ৰূপহীহাট,27 ফেব্ৰুৱাৰীঃ ৰাজ্যত অব্যাহত আছে জুৱাৰীৰ বিৰুদ্ধে আৰক্ষীৰ অভিযান ৷ শুক্ৰবাৰে সন্ধিয়া জুৰীয়াৰ তিনিচুকীয়াত উচ্ছেদ কৰা হৈছে এটা জুৱাৰ ঘাটি ৷ লগতে আৰক্ষীয়ে আটক কৰিবলৈ সক্ষম হৈছে তিনিজন জুৱাৰীক ৷
উল্লেখ্য যে, গোপন খবৰৰ পম খেদি শুক্ৰবাৰে সন্ধিয়া উৎখাত কৰিবলৈ সক্ষম হৈছে এই জুৱাৰ ঘাটি ৷ এই জুৱাৰ ঘাটিৰ পৰা আটক হোৱা জুৱাৰী কেইজনৰ পৰা বুজন পৰিমাণৰ নগদ ধনৰ লগতে জুৱা খেলত ব্যৱহৃত সামগ্ৰী উদ্ধাৰ কৰিবলৈ সক্ষম হয় জুৰীয়া আৰক্ষীয়ে ৷
জানিব পৰা মতে, আটকাধীন জুৱাৰী কেইজন হৈছে ক্ৰমে জুৰীয়াৰ চতিয়ানৰ চহিদুল আলী, তিনিচুকীয়া গাঁৱৰ ক্ৰমে আছৱ আলী আৰু ছাইফুল ইছলাম । বৰ্তমান আৰক্ষীয়ে এই সন্দৰ্ভত তদন্ত অব্যাহত ৰাখিছে ।
লগতে পঢ়কঃ আধাৰশিলা স্থাপনত ব্যস্ত চক্ৰধৰ গগৈ
