মৰিগাঁও, 28ছেপ্টেম্বৰ: আজি মৰিগাঁও জিলাৰ ভূৰাগাঁৱত শতাধিক ৰাইজে ৰূপায়ণ কৰে মানৱ শৃংখল কাৰ্যসূচী ৷ বান আৰু গৰাখহনীয়াৰ সমস্যা সমাধানৰ দাবীত স্থানীয় ৰাইজে সাব্যস্ত কৰে উত্তাল প্ৰতিবাদ ৷
দীৰ্ঘদিনে লাহৰীঘাটৰ ভূৰাগাঁও অঞ্চলত বৰলুইতে সন্ত্ৰাস চলাই আহিছে ৷ বৰলুইতৰ খহনীয়াত জাহ গৈছে বহু শিক্ষানুষ্ঠান, মছজিদ-মন্দিৰৰ লগতে হাজাৰ হাজাৰ হেক্টৰ কৃষিভূমি । চৰকাৰ তথা বিভাগীয় কৰ্তৃপক্ষক এই খহনীয়া প্ৰতিৰোধৰ বাবে বহুবাৰ আৱেদন জনাই আহিছে যদিও চৰকাৰ তথা বিভাগীয় কৰ্তৃপক্ষই কোনো গুৰুত্ব প্ৰদান নকৰাৰ অভিযোগ স্থানীয় ৰাইজৰ ৷ যাৰ বাবে আজি ভূৰাগাঁওবাসী ৰাইজে হাতে হাতে প্লে-কাৰ্ডলৈ খহনীয়াৰ স্থায়ী প্ৰতিৰোধৰ দাবী জনাই সাব্যস্ত কৰে তীব্ৰ প্ৰতিবাদ ৷
অন্য এক খবৰৰ বাবে: জন্মদিন বিশেষঃ লতা মংগেশকাৰৰ যাদুকৰী কন্ঠৰে নিগৰা শ্ৰেষ্ঠ গীতসমূহ
