নগাঁও, 6 ডিচেম্বৰ : ধাবা নে দেহ ব্যৱসায়ৰ ঘাটি ? নগাঁৱৰ বাইপাছত ধাবাৰ নামত একাংশই যৌন ব্যৱসায় চলোৱাৰ এক বিস্ফোৰক অভিযোগ উত্থাপিত হৈছে ৷ দেওবাৰে নগাঁও আৰক্ষীৰ অতিৰিক্ত আৰক্ষী অধীক্ষক ধ্ৰুৱ বৰাৰ নেতৃত্বত আৰক্ষীৰ এটা দলে অভিযান চলাই নগাঁৱৰ এখন ধাবাত ৷
ধাবাখনত নাৰীৰ দেহ ব্যৱসায় চলা বুলি এক গোপন সূত্ৰৰ তথ্যৰ ভিত্তিত অভিযান চলাইছিল নগাঁও আৰক্ষীয়ে ৷ জুইশাল নামৰ ধাবাখনত অভিযান চলাই অসংযত অৱস্থাত যুৱক-যুৱতীক সহ কেইবাগৰাকী লোকক আটক কৰিলে নগাঁও আৰক্ষীয়ে(Sex Racket Busted in Juihal Dhaba) ৷ উল্লেখ্য যে, দীৰ্ঘদিন ধৰি জুইশালত গোপনে অনৈতিক কাৰ্য-কলাপ চলি থকা বুলি প্ৰায়ে অভিযোগ উত্থাপন কৰি আহিছিল স্থানীয় একাংশ লোকে ৷
লগতে পঢ়ক: Nagaon Sex Racket Busted : মোবাইলত যুৱতীৰ ফটো এডিট কৰি নগাঁৱত যৌনতাৰ বেহা
নগাঁও আৰক্ষীৰ অতিৰিক্ত আৰক্ষী অধীক্ষক গৰাকীয়ে সদৰী কৰা মতে, জুইশাল ধাবাৰ পৰা আব্দুৰ ৰচিদ নামৰ এজন লোকৰ লগতে চাৰি গৰাকী যুৱতীক আটক কৰিছে নগাঁও আৰক্ষীয়ে(Nagaon Police) ৷ ইফালে, জুইশালৰ স্বত্বাধীকাৰ ভেলাৰাম দাসৰ লগতে আন তিনি গৰাকী লোক ক্ৰমে ৰূপজ্যোতি দাস, দ্বীপজ্যোতি হাজৰিকা আৰু বিজয় দাসক আটক কৰিছে ৷
জুইশালত চলোৱা এই অভিযানৰ দুদিন পূৰ্বে নগাঁৱৰ মাজৰআটিত অভিযান চলাই আন এটা দেহ ব্যৱসায়ৰ ঘাটি উচ্ছেদ কৰিবলৈ সক্ষম হৈছিল নগাঁও আৰক্ষীৰ দলে । মুঠতে এতিয়া ড্ৰাগছেই হওঁক বা নাৰী দেহ ব্যৱসায়ে হওঁক কোনো অপৰাধী সাৰি যাব পৰা নাই নগাঁও আৰক্ষীৰ পৰা ।
লগতে পঢ়ক: Nagaon police firing : আনন্দ মিশ্ৰ বাহিনীৰ গুলীত আহত ড্ৰাগছ মাফিয়া
