নগাঁও,20 এপ্ৰিলঃ অনাহৰে-অনিদ্ৰাই শিলিগুৰিৰ পৰা প্ৰায় এহেজাৰ কিলোমিটাৰ খোজকাঢ়ি অৱশেষত দেওবাৰে নিশা নগাঁৱত উপস্থিত হ'লহি যাদৱ গগৈ নামৰ 42 বছৰীয়া এগৰাকী ব্যক্তি ৷ নগাঁৱৰ গধৰীয়া গাঁৱৰ ব্যক্তিগৰাকীক নিশা নগাঁৱৰ ৰহাৰ ৰাজপথৰ সমীপৰ এটা পৰিত্যক্ত জিৰণিচ'ৰাৰ পৰা একে গাঁৱৰে একাংশ যুৱকে উদ্ধাৰ কৰি খবৰ দিয়ে আৰক্ষীক ৷ ইয়াৰ পিছতে 108 এম্বুলেঞ্চেৰে ব্যক্তিগৰাকীক স্বাস্থ্য পৰীক্ষাৰ বাবে প্ৰেৰণ কৰা হয় নগাঁও ভোগেশ্বৰী ফুকননী অসামৰিক চিকিৎসালয়লৈ ৷ সম্প্ৰতি কৰ'ণা ভাইৰাছৰ আতংকৰ প্ৰতি লক্ষ্য ৰাখি ব্যক্তিগৰাকীক চিকিৎসালয়খনতে কোৱাৰেণ্টাইনত ৰখাৰ ব্যৱস্থা কৰা হৈছে ৷
এহেজাৰ কিলোমিটাৰ খোজকাঢ়ি শিলগুৰিৰ পৰা নগাঁও পালেহি এগৰাকী ব্যক্তি
লগতে পঢ়কঃ লক ডাউনৰ সকলো খবৰ,ক’ত কি ঘটিল ?
