মৰিগাঁৱত আবতৰীয়া কুঁৱলীৰ আগমনত চিন্তিত চহা ৰাইজ

একাংশ ৰাইজৰ মতে খৰাঙৰ আগজাননী

মৰিগাঁও,৮মাৰ্চ:এজাক পাতলীয়া বতাহ-বৰষুণৰ পাচত হঠাৎ কুঁৱলীয়ে আৱৰি ধৰিলে পৰিবেশ । আবতৰীয়া কুঁৱলীৰ আগমনত চিন্তিত ৰাজ্যৰ চহা ৰাইজ । বসন্তৰ আগমনৰ প্ৰাকক্ষণত শৰতৰ কুঁৱলী দেখা পাই অশনি সংকেত বহন কৰাৰ আশংকা কৰিছে খেতিয়ক ৰাইজে । আগন্তক দিনত অনাবৃষ্টি হোৱাৰ আশংকাত চিন্তিত হৈ পৰিছে মৰিগঞা একাংশ সচেতন কৃষক । অতি উদ্বেগজনক ভাৱে ৰাজ্যৰ আন ঠাইৰ লগতে মৰিগাঁৱত বাঢ়ি অহা কুঁৱলীৰ ডাঠ আৱৰণে চিন্তাত পেলাইছে চহা কৃষকসমাজক ।