মছজিদৰ দেৱাল নিৰ্মাণক কেন্দ্ৰ কৰি দুই ফৈদৰ সংঘাত

মছজিদৰ দেৱাল নিৰ্মাণক কেন্দ্ৰ কৰি সংঘাত ৷ চামগুৰিৰ মোৱামাৰীত দুই ফৈদৰ মাজত এই সংঘাত হোৱাৰ ফলত কেইবাজনো লোক আহত হৈছে ৷

চামগুৰি,10 নৱেম্বৰ: এটা মছজিদৰ দেৱাল নিৰ্মাণক কেন্দ্ৰ কৰি নগাঁৱৰ চামগুৰিত মঙলবাৰে উত্তেজনাপূৰ্ণ পৰিস্থিতিৰ সৃষ্টি হৈছে ৷ চামগুৰিৰ মোৱামাৰী গাঁও পঞ্চায়তৰ টেকেলীপুতাত বিষয় সন্দৰ্ভত দুটাকৈ ফৈদৰ মাজত মাৰপিট সংঘটিত হয় ৷

ঘটনাৰ বিৱৰণী অনুসৰি, টেকেলীপুতা শীতল জাৰণি মছজিদ প্ৰাংগণত এখন দেৱাল নিৰ্মাণক কেন্দ্ৰ কৰিয়েই এই সংঘৰ্ষৰ সূত্ৰপাত ঘটে ৷ মাৰপিটৰ ফলত দুয়োটা ফৈদৰ কেইবাজনো লোক আহত হয় ৷ ইতিমধ্যে ঘটনাস্থলীত উপস্থিত হৈছে স্থানীয় আৰক্ষীৰ এটা দল ৷ সংঘৰ্ষটোৰ ফলত আঘাতপ্ৰাপ্ত ব্যক্তিকেইজনক ততাতৈয়াকৈ প্ৰেৰণ কৰা হৈছে চামগুৰি প্ৰাথমিক স্বাস্থ্য কেন্দ্ৰলৈ ৷

লগতে চাওকঃ নুমলীগড় আৰক্ষীৰ জালত হাৰিয়ানাৰ আন্তঃৰাজ্যিক হেকাৰ