বৰপেটা : "কংগ্ৰেছ দলত গান্ধী পৰিয়ালৰ একনায়কত্ববাদ আগৰে পৰাই আছে ৷ গান্ধী পৰিয়ালক বাদ দি বাকীসকলৰ কোনো অধিকাৰেই নাই ৷ এয়া কংগ্ৰেছৰ পৰম্পৰা ৷" এই মন্তব্য মন্ত্ৰী জয়ন্ত মল্লবৰুৱাৰ ৷ ছোনিয়া গান্ধী, ৰাহুল গান্ধী আৰু প্ৰিয়ংকা গান্ধীৰ বাহিৰে কংগ্ৰেছ দলৰ আন নেতাসকলৰ ফেন ক্লাব বন্ধ কৰা সন্দৰ্ভত মঙলবাৰে বৰপেটাত এইদৰে কয় মন্ত্ৰীগৰাকীয়ে ৷

আনহাতে, প্ৰিয়ংকা গান্ধীয়ে সংসদলৈ পেলেষ্টাইন লিখা বেগ লৈ অহাৰ প্ৰসংগত মন্ত্ৰীগৰাকীৰ মন্তব্য, "আমাৰ সনাতনী সংস্কৃতিক বিশ্বাস কৰা মানুহৰ যিটো অৱস্থা হৈছে, তাৰ পক্ষত কংগ্ৰেছ দলে এষাৰো মাত মতা নাই ৷ কিন্তু ভাৰতৰ সংসদলৈ আহোঁতে পেলেষ্টাইন লিখা থকা বেগ লৈ অহাটোৱে লাজলগা কথা ৷ তাতোকৈ লাজলগা কথা পাকিস্তানৰ প্ৰাক্তন মন্ত্ৰীয়ে এই কামটোক প্ৰশংসা কৰিছে ৷ বাংলাদেশত লাখ লাখ হিন্দু মানুহৰ বিপদ হৈছে, কিন্তু কংগ্ৰেছে এষাৰো মাত মতা নাই ৷"

মঙলবাৰে বৰপেটাত অসম চৰকাৰৰ বিকাশৰ ১২ টা দিন কাৰ্যসূচীত অংশগ্ৰহণ কৰে মন্ত্ৰী জয়ন্ত মল্লবৰুৱাই । কাৰ্যসূচীৰ অন্তত সংবাদ মাধ্যমক সম্বোধন কৰি মন্ত্ৰী জয়ন্ত মল্লবৰুৱাৰ মন্তব্য, "আমি বিকাশৰ ৰাজনীতি কৰিছোঁ ৷ বিকাশৰ ৰাজনীতি কৰি যাম ৷ আমাৰ লগত অসমৰ বিকাশ বিচৰা, উন্নয়ন বিচৰা ৰাইজ আছে ৷ এচাম মানুহ আমাৰ বিপক্ষে আছে । সেইসকলে কোন ঐক্যত থাকে, কোন পাৰ্টীত থাকে আমাৰ ক'বলগীয়া নাই ৷ মানুহ সেইকেইটাই ৷ লগ হৈ থাকিলেও সেইকেইটাই, লগ হৈ নাথাকিলেও সেইকেইটাই ৷"

লগতে পঢ়ক :ৰাজ্যত ৮ বছৰীয়া বিজেপিৰ শাসনকালত ১৮,২৬২ টা ধৰ্ষণৰ ঘটনা: বিস্ফোৰক তথ্য আপৰ - AAP ASSAM ON RAPE CASES

লগতে পঢ়ক :মুখ্যমন্ত্রীয়ে লোৱা কিছুমান সিদ্ধান্তত হয়তো সকলো মন্ত্রীৰে আস্থা নাথাকে: বিৰোধী দলপতি - MOBILE PHONE BAN IN CABINET MEETING

Quick Links / Policies

Get Us On

Featured