मां ज्वालाजी रे दरबार च CM ए परिवारा समेत टेकेया मत्था
सोमवारा जो सीएम जयराम ठाकुर ए परिवार समेत मां ज्वालाजी रे दर्शन किते. इस दौरान मंदिरा रे पुजारियें नवरात्रेयां रे दौरान हवन पर लगे प्रतिबंधा जो हटाणे री मांग कीती. वहीं, मुख्यमंत्री ए अधिकारियां जो प्रतिबंध हटाणे रे निर्देश दिते.
सालां ते लोकां री डाक जो घरा च ही रखी लेईं थी जनांना, डाक विभाग च करां थी काम
सरकाघाट मंडल रे नवाही च अपणे पति जो आत्महत्या लेई उकसाणे रे मामले च पुलिस री गिरफ्त च आई जनांना रे घरा ते डाक रे तीन बोरे बरामद हुए हन. इनां बोरेयां च बीते करीब 3 सालां री डाका जो दबाई ने रखेया गया था, जिस च एक हजार ते ज्यादा आधार कार्ड, अढ़ाई हज़ार ते ज्यादा स्पीडपोस्ट पत्र, कॉल लेटर्स, एलआईसी रसीद बुकां, चेक बुकां, कॉलेज कन्ने स्कूली बच्चेयां रे प्रमाण पत्र बरामद किते गए हन. इनां ते बहोत सारे दस्तावेज खराब भी होई चुके हन.
लाहौल स्पीति जिला परिषद पर कांग्रेस समर्थित उम्मीदवारां रा कब्जा
लाहौल स्पीति च जिला परिषद कन्ने बीडीसी सदस्यां रे चुनाव परिणाम घोषित करी दिते गए हन. लाहौल घाटी च 6 सीटां पर कांग्रेस समर्थित उम्मीदवार कन्ने इक सीटा पर भाजपा समर्थित उम्मीदवारा जो जीत मिली है. जिला परिषद च कांग्रेस समर्थित उम्मीदवारें परिणामां च बाजी मारी है. वहीं, 4 सीटां पर भाजपा समर्थित उम्मीदवारां जो जीत मिली है.
मानव भारती यूनिवर्सिटी ए करीब 6 लाख फर्जी डिग्रियां बंडी: राणा
सुजानपुर विधायक राजेंद्र राणा ए केहा कि फर्जी डिग्री घोटाले मामले च हुण तक होई जांच च पाया गया है कि मानव भारती यूनिवर्सिटी ने ए करीब 6 लाख फर्जी डिग्रियां बंडी थी. राजेंद्र राणा ए केहा कि इतने बडे स्तर रे घोटाले च गिरफ्तार सारे लोकां जो जमानत मिली गई कन्ने सरकार कुछ नी करी पाई. प्रदेश सरकार री ऐड़ी क्या मजबूरी थी कि मामले च कुछ नी कर पाई कन्ने मामले जो दबाणे रा ही प्रयास कितेया जादा है.
हमीरपुर च ऑल इंडिया रिवर राफ्टिंग मैराथन सीरीज रा आगाज
हमीरपुर जिले रे नादौन इलाके च ब्यास नदी च ऑल इंडिया रिवर राफ्टिंग मैराथन सीरीज रा आगाज सोमवारा जो होया. इस प्रतियोगिता च देश भरा री महिला कन्ने पुरुष वर्ग री 28 टीमां भाग लेदी हन. प्रतियोगिता रा आगाज खेल मंत्री राकेश पठानिया ए कितेया.
बल्ह पंचायत जो BPL मुक्त किते जाणे पर गांवां आलेयां उठाए सवाल
हमीरपुर जिले री बल्ह पंचायता जो बीपीएल मुक्त घोषित करने जो लेई ने ग्रामीणां च खासा रोष है. लोकां रा कहना है कि पंचायत च हुण भी कई पात्र परिवार हैं, पर कुछ लोकां रे कहणे मात्र ते पंचायता जो बीपीएल मुक्त करी दितेया गया. गांवां आलेयां एसडीएम हमीरपुर जो ज्ञापन सौंपेया कन्ने इस फैसले जो बदलने री मांग कीती है.
उपचुनावां च अहांरी ही होणी जीत, जल्द ही कीती जाणी नामां री घोषणा: CM जयराम ठाकुर
भाजपा री चुनाव समिति री बैठक रे बाद धर्मशाला च मुख्यमंत्री जयराम ठाकुर (Chief Minister Jairam Thakur) ए मीडिया ने गल करदे होए केहा कि चुनाव समिति री बैठक अच्छी रेही कन्ने कई विषयां जो लेई ने सारेयां ते चर्चा कीती गई. तिनें केहा कि इनां उपचुनावां च संभावित नामां पर चर्चा कीती गई कन्ने नामां रे पैनला जो दिल्ली भेजी दितेया है कन्ने जल्द नामां री घोषणा होई जाणी. मुख्यमंत्री जयराम ए केहा कि भाजपा इनां चुनावां लेई पूरी तरह ते तैयार है कन्ने उपचुनावों च अहां ही जीत हासिल करनी.
शक्तिपीठ मां नैना देवी मंदिर च आश्विन नवरात्रेयां जो लेई ने तैयारियां शुरू
7 अक्तूबरा ते शुरू होदे आश्विन नवरात्रेयां रे उपलक्ष्य पर माता श्री नैना देवी रे दरबार च सजावट रा काम शुरू होई गया है, हर साल री तरह इस बार भी माता रे मंदिरा जो भव्य तरीके ने सजाया जादा. वहीं, नवरात्रेयां रे दौरान कानून व्यवस्था जो बनाए रखणे लेई जिला प्रशासन भी तैयारियां च जुटी गया है.
रोहतांग कन्ने कुंजुम दर्रे पर बर्फबारी, घाटी च बढ़ी ठंड
कुल्लू जिले च ऊंची चोटियां पर बर्फबारी रा दौर शुरू होई गया है. रोहतांग दर्रे पर हल्की बर्फबारी (snowfall on Rohtang Pass) होदी है. डीसी कुल्लू आशुतोष गर्ग (DC Kullu Ashutosh Garg) ए दसेया कि मौसम विभाग ते मिली जानकारी रे अनुसार कुछ दिनां तक जिले च मौसम खराब रेहणा. ऐसे च लोक पहाड़ां री ओर सफर करने ते बचें.
HPU च PHD सीटां बढ़ाणे री मांग, ABVP री शोध समिति ए सौंपेया ज्ञापन
अखिल भारतीय विद्यार्थी विश्वविद्यालय री शोध समिति ए सोमवारा जो अधिष्ठाता अध्ययन जो ज्ञापन सौंपेया. ज्ञापन च पीएचडी री सीटां बढ़ाणे री मांग कीती गई. अधिष्ठाता अध्ययन ए विद्यार्थी परिषद द्वारा छात्रहित च उठाई गई मांग जो वास्तविक मांग दसेदे होए छोड़ पूरा करने रा आश्वासन दितेया.
ये भी पढ़ें- सुकन्या समृद्धि योजना में पहले पायदान पर हिमाचल, इस स्कीम से अपनी लाडली के भविष्य को ऐसे करें सुरक्षित
