ঐতিহাসিক গৌৰীসাগৰ পুখুৰীৰ নামত ব্যাপক কেলেংকাৰী

জাৱৰ নিষ্কাষণৰ নামত এচামৰ বাবে সোণৰ কণী পৰা হাঁহত পৰিনত হৈছে গৌৰীসাগৰ পুখুৰী । ঐতিহাসিক পুখুৰীটো বৰৰজা বা ফুলেশ্বৰী কুঁৱৰীয়ে খৃঃ ১৭১৫-১৭ ৰ ভিতৰত খন্দোৱাইছিল । প্ৰায় ১৫০ একৰ ভূমি সামৰি থকা পুখুৰীটোৰ পাৰত তিনিটাকৈ দৌলো সজোৱা হৈছিল । এই ঐতিহাসিক পুখুৰীটো বৰ্তমান বিভাগীয় দুৰ্নীতিৰ বাবে জহি-খহি যোৱা পৰিলক্ষিত হৈছে। পুখুৰীটোৰ চাৰিও পাৰ মেটেকা পুনিৰে ভৰপূৰ হৈ পুখুৰীটোৰ অস্তিত্ব বিপন্ন কৰি তুলিছে ।

আমগুৰি, ১১ আগষ্ট: ঐতিহাসিক গৌৰীসাগৰ পুখুৰীৰ সৌন্দৰ্যবৰ্দ্ধনৰ নামত ব্যাপক অনিয়মৰ অভিযোগ সদৌ টাই আহোম ছাত্ৰ সন্থাৰ ৷ গৌৰীসাগৰ উন্নয়ণ খণ্ডই ২০১৩ চনৰ পৰা মোমাই তামুলী পঞ্চায়তৰ অন্তৰ্গত ঐতিহাসিক গৌৰীসাগৰ পুখুৰীটো সোণৰ কণী পৰা হাঁহলৈ পৰিণত কৰা বুলি অভিযোগ উত্থাপন কৰিছে আটাছুৱে ৷

লগতে পঢ়কঃ জম্মু-কাশ্মীৰৰ কুপৱাড়াত আটক তিনি সন্ত্ৰাসবাদী

দৰাচলতে, জাৱৰ নিষ্কাষণৰ নামত এচামৰ বাবে সোণৰ কণী পৰা হাঁহত পৰিণত হৈছে গৌৰীসাগৰ পুখুৰী । ঐতিহাসিক পুখুৰীটো বৰৰজা বা ফুলেশ্বৰী কুঁৱৰীয়ে খৃঃ ১৭১৫-১৭ ৰ ভিতৰত খন্দোৱাইছিল । প্ৰায় ১৫০ একৰ ভূমি সামৰি থকা পুখুৰীটোৰ পাৰত তিনিটাকৈ দৌলো সজোৱা হৈছিল । এই ঐতিহাসিক পুখুৰীটো বৰ্তমান বিভাগীয় দুৰ্নীতিৰ বাবে জহি-খহি যোৱা পৰিলক্ষিত হৈছে। পুখুৰীটোৰ চাৰিও পাৰ মেটেকা পুনিৰে ভৰপূৰ হৈ পুখুৰীটোৰ অস্তিত্ব বিপন্ন কৰি তুলিছে ।

উল্লেখ্য যে, বিগত কেইবা বছৰ ধৰি গৌৰীসাগৰ উন্নয়ণ খণ্ডৰ মোমাই তামুলী পঞ্চায়তে প্ৰতি বৰ্ষতে এই পুখুৰীটোৰ জাৱৰ নিষ্কাষণৰ নামত ২০১৩ চনৰ পৰা প্ৰতি বছৰে ৫ লক্ষাধিক টকা আৱণ্টন দি আহিছে । কিন্তু পৰিতাপৰ বিষয় যে, মাত্ৰ কেইডালমান মেটেকা উঠাই এই টকা বিভাগীয় কতৃপক্ষই আত্মসাৎ কৰা বুলি অভিযোগ কৰে আটাছুৱে । আনফালে পৰ্যটনস্থলীৰ পূৰ্ণ সম্ভাৱনা থকা এই বিশেষ পুখুৰীটোত চলি থকা এই অবাধ দুৰ্নীতিৰ প্ৰতি কিয় চৰকাৰ তথা জিলা প্ৰশাসনে কোনো গুৰুত্ব প্ৰদান কৰা নাই সেয়া এক বৃহৎ প্ৰশ্ন ৷