তেজপুৰ,৭ নৱেম্বৰঃ ১৫০ টা গৌৰৱোজ্জ্বল বছৰ অতিক্ৰম কৰিলে তেজপুৰ চৰকাৰী উচ্চতৰ মাধ্যমিক বিদ্যালয়ে ৷ ১৮৬৮ চনত ব্ৰহ্মপুত্ৰৰ উত্তৰ পাৰে স্থাপিত তেজপুৰ চৰকাৰী উচ্চতৰ মাধ্যমিক বিদ্যালয়খনে বৃহস্পতিবাৰৰ পৰা আৰম্ভ হৈছে ডেৰশ বছৰীয়া জয়ন্তী ৷
ডেৰশ বছৰ অতিক্ৰম কৰা এই বিদ্যালয়খনত কলাগুৰু বিষ্ণুপ্ৰসাদ ৰাভা, ৰূপকোঁৱৰ জ্যোতিপ্ৰসাদ আগৰৱালা, নটসূৰ্য্য ফনী শৰ্মা আৰু ভাৰত ৰত্ন ড0 ভূপেন হাজৰিকাকে ধৰি বহু কেইগৰাকী প্ৰতিষ্ঠিত শিল্পী সাহিত্যিক, বিজ্ঞানী, শীৰ্ষ আমোলা ব্যৱসায়ী আদিয়ে শিক্ষা গ্ৰহণ কৰিছিল ৷
১৫০ টা বছৰ অতিক্ৰম উত্তৰ অসমৰ প্ৰথমখন চৰকাৰী উচ্চতৰ মাধ্যমিক বিদ্যালয়ৰ
শত সহস্ৰাধিক মানৱ সম্পদ গঢ়িবলৈ সক্ষম হোৱা উত্তৰ অসমৰ প্ৰথমখন চৰকাৰী উচ্চতৰ মাধ্যমিক বিদ্যালয়ৰ ডেৰশ বছৰীয়া জয়ন্তী ৭ নৱেম্বৰৰ পৰা ১০ নৱেম্বৰলৈ চাৰিদিনীয়া বৰ্ণাঢ্য কাৰ্যসূচীৰে পালন কৰা হ'ব ৷
