- अरविंद केजरीवाल कू काशीपुर दौरा, जनसभा थै करि संबोधित
काशीपुर मा दिल्ली का मुख्यमंत्री और आम आदमी पार्टी का संजोयक अरविंद केजरीवाल ना करि जनसभा थै संबोधित, बोली- प्रदेश मा अगर आप की सरकार बणलि त 18 साल से ऊपर कि सबी नौनियों थै दिये जाला 1000 रुपये प्रतिमाह, वखि सरकार बणना का छह महीना भितर प्रदेश मा करला छह नया जिलों कू गठन.
- सुप्रीम कोर्ट ना ऑल वेदर रोड प्रोजेक्ट थै ग्रीन सिग्नल
चारधाम ऑलवेदर रोड प्रोजेक्ट थै सुप्रीम कोर्ट बटि मिली ग्रीन सिग्नल, सुप्रीम कोर्ट ना ऑल वेदर रोड प्रोजेक्ट मा सड़क की चौड़ेए बढ़ाणा की दे इजाजत, वखि प्रदेश मा डबल लेन हाईवे बनाणा कू रस्ता भी ह्वे साफ, सुप्रीम कोर्ट ना देश की सुरक्षा और सामरिक स्थिति थै दिखद डबल लेन हाईवे बनाणा की दे इजाजत, अब सड़क मार्ग से आसानी से चीन बॉर्डर तक पौचि सदकि भारतीय सेना.
- देहरादून मा सैन्य धाम की नींव रखला रक्षामंत्री राजनाथ सिंह
भौल यानि बुधवार का दिन रक्षा मंत्री राजनाथ सिंह देहरादून पौंचि रखला सैन्य धाम की नींव, देहरादून स्थित गुनियाल गौ का पुरुकुल मा 63 करोड़ रुपये की लागत से किये जालु विशाल सैन्य धाम कू निर्माण, सैनिक कल्याण मंत्री गणेश जोशी ना रक्षामंत्री का कार्यक्रम कि तैयारियों थै लेकि करि बैठक.
- सीएम धामी ना सपत्नीक करिन बाबा विश्वनाथ का दर्शन
सीएम पुष्कर सिंह धामी ना बनारस मा भाजपा शासित राज्यों का मुख्यमंत्रियों की बैठक मा करि शिरकत, वैका बाद सीएम धामी मा सपत्नीक करिन बाबा विश्वनाथ का दर्शन, पूजा अर्चना और दर्शन का बाद सीएम धामी ना पीएम मोदी का विजन की कैरि जमकर तारीफ, बोली- पीएम मोदी का नेतृत्व मा देश मा हुणा छिन अभूतपूर्व कार्य.
- हरीश रावत ना बीजेपी सरकार पर साधी निशाना
कांग्रेस ना बेरोजगारी, महंगाई और भ्रष्टाचार थै लेकि बीजेपी सरकार पर जमकर निशाना साधी, ये मौका पर पूर्व मुख्यमंत्री हरीश रावत ना बोली, बीजेपी का राज मा जनता त्रस्त च, बेरोजगारी दिन ब दिन बढणि च, महंगाई ना लौखु कि कमर तोड़ी यालि, सरकार रोजगार दिण मा फेल साबित ह्वे.
- बेरोजगार प्रशिक्षित डिप्लोमा फार्मासिस्टों कू मुख्यमंत्री आवास कूच
नियुक्ति समेत विभिन्न मांगों थै लेकि आज बेरोजगार प्रशिक्षित डिप्लोमा फार्मासिस्टों ना मुख्यमंत्री आवासा कूच करि, वखि प्रदर्शनकारियों थै कि पुलिस ना हाथीबड़कला मा ही रोक द्या. प्रदर्शनकारी फार्मासिस्टों ना बोली, वु कई दिन बटि धरना स्थल पर आंदोलनरत छिन लेकिन सरकार वुकि मांगों पर ध्यान नि दिणी च.
- एनएचएम सविंदा कर्मियों का कार्य बहिष्कार से स्वास्थ सेवा प्रभावित
हरियाणा की तर्ज पर वेतनमान दिणा कि मांग थै लेकि उत्तराखंड एनएचएम संविदा कर्मियों ना सरकार का खिलाफ मोर्चा खुल्यु च, आज आठवां दिन भी प्रदेश मा तैनात एनएचएम संविदा कर्मियों कू कार्य बहिष्कार जारी राई, वखि एनएनएच कर्मियों की हड़ताल से स्वास्थ्य सेवाएं भी प्रभावित रैनी, पौड़ी मा आक्रोशित स्वास्थ्य कर्मियों ना अपणु कोरोना वारियर कू सम्मान भी सरकार थै लौटे दाई.
- ऋषिकेश मा कांग्रेस की परिवर्तन रैली
तीर्थनगरी ऋषिकेश मा कांग्रेस की परिवर्तन रैली, प्रदेश अध्यक्ष प्रीतम सिंह ना कांग्रेस की परिवर्तन रैली मा करि शिरकत, कार्यकर्ताओं ना प्रीतम सिंह कू करि जोरदार स्वागत, अपणा संबोधन मा प्रीमम सिंह ना बोली- बीजेपी सरकार का राज से जनता त्रस्त, 2022 मा उत्तराखंड मा सरकार बणालि कांग्रेस.
- यूपीएससी का एग्जाम मा त्रिशला ना हासिल करि दूसरी रैंक
संघ लोक सेवा आयोग का आईईएस एग्जाम का नतीजा आज घोषित ह्वे गिन, ये एग्जाम मा देहरादून की त्रिशला ना दूसरी रैंक हासिल करि, त्रिशला ना कोरोना काल मा एमएनसी की नौकरी छोड़िकी एग्जाम की तैयरी कै छया, कठिन परिश्रम की बदौलत त्रिशला ना यूपीएससी कू एग्जाम पास करि.
- 24 दिसंबर का दिन हल्द्वानी मा जनसभा करला पीएम मोदी
उत्तराखंड मा विधानसभा चुनौ की सरगर्मी तेज, 24 दिसंबर का दिन पीएम मोदी कू उत्तराखंड दौरा, हल्द्वानी मा जनसभा थै करला संबोधित, कार्यक्रम की तैयारियों थै लेकि आज प्रभारी मंत्री स्वामी यतीश्वरानंद ना करि हल्द्वानी स्टेडियम कू निरीक्षण, कार्यकर्ताओं थै दिनी दिशानिर्देश.
