তিনিচুকীয়া,27 মে’ : তিনিচুকীয়াৰ দহোতীয়াচুক আৰু ককৰাতলী গাঁৱত বুধবাৰে নিশা পৃথকে পৃথকে অভিযান চলাই নিচাযুক্ত দ্ৰব্য জব্দ কৰিছে আৰক্ষীয়ে ৷ এক গোপন সূত্ৰৰ পম খেদি তিনিচুকীয়া আৰক্ষী প্ৰশাসনৰ উপ আৰক্ষী অধীক্ষক দীপক তামুলী আৰু উপ পৰিদৰ্শক ভাস্কৰজ্যোতি ফুকনৰ নেতৃত্বত চলা অভিযানত গাঞ্জা জব্দ কৰাৰ লগতে আটক কৰা হয় দুজন লোকক ৷
ককৰাতলী গাঁৱৰ নিবাসী কৃষ্ণ দাসৰ বাসগৃহত তালাচী চলাই আৰক্ষীয়ে 2 কেজি ওজনৰ গাঞ্জা জব্দ কৰে । ইয়াৰ লগতে কৃষ্ণ দাসৰ ঘৰত গাঞ্জা সেৱন কৰি থকা অৱস্থাত দহোতীয়াচুক গাঁৱৰ নিবাসী বিকি দাসক আটক কৰে ।
তিনিচুকীয়া আৰক্ষীয়ে জানিবলৈ দিয়া অনুসৰি, জব্দকৃত গাঞ্জাখিনিৰ বজাৰ মূল্য প্ৰায় 30 হাজাৰতকৈও অধিক । পৰৱৰ্তী সময়তো তিনিচুকীয়া আৰক্ষীয়ে সদৰ আৰক্ষী থানাৰ অন্তৰ্গত সকলো স্থানত নিচাযুক্ত দ্ৰব্যৰ বিৰুদ্ধে অভিযান অব্যাহত ৰাখিব বুলি সদৰী কৰে ৷
লগতে পঢ়ক : হাউলীত জব্দ হস্তনিৰ্মিত পিষ্টল: আটক দুই যুৱক
