपी करदु छाई स्मैक की सप्लाई.
डकैती मामला मा पुलिस ना द्वि और आरोपियों थै करि गिरफ्तार: कैबिनेट मंत्री प्रेमचंद अग्रवाल का भाई का डोईवाला स्थित घौर मा ह्वे डकैती मामला मा पुलिस ना द्वि फरार आरोपियों थै करि गिरफ्तार, 25 हजार का इनामी बदमाश वसीम और नावेद थै आशारोड़ी चेकपोस्ट से पुलिस ना करि गिरफ्तार, अभी डकैती मा लिप्त चार और आरोपी चना छिन फरार, जोकि धरपकड़ मा जुटी च पुलिस.
