মৰিগাঁও,2 জানুৱাৰী: ইংৰাজী নৱবৰ্ষৰ পহিলা দিনটোতে মৰিগাঁৱৰ কৃষি বিজ্ঞান কেন্দ্ৰত জিলাখনৰ প্ৰগতিশীল কৃষকৰ কৃষি পদ্ধতিৰ ব্যৱহাৰ শীৰ্ষক এটি মত বিনিময় অনুষ্ঠান অনুষ্ঠিত হয় ৷ জিলা কৃষি বিজ্ঞান গৱেষণা কেন্দ্ৰৰ অধ্যক্ষ ডঃ ৰিজুস্মৃতা শৰ্মা ডেকাৰ সঞ্চালনাত অনুষ্ঠিত হোৱা এই কাৰ্যসূচীত অংশগ্ৰহণ কৰে জিলাখনৰ ডেৰ কুৰিৰো অধিক প্ৰগতিশীল কৃষকে ৷ এই অনুষ্ঠানত উপস্থিত কৃষকসকলে শেহতীয়াকৈ ব্যৱহাৰ কৰা কৃষি পদ্ধতি আৰু ইয়াৰ তুলনামূলক উপকাৰিতাৰ বিষয়ে নিজ অভিজ্ঞতা ব্যক্ত কৰে ৷
উল্লেখ্য যে, জিলাখনৰ ভিন্ন প্ৰান্তৰ কৃষকসকলে পূৰ্বৱতী সময়ছোৱাত কৃষি বিজ্ঞান গৱেষণা কেন্দ্ৰৰ জৰিয়তে লাভ কৰা অগ্ৰগতিৰ বাবে জিলা গৱেষণা কেন্দ্ৰৰ তৰফৰ পৰা একোখনি গামোচা আৰু দিনলিপিৰে সম্বৰ্ধনা জনোৱা হয় ৷ বছৰৰ পহিলা দিনটোতে এনেদৰে জিলাখনৰ কৃষকসকলক আমন্ত্ৰণ জনাই যচা সন্মানৰ বাবে অনুষ্ঠানৰ উদ্যোক্তাসকলক সম্বৰ্ধনা জনাই কৃষকসকলে ৷
লগতে চাওকঃ বিগত দুটা বৰ্ষত কাজিৰঙা ৰাষ্ট্ৰীয় উদ্যানত হ্ৰাস পাইছে গঁড় হত্যাৰ ঘটনা
