Bike theft in Rangia: মালিকে চাই থাকোতেই চোৰে লৈ গ’ল বাইক

মালিকে চাই থাকোতেই বাইক লৈ পলাল চোৰ (Thief at rangia)৷ ৰঙিয়াত সংঘটিতত হ’ল এই ঘটনা ৷ ৰঙা-ক’লা ৰঙৰ য়ামাহা আৰ-15 বাইকখন ৰাখি দোকানৰ ভিতৰত চিচি কেমেৰাৰ ফুটেজ চাই আছিল চুৱেব চুলতান নামৰ যুৱকজনে ৷ হঠাৎ দেখা পালে যে, তেওৰ বাইকখন হেলমেট পৰিহিত কোনোবা এজনে লিৰিকি-বিদাৰি চাই আছে ৷ দোকানৰ ভিতৰৰ পৰা ওলাই গৈ দেখে বাইকখন চোৰে লৈ গৈ আছে ৷ স্কুটি এখন লৈ খেদি গৈছিল যদিও চোৰ, বাইক একোৱেই ধৰিব নোৱাৰিলে চুৱেব চুলতানে ৷ বিষয়টো ৰঙিয়া আৰক্ষীক জনালে বাইকখনৰ মালিকে, চোৰৰহে শুংসূত্ৰ নাই এতিয়ালৈকে ৷