মন্ত্ৰী চন্দ্ৰমোহন পাটোৱাৰীৰ গৃহ সমষ্টিত খাদ্য সংকটত কণ কণ শিশু

কণ কণ শিশুৰ বাবে ক্ৰয় কৰিব পৰা নাই প্ৰয়োজনীয় প্ৰ'টিন যুক্ত খাদ্য সামগ্ৰী ৷ স্থানীয় বিধায়ক তথা মন্ত্ৰী চন্দ্ৰমোহন পাটোৱাৰীক কাতৰ অনুৰোধ কৰিছে দৰিদ্ৰ পৰিয়ালৰ লোকসকলে ৷

নলবাৰী, 23 এপ্ৰিলঃ লক ডাউনৰ সময়ত ৰাজ্যৰ বিভিন্ন প্ৰান্তত দেখা দিছে খাদ্য সংকটে ৷ ৰাজ্য চৰকাৰৰ লগতে বিভিন্ন দল-সংগঠনে দৰিদ্ৰ পৰিয়ালক খাদ্যৰ যোগান ধৰাৰ পাছতো বৰ্তমানেও খাদ্য সামগ্ৰী লাভ কৰাৰ ক্ষেত্ৰত একাংশ লোক এতিয়াও বঞ্চিত হৈ আছে ৷ ৰাজ্য চৰকাৰৰ প্ৰভাৱশালী মন্ত্ৰী চন্দ্ৰমোহন পাটোৱাৰীৰ গৃহ সমষ্টিতো খাদ্যৰ অভাৱত ভুগিব লগা হৈছে দৰিদ্ৰ পৰিয়ালৰ লোকসকল ৷ আনকি লক ডাউনৰ বাবে গৃহবন্দী হৈ থকাৰ ফলত কণ কণ শিশুৰ বাবে ক্ৰয় কৰিব পৰা নাই প্ৰয়োজনীয় প্ৰ'টিন যুক্ত খাদ্য সামগ্ৰী ৷ ইপিনে সমাজ কল্যাণ বিভাগৰ জৰিয়তেও শিশুসকলক কোনো ধৰণৰ খাদ্য সামগ্ৰী যোগান নধৰাৰ ফলত সমস্যাত পৰিব লগা হৈছে দৰিদ্ৰ পৰিয়ালৰ লোকসকল ৷ ইয়াৰ উপৰি বিভাগীয়ভাৱে শিশু সকলৰ বাবে খাদ্য সামগ্ৰী যোগান ধৰিব নোৱাৰাৰ কথা ব্যক্ত কৰিছে অংগনবাড়ী কৰ্মীসকলে ৷ যাৰ পৰিপ্ৰেক্ষিতত এতিয়া উপায়হীন হৈ শিশু সকলৰ বাবে খাদ্য সামগ্ৰী যোগান ধৰাৰ বাবে স্থানীয় বিধায়ক তথা মন্ত্ৰী চন্দ্ৰমোহন পাটোৱাৰীক কাতৰ অনুৰোধ কৰিছে দৰিদ্ৰ পৰিয়ালৰ লোকসকলে ৷

লগতে পঢ়কঃ মহানগৰীত চাদত জৈৱিক পাচলিৰ খেতি কৰা লোকজন