তেজপুৰ, ১৫ অক্টোবৰ: শোণিতপুৰ জিলাৰ ঢেকিয়াজুলিৰ ৰবৰটলাত সংঘটিত হৈছে ভয়ানক পথ দুৰ্ঘটনা ৷ এ এছ-17 ডি 7583 নম্বৰৰ যাত্ৰীবাহী টাটা চুম’খনে একেদিশেৰে গৈ থকা এন এল 01 কে 1823 নম্বৰৰ চলন্ত ট্ৰাকখনৰ পাচফালে খুন্দা মৰাৰ ফলত শিশুসহ চাৰিজন লোক নিহত হোৱাৰ লগতে আঠগৰাকী লোক গুৰুতৰভাৱে আহত হয় ৷ ধুবুৰীৰ পৰা যোৰহাটলৈ এখন টাটা চুম’ গাড়ীৰে ইটাভাটাত কাম কৰিবলৈ গৈ আছিল ১২ গৰাকী লোক ৷
বুধবাৰে নিশা ২:৩০ বজাত ঢেকিয়াজুলিত সংঘটিত হয় শোকাৱহ পথ দুৰ্ঘটনাটো ৷ ততাতৈয়াকৈ গুৰুতৰভাৱে আহতসকলক তেজপুৰ চিকিৎসা মহাবিদ্যালয়ত ভৰ্তি কৰোৱা হয় ৷ দুৰ্ঘটনাটোত নিহত লোকসকলৰ নাম হ’ল আব্দুল আজিছ খাঁ, বাবুল আলি, খুদেজা বিবি আৰু আৰিফুল হক বুলি জানিব পৰা গৈছে ৷
লগতে পঢ়ক: গোলাঘাট নগৰৰ মাজমজিয়াত বাঘৰ মুক্ত বিচৰণ; আতংকিত ৰাইজ
