सीएम जयराम रा कांग्रेस पर तंज, आज अपणे बच्चेयां रा नाम 'पप्पू' रखणे ते डरां ए लोक
उपचुनाव च कांग्रेस रे स्टार प्रचारक नवजोत सिंह सिद्धू ए पर सीएम जयराम ए निशाणा साधेया है. मुख्यमंत्री जयराम ठाकुर ए केहा कि जिने राहुल गांधी जो दुनिया भर च पपू रे नामा ते फेमस करी तेया, आज तिसो ही पार्टी ए स्टार प्रचारक बनाई दितेया है. सीएम जयराम ए तंज कसदे होए केहा कि नवजोत सिंह सिद्धू ए राहुल गांधी रा नाम पप्पू क्या रखा, लोक हुण अपणे बच्चेयां रा नाम पप्पू रखने ते भी डरने लगे हन. पहले लोक बच्चेयां रा नाम बड़े प्यार ते पप्पू रखदे थे.
पूरे देश च कांग्रेस री हालत बिना लाड़े आली 'बारात' जेड़ी है: अनुराग ठाकुर
अनुराग ठाकुर ए कांग्रेस पर जमी ने जुबानी हमला बोलेया. अनुराग ठाकुर ए केहा कि पूरे देश च कांग्रेस री हालत बिना लाड़े री बारात री तरह होई गई है. जो पार्टी 2 सालां तक अपणा राष्ट्रीय अध्यक्ष नी चुनी सकी, तिसा पार्टीया जो गति नी मिली सकदी.
हिमाचल च बगावत पर उतरी नड्डे री सेना, भाजपा पदाधिकारी दे दे सामूहिक इस्तीफे
बीजेपी रे राष्ट्रीय अध्यक्ष जेपी नड्डा रे गृह राज्य हिमाचल च होणे आले उप-चुनाव ते पहले पार्टीया च बगावत रे सुर देखणे जो मिला दे. संगठन कन्ने अनुशासन रा दम भरने आली बीजेपी च इन दिनों दोनां री भारी कमी देखी जादी. जुब्बल कोटखाई ते भाजपा रे बागी चेतन बरागटा रे समर्थन च पूरे मंडल रा खुलेआम इस्तीफा इसरा स्पष्ट उदाहरण है.
वीकेंड पर गुलजार होई पहाड़ां री रानी शिमला, इक दिन च साढ़े पांच हजार गड्डियां पहुंची
वीकेंड पर शिमला च पर्यटकां री भीड़ देखणे जो मिली है. वहीं, शुक्रवारा जो शोघी बेरियर ते साढ़े पांच हजार गड्डियां शिमला पहुंची थी. शिमला कन्ने आस पास रे पर्यटन स्थल पर सैलानियां रे पहुंचणे ते स्थानीय कारोबारियां रे चेहरे पर खुशी देखणे जो मिला दी है. हालांकि जाम री वजह ते लोकां जो थोड़ा परेशान भी होणा पैदा.
मौसम अलर्ट: हिमाचल च भारी बरखा कन्ने बर्फबारी री चेतावनी, अलर्ट जारी
प्रदेश च पश्चिमी विक्षोभ रे सक्रिय होणे ते मौसम बदलने आला है. इस दौरान चोटियां पर भारी बर्फबारी री संभावना है. मौसम विभाग ए प्रदेश रे पांज जिलेयां च बरखा कन्ने बर्फबारी जो लेई ने येलो कन्ने ऑरेंज अलर्ट जारी कितेया है. वहीं. अलर्ट जारी होणे रे बाद प्रशासन ए भी लोकां ते सुरक्षित रहणे री अपील कीती है.
बगावत करने आलेयां पर सख्त होई कांग्रेस, राजेंद्र ठाकुर 6 साल लेई पार्टी ते निष्कासित
हिमाचल प्रदेश च होदे उपचुनाव च बगावत करने वालेयां पर कांग्रेस सख्त होई गई है. कांग्रेस पार्टी रे सचिव राजेंद्र ठाकुर जो पार्टीया ते 6 सालां लेई निष्कासित करी दितेया गया है. कांग्रेस महासचिव रजनीश किमटा री ओर से इस संबंध च आदेश जारी करी दिते गए हन.
हमीरपुर: करोड़ां रुपये रे गबन री पहली शिकायत, फाइनेंस कंपनी पर FIR
हमीरपुर च इक फाइनेंस कंपनी पर करीब 60 करोड़ रुपये रे गबन रा आरोप लगेया. इक व्यक्ति री शिकायत पर पुलिस ए कंपनी प्रबंधन पर आईपीसी री धारा 420 रे तहत मामला दर्ज कितेया है. एसपी हमीरपुर डॉ. आकृति शर्मा रा केहणा है कि शिकायता रे आधार पर सदर थाना पुलिस इस मामले री जांच करा दी है.
HPSEBL ग्रेजुएट जूनियर इंजीनियर एसोसिएशन री सरकारा जो चेतावनी, मांगां पूरी नी होई तां होणा आंदोलन
बिजली बोर्ड लिमिटेड ग्रेजुएट जूनियर इंजीनियर एसोसिएशन ए प्रदेश सरकार जो चेतावनी दीती है कि, अगर जल्द ही तिनां री मांगां नी मनी गई तां तिनां जो मजबूर होई ने आंदोलन रा रास्ता चुनना पौणा. दरअसल, एसोसिएशन री मांग है कि ग्रेजुएट कनिष्ठ अभियंताआं रा पदोन्नति कोटा तिनां जो वापस दितेया जाए. बोर्ड च कार्यरत कनिष्ठ अभियंताआं रे हिसाब ते कोटा विभाजन कितेया जाए. वहीं, विभिन्न विभागां री मांग पर दूजे इंजीनियर कैडर री तरह ग्रेजुएट अभियंता जो भी डेपुटेशन या पदोन्नति करी ने भेजेया जाए.
धर्मशाला: इन्द्रूनाग पैराग्लाइडिंग साइट पर दर्दनाक हादसा, पैराशूट ते गिरने ते युवक री मौत
धर्मशाला री इंद्रूनाग पैराग्लाइडिंग साइटा पर होए हादसे च इक युवका री मौत होई गई है. दसेया जादा है कि पैराशूट रे टेकऑफ रे दौरान ये हादसा होआ. पुलिस ए पायलट रे खिलाफ एफआईआर दर्ज करी लीती है.
मंडी च क्रॉस कंट्री दौड़ प्रतियोगिता रा होया आयोजन, 200 धावकें लितेया हिस्सा
मंडी च क्रॉस कंट्री दौड़ प्रतियोगिता रा आयोजन कितेया गया. इस मौके पर जिला युवा सेवाएं एवं खेल अधिकारी नरेश ठाकुर ए केहा कि खेल मनुष्य रे शारीरिक कन्ने मानसिक तंदुरुस्ती च महत्वपूर्ण भूमिका निभां. तिनें युवां ते खेलां च बढ़ी-चढ़ी ने भाग लेणे कन्ने नशे ते दूर रेहणे री भी अपील कीती.
ये भी पढे़ं- हिमाचल में बगावत पर उतरी नड्डा की सेना, भाजपा पदाधिकारी दे रहे सामूहिक इस्तीफे
