1. उत्तराखंड मा कोरोना की रफ्तार मा कमी, आज मिलिन 156 नया मरीज
उत्तराखंड मा अब कोरोना की रफ्तार मा कमी दिखेणी च, आज प्रदेश मा कोरोना का 156 नया मरीज मिलिन, वखि पिछला 24 घंटा मा एक मरीज नाअपणि जान ग्वे, जैका बाद उत्तराखंड मा कुल 1026 एक्टिव केस छिन, वखि जनवरी बटि अब तक कुल 90, 865 लोग कोरोना से संक्रमित ह्वेनि.
2. हरीश रावत कांग्रेस मा अपणु भविष्य थै लेकर चिंतित- त्रिवेंद्र सिंह
उत्तराखंड विधानसभा चुनौ परिणाम से पेलि बीजेपी और कांग्रेस का बीच बयानबाजी कू दौर जारी, ईटीवी भारत पर बोलिन पूर्व सीएम त्रिवेंद्र सिंह रावत, जनता कू ध्यान भटकाड़ा खुण अनर्गल बयान दे दिदिनं हरीश रावत, वु कांग्रेस मा अपणु भविष्य थै लेकर छिन चिंतित.
3. कांग्रेस सरकार बणद ही ब्यूरोक्रेसी मा होलु बड़ू बदलाव
उत्तराखंड विधानसभा चुनौ का नतीजा 10 मार्चा खुण आणा छिन, यन मा अगर कांग्रेस सत्ता पर काबिज होलि त प्रदेश की ब्यूरोक्रसी मा ह्वे सकदिन बड़ा बदलाव, ईटीवी भारत से बातचीत मा कांग्रेस का वरिष्ठ नेता हरीश रावत ना देनि संकेत, ऊंन बोली- कांग्रेस की बणलि सरकार त प्रदेश मा पेलि बार कुई महिला बण सकदि मुख्य सचिव.
4. प्रदेश मा कांग्रेस चलालि डिजिटल सदस्यता अभियान
विधानसभा चुनौ का बाद कांग्रेस उत्तराखंड मा अपणु डिजिटल सदस्यता अभियान करलि तेज, दिल्ली बटि देहरादून पौंचिन एआईसीसी का ऑब्जर्वर, जू प्रदेश स्तरीय नेताओं से डिजिटल सदस्यता अभियान थै लेकि कना छिन बातचीत, विधानसभा चुनौ का परिणाम का बाद लोकसभा चुनौ खुण कांग्रेस प्रदेश मा जोर-शोर से चलालि सदस्यता अभियान.
5. मदन कौशिक कू बयान- हरदा थै सैनिकों पर भरोसा नि
हरीश रावत ना अपणा ट्विटर अकाउंट से पोस्टल बैलेट मा गड़बड़ी की आशंका जतैकि एक वीडियो कै छाई शेयर, ये ट्वीट मा हरदा न आर्मी सेंटर का पोस्टल बैलेट मा गड़बड़ी कू लगे छाई आरोप, जैका बाद बीजेपी प्रदेश अध्यक्ष मदन कौशिक ना ये ट्वीट कू दे जवाब- ऊंन बोली- कांग्रेस हमेशा ही करदि सैनिकों कू अपमान, हरीश रावत थै सैनिकों पर भरोसा नि.
6. गुरु शंकराचार्य जयंती पर हरिद्वार मा होलु धर्मसंसद कू आयोजन
हरिद्वार धर्म संसद हेट स्पीच मामला मा जितेंद्र नारायण त्यागी उर्फ वसीम रिजवी की रिहाई की मांग थै लेकि धरना मा बैठयां स्वामी यति नरसिंहानंद गिरि न करि बड़ू ऐलान, ऊंन बोली- गुरु शंकराचार्य की जयंती पर वु हरिद्वार मा करला धर्म संसद कू आयोजन, अब तक की सबसे बड़ी धर्म संसद ह्वेलि ऐतिहासिक
7. उत्तराखंड हाईकोर्ट ना सरकार से 9 मार्च तक मांगी जवाब
प्रधानमंत्री फसल बीमा का गलत आंकड़ा पेश कना कू मामला मा उत्तराखंड हाईकोर्ट सख्त, कार्यवाहक मुख्य न्यायाधीश संजय कुमार मिश्रा व न्यायमूर्ति एनएस धनिक की खंडपीठ ना 9 मार्च तक उत्तराखंड सरकार थै जवाव पेश कना कू दे आदेश, अब 9 मार्च का दिन ये मामला मा होलि अगली सुनवै.
8. देहरादून पुलिस ना चोरी कू करि खुलासा
देहरादून पुलिस ना रेसकोर्ट मा हुई चोरी कू करि खुलासा, चोरों ना रिटायर्ड एडीजी कविराज नेगी का घोर मा चोरी थै दे छाई अंजाम, पुलिस ना ये मामला मा तीन शातिर चोरों थै नोएडा बटि करि गरिफ्तार, आरोपियों का पास से चोरी कयां नकदी, जेवरात और वारादात मा इस्तेमाल हथियार भी बरामद, तीन शातिरों का खिलाफ पेली भि यूपी मा चोरी चकारी का कई मामला दर्ज.
9. मां अपणि बेटी से करांदि छाई वेश्यावृत्ति
उधम सिंह नगर मा रिश्तों थै शर्मसार कन वलु मामला समणि आई, यख एक मां अपणि ही नाबालिग बेटी से वेश्यावृत्ति करांदि छाई, वखि पैसों का लालच मां ना तीन दौं अपणि बेटि कु ब्याह भि करयुं च. ये मामला कू खुलासा पीड़ित नौनी न पुलिस पूछताछ मा करि, जैका बाद पुलिस ना आरोपी मां और मौसी समेत पांच महिलाओं थै गरिफ्तार कयालि.
10. 28 मार्च बिट उत्तराखंड बोर्ड की परीक्षा शुरू
उत्तराखंड बोर्ड की 10वीं और 12वीं की परीक्षाएं 28 मार्च से 18 अप्रैल का बीच होलि संपन्न, उत्तराखंड विद्यालयी शिक्षा परिषद की सचिव नीता तिवारी न बोलि- इबर दा 10वीं व 12वीं की परीक्षा मा कुल 2,43,229 परीक्षार्थी होला शामिल, वखि 20 मार्च का पूरा ह्वे जाला प्रैक्टिकल एग्जाम.
