वीरभद्र सिंह जो श्रद्धांजलि रे रूप च दीती जाणी अर्की री सीट: राजेंद्र सिंह ठाकुर

तुहांरी बोलिया जो जिंदा रखने री ईटीवी भारत ने कीती पहल, पूरे प्रदेशा रा हाल जाणा बस इक क्लिका पर...

हिमाचल रे आठ जिलेयां च आदर्श आचार संहिता लागू, वोट पाणे रे टाइम वोट पाणे आले जो मिलणे Disposable Gloves

उपचुनावां री घोषणा रे बाद प्रदेश रे आठ जिलेयां च आज से ही आदर्श आचार संहिता लागू हो गई. प्रदेश रे जिला मंडी, कुल्लू लाहौल स्पीति, किन्नौर, चंबा, शिमला, सोलन और कांगड़ा जिले च 5 नवंबर तक चुनाव आचार संहिता लागू रेहणी. प्रदेश रे तीन विधानसभा क्षेत्रां कन्ने मंडी लोकसभा क्षेत्रा च 30 अक्तूबर जो मतदान होणा. दो नवंबर जो मतगणना रे बाद 5 नवंबर जो चुनाव प्रक्रिया पूरी होई जाणी. उपचुनावों च करीब 15 लाख 49 हजार वोटरां भाग लेणा.

मानव भारती यूनिवर्सिटी रे छात्र बोले: फर्जीवाड़े री सजा आम छात्रां जो कैं, अहांरे भविष्य रे कन्ने खिलवाड़ कैं?

सोलन री मानव भारती यूनिवर्सिटी ए डिग्री फर्जीवाड़े ने अरबां रुपये तां कमाई ले, लेकिन छात्रां रा भविष्य अंधकार च झोंकी दितेया. सारे छात्र मीडिया रे माध्यम ते अपणी आवाज उठाने लेई मजबूर होई चुके हन. जो अपनी पढ़ाई पूरी करी चुके हन. इक तां तिनां रे माथे पर मानव भारती रे फर्जीवाड़े रा टैग लगी रा, कन्ने तिसरे बावजूद भी तिनां जो डिग्री हाले तक नहीं दीती जादी. जिसरे चलदे युवा विद्यार्थी बेहद परेशान, चिंतित कन्ने शर्मसार हन. मानव भारती यूनिवर्सिटी रे स्टूडेंट वेल्फेयर एसोसिएशन के प्रधान अमन आंनद ए प्रेस वार्ता करी ने केहेया कि मजबूरन आज मीडिया रे समक्ष आणा पैदा, ताकि अंहारा दर्द दिखी सके कन्ने सरकार तिनां पर कुछ रहम खाए.

उपचुनाव च जीत हासिल करी ने वीरभद्र सिंह जो श्रद्धांजलि रे रूप च दीती जाणी अर्की री सीट: राजेंद्र सिंह ठाकुर

हिमाचल प्रदेश च उपचुनाव री घोषणा होई गई. हिमाचल प्रदेश च मंडी संसदीय क्षेत्र कन्ने फतेहपुर, अर्की व जुब्‍बल कोटखाई विधानसभा क्षेत्र च उपचुनाव होणे हन. उपचुनाव री तारीखां रे एलान रे बाद प्रदेश च राजनीतिक गतिविधियां तेज होई गई हन. इसी कड़ी च प्रदेश कांग्रेस सचिव राजेंद्र सिंह ठाकुर ए सोलन च प्रेस कॉन्फ्रेंस करी ने केहा कि उपचुनाव च अर्की सीट जीती करी ने पूर्व CM वीरभद्र सिंह जो श्रद्धांजलि रे रूप च दीती जाणी. इसरे कन्ने ही तिनें केहा कि मैं भी अर्की ते उम्मीदवार हूं, लेकिन पहला हक वीरभद्र परिवार रा है.

शिमले ते लापता नाबालिग लड़की यमुनानगर च मिली, पुलिस जो मिली सफलता

पिछले दिनों शिमले ते लापता नाबालिग कुड़िया जो पुलिस ए आखिरकार ढूंढ निकाली लेया है. 13 सितंबर जो नाबालिग लड़की लापता होई थी, जिसरे बाद पुलिस लगातार तिहा जो टोलणे रा प्रयास करा दी थी. इस दौरान जिनां ही पुलिस जो जानकारी मिली कि लड़की यमुनानगर च है तिसरे बाद पुलिस ए बिने देरी किते यमुनागर पहुंची ने तिहा जो बरामद करी लेया. फिलहाल पुलिस मामले री जांच च जुटी है कि आखिर कुड़ी यमुनानगर किआं पहुंची.

बिलासपुर कांग्रेस च अंतर्कलह, धरने प्रदर्शन पर नी पहुंचेया कोई भी नेता

कांग्रेस जिलाध्यक्ष रे निर्णयां ते खफा बिलासपुर जिले रे नेता हुण सरेआम सामने आई गए हन. जिसरा असर मंगलवारा जो आयोजित धरने प्रदर्शन च भी देखणे जो मिलेया. नगर रे शहीद स्मारक रे बल आयोजित इस कार्यक्रम च जिलाध्यक्ष अंजना धीमान समयानुसार पहुंची गई, पर कोई भी जिले रा पूर्व नेता व पूर्व विधायक तक इस कार्यक्रम च नी पहुंची पाए. जिले रे पूर्व नेता रामलाल ठाकुर ते लेई ने सदर पूर्व विधायक बंबर ठाकुर सहित घुमारवीं ते पूर्व सीपीएस राजेश धर्माणी तक ए दूरियां बनाई रखी री.

HPTU हमीरपुर ए ऑनलाइन काउंसलिंग प्रक्रिया रा रिजल्ट कितेया घोषित, ERP पोर्टल पर देखी सकां ए रिजल्ट

हिमाचल प्रदेश तकनीकी विश्वविद्यालय हमीरपुर रे अधिष्ठाता शैक्षणिक प्रो. राजेंद्र गुलेरिया ए जानकारी दीती है कि, विश्वविद्यालय ए बीटेक समेत अन्य सब्जेक्टां च दाखिला लेने वाले विद्यार्थियां री ऑनलाइन काउंसलिंग प्रक्रिया रा परिणाम घोषित करी दितेया कन्ने विद्यार्थी आवंटित शिक्षण संस्थान री डिटेल तकनीकी विश्वविद्यालय रे ईआरपी पोर्टल पर लॉग-इन करी ने देखी सकां ए.

बबेली च 2 गड्डियां री होई टक्कर, घायल ड्राइवर हॉस्पिटल च भर्ती

जिला कुल्लू रे कन्ने लगदे बबेली च मंगलवार प्यागा रे टाइम दो गड्डियां च टक्कर होई गई. वहीं, इसा सड़क दुर्घटना च दोनां गड्डियां रे ड्राइवरां जो चोटां आई हन. वैन रे घायल चालक रा हॉस्पिटल च इलाज कितेया जादा. पुलिस री टीम भी मौके पर पहुंची ने दुर्घटना रे कारणां री छानबीन शुरू करी दीती है.

कुल्लू दशहरे च आयोजित होणी राष्ट्रीय बॉक्सिंग प्रतियोगिता: सुमित शर्मा

कुल्लू च प्रोफेशनल बॉक्सिंग एसोसिएशन री इक बैठक आयोजित कीती गई. बैठक च एसोसिएशन री कार्यकारिणी रा गठन कितेया गया तां वहीं, युवा खिलाड़ियां रे भविष्य जो लेई ने भी बैठक च मंथन कितेया गया. बैठका जो संबोधित करदे होए एसोसिएशन रे जिला अध्यक्ष सुमित शर्मा ए दसेया कि अंतरराष्ट्रीय दशहरा उत्सव रे दौरान इक प्रतियोगिता रा आयोजन कितेया जाणा. जिस च देशभर रे राष्ट्रीय खिलाड़ियां भाग लेणा.

कूड़े रा बिल माफ न करने पर धरने पर बैठे कारोबारी, नगर निगम पर मांगां जो अनसुणा करने रे लगाए आरोप

राजधानी शिमले रे कारोबारियां ए नगर निगम पर तिनां री मांगां जो अनसुणा करने रे आरोप लगाए हन. पिछले लंबे टाइम ते कूड़ा शुल्क माफ करने री मांग करा दे शहर रे व्यापारियें नगर निगम रे पार्षद कन्ने व्यापार मंडल रे पूर्व महासचिव संजीव ठाकुर शहर रे कन्ने नगर निगम आयुक्त आशीष कोहली रे कार्यालय च धरना दितेया. कारोबारियां रा कहना है कि, सैं पहले ही कोरोना री मार झेला दे कन्ने नगर निगम तिनां जो कूड़े रे बिल थमई जादे जिसते तिनां पर अतिरिक्त आर्थिक बोझ पैदा.

विक्रमादित्य सिंह ए जयराम सरकारा पर साधेया निशाना, बोले- उपचुनाव च जनता थप्पड़ मारी करी ने देणा जवाब

हिमाचल च इक संसदीय क्षेत्र कन्ने तीन विधानसभा सीटां पर उपचुनाव होने आले हन. इन उपचुनावां री घोषणा हुंदे ही कांग्रेस कन्ने बीजेपी ए कमर कसी ली है. शिमला ग्रामीण ते कांग्रेस विधायक विक्रमादित्य सिंह ए बीजेपी सरकार पर कई गंभीर आरोप लगाए हन. इसरे कन्ने ही विक्रमादित्य सिंह ए केहा कि उपचुनावां च जनता बीजेपी जो करारा जवाब देणा कन्ने थप्पड़ मारी करी ने इनां रे कनां च जमे मैला जो बाहर निकालणा.