1. सीएम धामी ना तिरंगा रैली मा करि शिरकत: देश मा स्वतंत्रता दिवस की 75वीं वर्षगांठ पर आजादी कू अमृत महोत्व मनै जाणुं च, ये कड़ी मा आज देहरादून गांधी पार्क मा आयोजित हर घर तिरंगा रैली मा मुख्यमंत्री पुष्कर सिंह धामी ना प्रतिभाग करि, वखि ये मौका पर सीएम धामी ना सबि लौखु से अपणा घौर मा तिंरगा लगाणा की अपील भी करि.
2. कांग्रेस की भारत जोड़ो यात्रा कू आगाज: देहरादून समेत कई जिलों मा कांग्रेस ना निकाली भारत जोड़ो यात्रा, 15 अगस्त तक होलु भारत जोड़ो यात्रा कू आयोजन, हल्द्वानी मा नेता प्रतिपक्ष की मौजूदगी मा स्वराज आश्रम से निकले ग्या भारत जोड़ो यात्रा, वखि रुद्रप्रयाग जिला मुख्यालय पौंचिकी कांग्रेस प्रदेश अध्यक्ष ना करि भारत जोड़ो यात्रा कू शुभारंभ.
3. टपकेश्वर महादेव की भव्य शोभायात्रा: द्वि साल बाद देहरादून मा निकले ग्या टपकेश्वर महादेव की भव्य शोभायात्रा, वखि यिं शोभायात्रा मा मुख्यमंत्री पुष्कर सिंह धामी ना करि शिकरत, टपकेश्वर महादेव की 21वीं भव्य शोभायात्रा कू आगाज शिवाजी धर्मशाला बटि ह्वाई , लौखु मा शोभायात्रा का प्रति दिखी भारी उत्साह. वखि हेलीकॉप्टर से श्रद्धालुओं पर किये ग्या पुष्पवर्षा.
4. 17000 फीट की ऊंचाई पर महिला जवानों ना फहराई तिरंगा: आजादी कू अमृत महोत्सव का तहत भारत-तिब्बत सीमा पुलिस की महिला जवानों ना 17,000 फीट की ऊंचाई पर फहराई तिरंगा, स्वस्वत्रा दिवसी की 75वीं वर्षगांठ का मौका पर महिला जवानों की विशेष गश्ती टीम ना हर घर तिरंगा अभियान का तहत 17000 फीट की ऊंचाई पर फहराई तिरंगा. ITBP ना अपणा ऑफिशियल ट्वीटर हैंडल बटि शेयर करि वीडियो.
5. बरखा का चलदा रुद्रप्रयाग मा भूस्खलन: उत्तराखंड मा बरखा चलदा पहाड़ी जिलों भूस्खलन जारी, सोमवार देर रात बरखा का चलदा रुद्रप्रयाग का दूरस्थ गौं छिनका मा ह्वाई भूस्खलन, भूस्खलन की जद मा आण आवसीय भवन और गौशालाएं क्षतिग्रस्त, वखि मलबा का भेंट चणिन कई हेक्टेयर खेत. आज सुबेर आपदा राहत बचाव कार्य मा जुटी टीम.
6. पांच पिस्टल दगणि एक आरोपी गिरफ्तार: देहरादून की डोईवाला पुलिस ना एक बदमाश थै पांच पिस्टल दगणि करि गिरफ्तार, आरोपी कू राहुत मर्डर केस से च संबंध, कुछ दिनों पेलि आरोपी ना राहुल थै बेची छाई पिस्टल, वखि पुलिस थै डोईवाला का नागल ज्वालापुर क्षेत्र से संदिग्ध परिस्थितियों मा मिल छाई राहुल कू शव, आरोपी कू आपाराधिक रिकॉर्ड की पड़ताल कनि च डोईवाला पुलिस.
7. युवक की हत्या कू आरोपी गिरफ्तार: सिविल लाइन कोतवाली क्षेत्र का ढंडेरा गौं मा पुरानी रंजिश का चलते आरोपी ना एक युवक की चाकू से गोदकर करि हत्या, हमलावर ना युवक पर दौड़े-दौड़े की करिन चाकू से वार, वखि आरोपी थै पुलिस ना करि गिरफ्तार, बतै जाणु च की उधार लियां एक हजार रुपया नि लौटण पर आरोपी ना हत्या थै द्याई अंजाम.
8. अल्मोड़ा मा धूमधाम से मनै ग्याई अगस्त क्रांति: अल्मोड़ा मा आज धूमधाम से मनै ग्या अगस्त क्रांति दिवस, आजादी की 75वीं वर्षगांठ का मौका पर आम लौखु का दर्शनार्थ खोली ग्या अल्मोड़ा की ऐतिहासिक जेल, स्वतंत्रता संग्राम का समय यिं जेल मा कैद रयां स्वतंत्रता संग्राम सेनानियों थै याद करि यख मनै ग्याई अगस्त क्रांति कू जश्न. लौखु ना आजादी का वीर सपूतों थै श्रद्धासुमन करिन अर्पित.
9. 17 अगस्त का दिन होलु बटर फेस्टिवल कू आयोजन: कोरोना संक्रमण काल का द्वि साल बाद दयारा बुग्याल मा रैथल का ग्रामीण मनाला पारंपरिक बटर फेस्टिवल, 17 अगस्त का दिन दूध, मट्ठा और मक्खन से ग्रामीण दयारा बुग्याल मा खेलला होली, उत्तराखंड का ऐतिहासिक बटर फेस्टिवल मा मुख्यमंत्री पुष्कर सिंह धामी और पर्यटन मंत्री सतपाल महाराज भि करला शिरकत.
10. फिल्म लाल सिंह चड्ढा कू साधु संतों ना करि बायकॉट: रिलीज से पैलि ही विवादों मा घिरी बॉलीवुड एक्टर आमिर खान की नई फिल्म लाल सिंह चड्ढा, 11 अगस्त का दिन देशभर का सिनेमाघरों मा रिलीज होली फिल्म, वखि अब हरिद्वार का साधु संतों ना भि लाल सिंह चड्ढा फिल्म को करि बायकॉट, लौखु से फिल्म ना दिखणा की करि अपील.
