তেজপুৰ, 3 আগষ্ট: মণিপুৰত ৰাজহুৱা সমাধি বাতিল কৰা সন্দৰ্ভত এক বৃহস্পতিবাৰে এক সংবাদমেল সম্বোধন কৰে মণিপুৰৰ মণিপুৰৰ আইন আৰু আইনী পৰিক্ৰমা মন্ত্ৰী বসন্তকুমাৰ সিঙে (Th. Basantakumar Singh) ৷ সংবাদমেলত তেওঁ কয় যে মণিপুৰ উচ্চ ন্যায়ালয়ে এক ৰাজহুৱা স্বাৰ্থ জড়িত আবেদনৰ শুনানি গ্ৰহণ কৰি এক নিৰ্দশনা প্ৰদান কৰিছে ৷
তেওঁ লগতে কয় যে উচ্চ ন্যায়ালয়ে ৰাজ্য চৰকাৰ, কেন্দ্ৰীয় চৰকাৰ, আইন প্ৰৱৰ্তনকাৰী সংস্থা আৰু দুয়োটা সম্প্ৰদায়ৰ ৰাইজক পৰৱৰ্তী শুনানিলৈকে বিতৰ্কিত ভূমিৰ স্থিতি বজাই ৰাখিবলৈ নিৰ্দেশ দিছে ৷ অৰ্থাৎ বিতৰ্কিত ভূমিত হ’ব নোৱাৰিব ৰাজহুৱা সমাধি ৷ লগতে কেন্দ্ৰীয় আৰু ৰাজ্য চৰকাৰক বিতৰ্কিত ভূমিৰ আশে-পাশে আইন-শৃংখলা পৰিস্থিতি নিয়ন্ত্ৰণত ৰখাৰ বাবে কাৰ্যকৰী ব্যৱস্থা ল'বলৈ নিৰ্দেশ দিছে ন্যায়ালয়ে ৷ ইয়াৰ উপৰিও, ন্যায়ালয়ে বিষয়টোত এক সৌহাদ্যপূৰ্ণ মীমাংসা বিচাৰিবলৈ আহ্বান জনাইছে ৷
কেন্দ্ৰীয় গৃহ ৰাজ্যমন্ত্ৰী নিত্যানন্দ ৰায়ে সকলো সংশ্লিষ্ট পক্ষক শান্তি আৰু সাম্প্ৰদায়িক সম্প্ৰীতি বজাই ৰাখিবলৈ আহ্বান জনাই এখন পত্ৰ প্ৰেৰণ কৰে ৷ ভাৰত চৰকাৰে লগতে আশ্বাস দিয়ে যে তেওঁলোকে সকলো পক্ষৰ সন্তুষ্টিৰ বাবে সাত দিনৰ ভিতৰত জাতিগত হিংসাত নিহতসকলৰ অন্তিম সংস্কাৰৰ সমস্যা সমাধানৰ বাবে কাম কৰিব ৷
সংবাদমেলত মন্ত্ৰী বসন্তকুমাৰে ৰাইজক উৰাবাতৰিৰ ওপৰত নিৰ্ভৰ নকৰিবলৈ আৰু প্ৰামাণিক তথ্য বিচাৰিবলৈ আহ্বান জনায় । জিলা দণ্ডাধীশৰ জাননী অনুসৰি শুকুৰবাৰে পুৱা 5 বজাৰ পৰা দুপৰীয়া 12 বজালৈ পশ্চিম ইম্ফল জিলাত কাৰফিউ শিথিল কৰা হৈছে । ইয়াৰ আগতে পূৰ্বে জিলাখনত 144 জাৰি কৰা হৈছিল ৷
উল্লেখ্য যে মণিপুৰৰ চুৰাচান্দপুৰ জিলাত কুকি সংগঠনে আয়োজন ৰাজহুৱা সমাধি বাতিল কৰা হয় । কেন্দ্ৰীয় গৃহ মন্ত্ৰালয়ে এক নিৰ্দেশযোগে বৃহস্পতিবাৰে মণিপুৰৰ হিংসাত মৃত্যু হোৱা লোকৰ ৰাজহুৱা সমাধিৰ কাৰ্যসূচী বাতিল কৰে । ইফালে সম্পূৰ্ণ সুৰক্ষা ব্যৱস্থা আৰু দণ্ডাধীশৰ উপস্থিতিত চৰকাৰী স্বীকৃতিপ্ৰাপ্ত ভূমিত এই সমাধিৰ ব্যৱস্থা কৰাৰ বাবে আহ্বান জনাইছে কুকি সম্প্ৰদায়ে ।
লগতে পঢ়ক: Article 370 hearing : ৰাষ্ট্ৰপতি শাসন গণতন্ত্ৰ ধ্বংসৰ বাবে ব্যৱহাৰ কৰিব নোৱাৰি; উচ্চতম ন্যায়ালয়
