1. 2025 तक उत्तराखंड थै ड्रग्स फ्री कना कू लक्ष्य: मुख्यमंत्री पुष्कर सिंह धामी की अध्यक्षता मा आज सचिवालय मा आयोजित किये ग्या नार्को कोऑर्डिनेशन की बैठक, साल 2025 तक देवभूमि थै ड्रग्स फ्री कना कू रखे ग्या लक्ष्य, मुख्यमंत्री धामी ना सभी संबंधित विभागों थै समन्वय बणैकि काम कना का देनि निर्देश.
2. डीएम ना हर घर तिरंगा अभियान खुण देनि निर्देश: आजादी का अमृत महोत्सव कार्यक्रम का तहत प्रदेश मा 13 से 15 अगस्त तक चलये जालु 'हर घर तिरंगा अभियान', देहरादून जिलाधिकारी ना अधिकारियों थे देनि निर्देश, राजधानी का साढ़े तीन लाख घौर मा राष्ट्रीय ध्वज लगाणा कू लक्ष्य, सबि अधिकारियों और कर्मचारियों की लगे ग्या ड्यूटी.
3. हरिद्वार मा स्वास्थ्य व्यवस्थाओं की खुली खोल: हरिद्वार मा स्वास्थ्य व्यवस्थाओं की खुली पोल, प्रसूता थै अस्पताल लि जाणा खुण नि मिली 108 एंबुलेंसस, मेला अस्पताल का भैर ही गर्भवती ना नवजात थै द्याई जन्म, ब्याल राति की बतै जाणि का घटना, सुबेर प्रसूता और नवजात थै अस्पताल मा किये ग्या भर्ती, घटना कू वीडियो सोशल मीडिया मा हुणु च वायरल.
4. नैनीताल-भवाली रोड पर भारी भूस्खलन: नैनीताल जिला मा पिछला द्वि दिनों से लगातार हुणी च बरखा, वखि बरखा का चलदा पहाड़ों मा लगातार हुणु च भूस्खलन, जैका का चलदा यात्रियों थै हुणि च परेशानी, वखि आज नैनीताल भवाली रोड पर भी ह्वाई भारी भूस्खलन, एहतियातन एक हफ्ता खुण मार्ग पर आवाजाही किये ग्या बंद.
5. बरखा का चलदा बदरीनाथ हाईवे बाधित: चमोली मा भी भारी बरखा का चलदा ग्रामीण क्षेत्र मा जनजीवन अस्त व्यस्त, वखि बदरीनाथ राष्ट्रीय राजमार्ग पर लामबगड़ का नजदीक नाला ना ल्याई रौद्र रोप, सड़क पर अया पाणि का चलदा 2 घंटा से हाईवे बाधित, रस्ता मा फंसाया छिन सैंकड़ों यात्री. मार्ग खुलण मा जुटयां छिन एनएच का कर्मचारी.
6. UKSSSC पेपर लीक मामला द्वि और गिरफ्तारी: उत्तराखंड अधीनस्थ चयन सेवा आयोग परीक्षा पेपर लीक मामला मा एसटीएफ की कार्रवाई जारी, एक यूनिवर्सिटी का द्वि कर्मचारियों थे एसटीएफ टीम ना देर रात करि गिरफ्तार, आरोपी दीपक चौहान और भावेश जगूड़ी का कब्जा से पुलिस थै मिलिन अहम सूबूत, एटीएफ की जांच जारी.
7. 55 शिक्षकों का खिलाफ SIT ना दाखिल करि चार्जशीट: फर्जी दस्तावेजों का आधार पर नौकरी कना वला शिक्षकों पर जल्द ह्वे सकदी कार्रवाई, एसआईटी मा 55 अध्यापकों का खिलाफ कोर्ट मा दाखिल करि चार्जशीट, एसआईटी ना अभी तक ये मामला मा प्रदेश का विभिन्न जिलों मा तैनात 85 शिक्षकों का खिलाफ 76 मुकदमा करिन दर्ज.
8. विकासनगर मा अघोषित बिजली कटौती पर प्रदर्शन: पछवादून क्षेत्र विकासनगर मा अघोषित बिजली कटौती से जनता परेशान, पूर्व कैबिनेट मंत्री नवप्रभात का नेतृत्व मा कांग्रेसियों ना यूपीसीएल अधिशासी अभियंता कार्यालय पर करि प्रदर्शन, क्षेत्र की जनता थै जल्द बिजली कटौती की समस्या से निजात दिलाणा की करि मांग.
9. कांग्रेसियों ना स्मृति ईरानी का खिलाफ करि प्रदर्शन: केंद्रीय मंत्री स्मृति ईरानी की सदन मा कांग्रेस अध्यक्ष सोनिया गांधी से ह्वे नोकझोंक का बाद कांग्रेसियों मा आक्रोश, देहरादून एश्ले चौक पर कांग्रेसियों ना स्मृति ईरानी कू फूंकी पुतला, सदन मा असंसदीय भाषा बरणा कू लगाई आरोप, प्रदर्शनकारियों ना बोली- कांग्रेस अध्यक्ष दगणि स्मृति ईरानी कू व्यवहार ना काबिले बर्दाश्त.
10. बागेश्वर मा शिक्षकों की तैनाती की मांग थै लेकि प्रदर्शन: बागेश्वर का राजकीय कन्या विद्यालय रावतसेरा से तीन शिक्षकों कू ह्वाई तबादला, टीचरों कू ट्रांसफर हुण से विद्यालय ह्वाई शिक्षक विहीन, वखि टीचरों कू ट्रांसफर से नाराज अभिभावकों ना डीएम कार्यालय मा करि प्रदर्शन, स्कूल मा शिक्षकों की तैनाती की करि मांग.
