নগাওঁ,৮ এপ্ৰিলঃ দীৰ্ঘদিনে মূল্যবৃদ্ধিৰ ক্ষেত্ৰত নীৰৱ ভূমিকা গ্ৰহণ কৰা ৰাজ্য়ৰ যোগানমন্ত্ৰী গৰাকীৰ অৱশেষত মুখ খোল খায় ৷ নগাঁৱত বুধবাৰে মন্ত্ৰী ফণীভূষণ চৌধুৰী উপস্থিত হৈ যোগান বিভাগ আৰু জিলা প্ৰশাসনৰ বিষয়ববীয়াৰে এক বৈঠকত মিলিত হয় ৷ যোগান মন্ত্ৰী চৌধুৰীৰ লগত উপস্থিত থাকে মন্ত্ৰী কেশৱ মহন্ত । নগাঁৱৰ আৱৰ্ত ভৱনত অনুষ্ঠিত সভাখনত মন্ত্ৰীদ্বয়ে নগাঁৱত মজুত থকা খাদ্য সামগ্ৰীৰ বুজ লয় ।
সভাৰ অন্তত মন্ত্ৰী চৌধুৰীয়ে সংবাদ মাধ্যমৰ সন্মুখত কেতবোৰ গুৰুত্বপূৰ্ণ মন্তব্য আগবঢ়ায় । লক ডাউনৰ সময় বৃদ্ধি হ’লে অসমত এমাহলৈ খাদ্য সামগ্ৰীৰ নাটনি নহয় বুলি মন্তব্য কৰে যোগান মন্ত্ৰী গৰাকীয়ে । এই সময়ছোৱাত কোনো অসাধু ব্যৱসায়ীয়ে খাদ্য সামগ্ৰীৰ মূল্যবৃদ্ধি কৰিলে চৰকাৰে কঠোৰ ব্যৱস্থা গ্ৰহণ কৰিব বুলি সকীয়নি প্ৰদান কৰে যোগানমন্ত্ৰী গৰাকীয়ে ।
লগতে চাওকঃ বিহাৰত উদ্ভাৱন ভাৰতৰ প্ৰথমখন 'Corona warriors' mobile van'
