1. महेंद्र भट्ट बणिन बीजेपी का नया प्रदेश अध्यक्ष: उत्तराखंड बीजेपी मा आज बड़ू फेरबदल दिखणा खुण मिली, बीजेपी आलाकमान ना अब मदन कौशिक थै हटैकि महेंद्र भट्ट थे प्रदेश की कमान सौंपयालि, अब महेंद्र भट्ट बीजेपी का नया प्रदेश अध्यक्ष बण गेनि, बीजेपी का राष्ट्रीय अध्यक्ष जगत प्रकाश नड्डा ना महेंद्र भट्ट कि नियुक्ति कू लेटर जारी करि.
2. महेंद्र भट्ट का गृहजनपद मा खुशी की लहर: महेंद्र भट्ट थै बीजेपी कू नयु प्रदेश अध्यक्ष बनै जाणा से ऊंका गृहजनपद चमोली मा खुशी की लहर, चमोली मंडल मा बीजेपी कार्यकर्ताओं ना जमकर करि आतिशबाजी, वखि एक दूसरा थै मिठै खिलेकी मनाई जश्न, चमोली थै प्रदेश नेतृत्व दिये जाण पर बीजेपी आलकमान कू जताई आभार.
3. सीएम धामी ना बोली- 'चंपावत बणलु आदर्श जनपद': मुख्यमंत्री धामी ना चंपावत थै आदर्श जनपद का रूप मा विकसित किये जाणा खुण बोधित्सव संवाद कार्यक्रम मा करि शिरकत, सीएम धामी ना बोली- प्रदेश की इकोनॉमी और इकोलॉजी से तैयार ह्वेली विकास की रूपरेखा, उत्तराखंड हिमालयी राज्यों खुण बड्लु विकास कू मॉडल.
4. यशपाल आर्य ना धामी सरकार पर साधी निशाना: कांग्रेस का वरिष्ठ नेता और नेता प्रतिपक्ष यशपाल आर्य न हरिद्वार हरकी पैड़ी पौंचिकी करि गंगा पूजन, वखि हरिद्वार पंचायत चुनाव लेकि यशपाल आर्य ना बीजेपी सरकार पर साधी निशाना, बोली- बीजेपी हार की डैर थै टनि च पंचायत चुनाव. जनविरोधी नीतियों कू जनता वोट से देलि मुंहतोड़ जवाब
5. पेपर लीक मामला मा एसटीएफ की कार्रवाई जारी: उत्तराखंड अधीनस्थ चयन सेवा आयोग परीक्षा पेपर लीक मामला मा लगातार एसटीएफ की कार्रवाई जारी, गढ़वाल का बाद अब ये घपला की जांच कना खुण कुमाऊं का रामनगर रिजॉर्ट पौंचि एसटीएफ टीम, मौका बटि टीम ना कई सबूत करिन इकट्ठा, ये मामला मा अभी और लौखु की भि ह्वे सकदि गिरफ्तारी.
6. 22 घंटा बाद बदरीनाथ हाईवे पर आवाजाही शुरू: उत्तराखंड का पहाड़ी जनपदों मा आज जारी च बारिश, बारिश का चलदा कई जिलों मा जनजीवन अस्त व्यस्त, वखि बदरीनाथ हाईवे पर 22 घंटा बाद सुचारू ह्वे यातायात, रस्ता मा फंसाया सैंकड़ों यात्रियों न ल्याई राहत की सांस.
7. कालसी-चकराता मोटरमार्ग पर भूस्खलन: विकासनगर मा जजरेड पहाड़ी से हुयां भूस्खलन का चलता कालसी-चकराता मोटरमार्ग बाधित, सड़का का द्विया ओर लगी वाहनों की लंबी कतार, जेसीबी की मदद से लोनिवि की टीम ना सड़क पर गिरयां मलबा थै करि साफ, करीब एक घंटा बाद मार्ग पर दुबारा यातायात ह्वाई सुचारू.
8. गुलदार ना बुजुर्ग महिला थै बणाई शिकार: बागेश्वर की काफलीगैर तहसील का असों गौं मा गुलदार ना 80 साल की बुजुर्ग महिला पर करि हमला, गुलदार का हमला मा बुजुर्ग महिला की मौत, वखि ये घटना का बाद से इलाका मा दहशत कू माहौल, ब्याल राति शौचा खुण भैर जांद दफे गुलदार ना बुजुर्ग महिला कू करि शिकार.
9. हाथियों ना जमकर मचाई उत्पात: रामनगर वन प्रभाग की कालाढूंगी रेंज मा हाथियों ना मचाई जमकर उत्पात, कॉर्बेट फॉल का मुख्य गेट का पास हाथियों कू झुंड ना वन विभाग की संपत्ति थै पौंचाई काफी नुकसान, टिकट घर कू दरौजा तोड़िकी हाथियों ना कुर्सी, टेबल समेत अन्य सामान थै करि मटियामेट.
10. केदारनाथ मंदिर प्रवेश द्वार कू निर्माण: आपदा का नौ साल बाद केदारनाथ मंदिर मा प्रवेश द्वार कू ह्वाई निर्माण, अब द्वार पर लगी घंटी थै बजेकि मंदिर परिसर मा दाखिल ह्वाला भक्त, 2013 की आपदा मा केदारनाथ मंदिर प्रांगण मा स्थापित प्रवेश द्वार ह्वेगे छाई ध्वस्त, पुरोहितों की मांग पर दुबारा करये ग्याई मंदिर प्रवेश द्वार कू निर्माण.
