কলিয়াবৰ, 24 মে’ : কলিয়াবৰত এখন যাত্ৰীবাহী টেম্প’ আৰু মালবাহী মেজিকৰ মাজত মঙলবাৰে পুৱা মুখামুখি সংঘৰ্ষ ঘটে ৷ য’ত থিতাতে নিহত হয় দুজন লোক(Two people died in a road accident) ৷ নিহত লোক দুজন হৈছে তেজপুৰ পাঁচমাইলৰ মাছুদা ৰহমতুল্লা কবিৰ(30) আৰু তেজপুৰ 2 নং উৰিয়াম গুৰিৰ আছিকুল হক(17) ।
প্ৰত্যক্ষদৰ্শীৰ ভাষ্য অনুসৰি, তেজপুৰ পাঁচমাইলৰ পৰা জুৰীয়ালৈ আহি আছিল দুৰ্ঘটনাত পতিত হোৱা AS-01-NC-4066 নম্বৰৰ যাত্ৰীবাহী টেম্প’খন । আনহাতে, তেজপুৰ অভিমুখী আছিল এখন মালবাহী মেজিক । তেনে সময়তে কলিয়াবৰ হাতীবন্ধাত দুয়োখন বাহনৰ মাজত মুখামুখি সংঘৰ্ষৰ হয় ৷ এই সংঘৰ্ষত গুৰুতৰভাৱে আহত হয় শিশু সহ পাঁচজন লোক ৷
তাৰ পাচতেই খবৰ দিয়া হয় আৰক্ষীক ৷ ঘটনাস্থলাত আৰক্ষী উপস্থিত হৈ আহতসকলক ততাতৈয়াকৈ জখলাবন্ধা চিকিৎসালয়লৈ প্ৰেৰণ কৰে ৷ পৰৱৰ্তী সময়ত আহতসকলক উন্নত চিকিৎসাৰ বাবে তেজপুৰ মেডিকেল কলেজলৈ প্ৰেৰণ কৰা হয় ।
জানিব পৰা মতে, আহতসকলক ক্ৰমে তেজপুৰ পাঁচমাইলৰ জান্নাতুৰ, মহিবুৰ ৰহমান, আৰিফুল হুছেইন, মচিনুম ৰহমান, আনোৱাৰা বেগম বুলি চিনাক্ত কৰা হৈছে ।
লগতে পঢ়ক : Road accident at Sipajhar : তীব্ৰবেগী ট্ৰাকে মহতিয়ালে প্ৰাতঃভ্ৰমণলৈ অহা লোকক, 5 গৰাকীৰ মৃত্যু
