असम मां पीएम मोदी
प्रधानमंत्री नरेंद्र मोदी न आज बोडो समझौता बाद कोकराझार में एक रैली करी. यां से पैली पीएम मोदी का स्वागत थै विशेष सांस्कृतिक कार्यक्रमुं कु आयोजन करे गी. कार्यक्रम का बाद पीएम मोदी न सभी कलाकारु दगडि बात करी, .ये दौरान उंन बोली की ये समझौता से पूर्वोत्तर मां एक नई शुरुआत ह्वे.
दिल्ली विधानसभा चुनाव की तैयारी पूरी
दिल्ली मां होंण वाला विधानसभा चुनाव की तैयारी पूरी, 8 फरवरी कु 70 सीटूं थै होंण चुनाव,672 उम्मीदवारुं कुं फैसला करली जनता, चुनाव प्रचार खत्म होंणा बाद अब पार्टियूं न बढ़ैं सोशल मीडिया पर बढ़ैं सक्रियता
प्रमोशन मां आरक्षण पर सुप्रीम कोर्ट फैसला
प्रदेश का कर्मचारियूं थै सुप्रीम कोर्ट बटी राहतै खबर ए. सुप्रीम कोर्ट न प्रमोशन मामला मां फैसला सुणौंद दा बोली की प्रमोशन मां आरक्षण लागू नी होलू, सुप्रीम कोर्टन बोली वरिष्ठता और योग्यता का आधार पर ही प्रदेश मां प्रमोशन करे जाला
अंतरराष्ट्रीय योग महोत्सवै तैयारी तेज
तीर्थ नगरी ऋषिकेश मां सात दिवसीय अंतरराष्ट्रीय योग महोत्सवै तैयारी जोरू पर चनी छन. ये योग महोत्सव मां दुनियाभर का योग विशेषज्ञोन हिस्सा लेंण. ये महोत्सवा दौरान एक से सात मार्च तक ऋषिकेश में गंगा जी का किनारा भव्य कार्यक्रमुं कु आयोजन भी होंण. योग कार्यक्रम मां इ बार देश-विदेश बटी कला, संस्कृति का दिग्गज लोखुं भी हिस्सा लेंण
उत्तराखंड का बहुचर्चित छात्रवृत्ति घोटाला मामला मा एसआईटी न जांच तेज करैली. एसआईटी न सात और घोटालेबाज निजी शिक्षण संस्थानुं का संचालकुं का खिलाफ डालनवाला और वसंत विहार थाना मा मुकदमा दर्ज करैन. एसआईटी का अध्यक्ष एसपी टीसी मंजूनाथा हिसाब से यूं शिक्षण संस्थानुं पर करीब सात करोड़ रुप्या की छात्रवृत्ति हड़पनौ आरोप च.
कोरोना वायरस थै लैके अलर्ट स्वास्थ्य विभाग
प्रदेश मां कोरोना वायरस थै लैके राज्य सरकार और स्वास्थ्य विभाग लगातार अलर्ट पर च, प्रदेश का अलग-अलग जिलों मां चीन से वापस लौटण वाला लोखुं पर स्वास्थ्य विभाग नजर बणौं कै रखणुं च, वापस आयां यू लोखुं कु स्वास्थ्य परीक्षण करी यू थै 28 दिन तक मॉनिटरिंग पर रखे जाणूं च.
हरिद्वार मां अवैध शराब बणौंन वालों पर नकेल कसणौं आबकारी विभाग लगातार छापेमारी कनु च. ई कड़ी मां आबकारी विभाग न पथरी थाना क्षेत्र का दिनारपुर गौं मा छापेमारी करी. जैमा टीम थै मौका बटी 2500 क्यूसेक लहन और 50 लीटर कच्ची दारु मिली. आबकारी विभागन बरामद सामान थै कब्जा मां ले कै अज्ञात लोगुं का खिलाफ मुकदमा दर्ज करेली.
ट्रेन रद्द होंण से नाराज व्यापारी
हरिद्वार, देहरादून और ऋषिकेश रेल लाइनु का बीच काम चन से पिछला द्वी महीना से हरिद्वर रेलवे स्टेशन मां सन्नाटा पसरयूं च. दगड़ा मां रेलवे स्टेशनै विस्तारीकरण भी होंणु च, जै का कारण यख औंण वली सभी ट्रेनों थै रद्द करे गी. रेल मार्ग बाधित होंण से हरिद्वार मां यात्रीयुं की संख्या कम ह्वे गी . जै से हरिद्वार मा व्यापार ठप ह्वै गी. जैका कारण व्यापारियूं मां गुस्सा च.
पीआरडी जवानुं थै 4 मैना बटी नी मिली तनखा
अल्मोड़ा मां पीआरडी जवानुं न बैठक करी सरकार से वेतन भत्ता समेत 365 दिनौ स्थाई रोजगार देणें मांग करी. जवानुं न बोली उंथै पिछला चार मैना बटी तनखा नी मिली, जैसे उंका समंणि रोजी रोट्यूं कु संकट पैदा ह्ववे गी. उं बोली की वु अपणु पूरू काम ईमानदारीन करदा छन, जैका बाद भी उंथै टैम पर तनखा नी च मिनी.
उत्तराखंड मां मौसम लगातार बदलूणूं करवट
उत्तराखंड मां मौसम लगातार करवट बदलूणूं च, मौसम विभागन उत्तरकाशी, चमोली, रुद्रप्रयाग, बागेश्वर और पिथौरागढ़ का ऊंचाई वाला इलाकुं मां हल्की से मध्यम बरखा और बर्फबारी का आसार जतै, वखी देहरादून मां भी मौसम अपणु मिजाज बदली सकुदु.
पिथौरागढ़ मां खूबसूरत ट्यूलिप गार्डन
पिथौरागढ़ का चंडाक मां ट्यूलिप गार्डन बणौने कवायद तेज ह्वे गी. उद्यान विभाग न ये का वास्ता हॉलैंड बटी 9 प्रजातियूं का ट्यूलिप बल्ब मंगवायां छन , अलग-अलग रंगुं का करीब 25 हजार ट्यूलिप बल्बों कुं पैली बार प्लांटेशन करे गी . बथैय जांणू च की मार्च का मैना मां यूं फूंलून खिल जांण. अगर यूं प्रयोग सफल रै त ये थै और विस्तार देंणें योजना च.
गुलाबुं सजी बजार-हल्द्वानी
आज बटी वेलेंटाइन वीक का रूप मां प्यार का त्योहारै शुरुआत ह्ववे गी. पैला दिन रोज डे कारण बाजारुं मा खूब रौनक दिखे, हल्द्वानी का गुलाब बाजार में ये दिनौ थै विशेष भीड़ भाड़ दिखे गी. यख बजार मां अलग-अलग प्रकारा गुलाब मौजूद छन, यख 30 रुप्या की कीमत से लेकर और भी मैंगा, मैंगा गुलाब छन मिना, जै थे ग्राहक खूब पंसद कना छन.
