চামগুৰি,১৮ মাৰ্চ: নগাঁৱৰ চামগুৰি সমষ্টি পুনৰ দখলৰ লক্ষ্যৰে নিৰ্বাচনী প্ৰচাৰ চলাইছে বৰ্তমানৰ বিধায়ক তথা কংগ্ৰেছ প্ৰাৰ্থী ৰকিবুল হুছেইনে । সমষ্টিটোৰ পঞ্চায়তে পঞ্চায়তে দিনে-নিশা প্ৰচাৰ চলোৱাত ব্যস্ত হৈ পৰিছে কংগ্ৰেছ নেতাগৰাকীয়ে ।
বুধবাৰে সমষ্টিটোৰ বাজিয়াগাঁও ব্লক কংগ্ৰেছৰ অন্তৰ্গত খাটোৱাল কনোৱামাৰী, মোৱামাৰী আৰু কুহুমতলি পঞ্চায়তত ৰকিবুল হুছেইনে নিৰ্বাচনী প্ৰচাৰ সভাত অংশগ্ৰহণ কৰে । নিৰ্বাচনী প্ৰচাৰ সভাত বিধায়কগৰাকীৰ বাবে প্ৰায় দুই সহস্ৰাধিক লোকে নিশা ১২ বজালৈকে অপেক্ষা কৰি থকা পৰিলক্ষিত হয় ।
চামগুৰিত মাজনিশা পৰ্যন্ত প্ৰচাৰ চলালে ৰকিবুল
বিজেপি দলক ক্ষুৰধাৰ সমালোচনা কৰে হুছেইনে । কংগ্ৰেছৰ কাৰ্যকালৰ সময়ত কিমান সংখ্যক নিবনুৱাই চৰকাৰী চাকৰি লাভ কৰিলে আৰু কি কি আঁচনি ৰূপায়ণ কৰা হৈছিল তাৰ খতিয়ান দাঙি ধৰে জেষ্ঠ নেতাজনে ।
